LEBITIKOS 5:16 - Khasi CL Bible (BSI)

¹⁶ U dei ban siew ïa kata baroh ïa kaba u la klet ban wallam bad un siew tam arphew bynta na ka shispah. Un ai ïa kata ha u lyngdoh, bad u lyngdoh un ai ïa ka jingkñia da uta u mrad namar ka pop jong uta u briew bad yn map ïa u.

KA BAIBL

¹⁶ Bad un pynburia noh ïa kaba u la leh palat shaphang kata kaba la kyntang, bad nalor kata ruh un ai lang ïa kaba san bynta, bad un ai ïa kata ha u lyngdoh: bad uta u lyngdoh un pynlong ka jingpynïasuk na ka bynta jong u, da uta u langbrot ka jingkñia namar ka jingpalat, ynda kumta, yn map noh ïa u.

LEBITIKOS 5:16 ပူးပေါင်းရင်းမြစ်များ

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

EKSODOS 22:1

“Lada u briew u tuh ïa ka masi ne ïa ka langbrot bad u pynïap ïa ka ne u die ïa ka, u dei ban hap siew pat da san tylli ki masi ïa kawei ka masi, bad saw tylli ki langbrot ïa kawei ka langbrot.

LEBITIKOS 22:14

“Lada uno uno u briew u bym dei na ka longïing lyngdoh khlem da poi pyrkhat u bam ïa kano kano ka jingkñia ainguh, u dei ban pynphai sha uta u lyngdoh ïa ka dor jong ka bad un ai ruh nalor kata sa shi bynta na ka san bynta jong ka dor jong ka.

LEBITIKOS 27:13

Lada uta u briew u kwah ban thied pat ïa u, u dei ban siew ïa ka dor lem bad ka bynta kaba arphew na ka shispah.

LEBITIKOS 27:15

Lada uta u briew uba pynkyntang ïa la ka ïing u kwah ban thied pat ïa ka, u dei ban siew ïa ka dor lem bad ka bynta kaba arphew na ka shispah.

LEBITIKOS 27:27

hynrei ïa uba la kha nyngkong na u jingri u bymkhuid, dei ban thied pat ha ka dor ba la pynshong, lem bad ka bynta kaba arphew na ka shispah. Lada ym don ba thied pat ïa u, dei ban die ïa u ha uno uno u briew ha ka dor ba la pynshong.

LEBITIKOS 27:31

Lada u briew u kwah ban thied pat ïa ka, u dei ban siew ïa ka dor ba la pynshong lem bad ka bynta kaba arphew na ka shispah.

LEBITIKOS 4:20

Un leh kumjuh ïa une u masi lyngraw kumba u ju leh ïa u masi lyngraw jong ka jingkñia ainguh namar ka pop, bad ha kane ka rukom un pyndep ïa ka jingkñia namar ka pop jong uta u paidlang, bad yn map ïa ki.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 5:10

Nangta un kñia ïa kaba ar kum ka jingainguh thang, kat kum ki jingbuhbeit ryntih. Ha kane ka rukom u lyngdoh un ai ïa ka jingkñia na ka bynta ka pop jong uta u briew bad yn map ïa u.

LEBITIKOS 5:13

Ha kane ka rukom u lyngdoh un ai ïa ka jingkñia namar ka pop ba uta u briew u la leh, bad yn map ïa u. U purew uba dang sah un long jong u lyngdoh, kumba ka long ha ka jingkñia ainguh bam.

LEBITIKOS 5:6

bad kum ka bainong namar ka pop jong u, u dei ban wallam sha U Trai ïa ka langbrot ne ka blang kynthei kum ka jingainguh. U lyngdoh un ai ïa ka jingkñia namar ka pop jong uta u briew.

LEBITIKOS 7:2

Ïa u mrad na ka bynta kane ka jingkñia dei ban pynïap ha ka bynta bashatei jong ka duwan, ha kaba ju pynïap ïa ki mrad ba la wallam kum ki jingainguh thang, bad ïa ka snam jong u dei ban synreit ha baroh sawdong jong ka duwan.

JINGKHEIÑ 5:7

u dei ban phla ïa la ka pop bad buria lut, bad ai tam sa shi bynta na ka san bynta ha uta u briew uba la shah leh bymdei.

JINGKHEIÑ 5:8

Hynrei lada uta u briew u ïap noh bad um don shuh u ba-ha-ïing ha-sem uba dei ban ïoh ïa kata ka bai buria, dei ban ai ïa ka sha U Trai na ka bynta u lyngdoh. Kane ka jingburia kan long nalor u langbrot da uba dei ban pyndep ïa ka jinglehniam ka jingpynkhuid ïa uta u briew uba leh bymdei.

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

1 SAMUEL 6:3

Ki la jubab, “Lada phi pynphai ïa ka Synduk ka Jutang jong U Blei ki Israel, phi dei da shisha ban phah bad ka ïa ka jingai sngewbha sha u ban siew noh na ka bynta ka pop jong phi. Ka Synduk ka Jutang kam dei ban leit noh khlem ka jingai sngewbha. Da kumne, yn pynkoit ïa phi bad phin sa sngewthuh balei ba u ïai pynshitom ïa phi.”