LEBITIKOS 5:13 - Khasi CL Bible (BSI)

¹³ Ha kane ka rukom u lyngdoh un ai ïa ka jingkñia namar ka pop ba uta u briew u la leh, bad yn map ïa u. U purew uba dang sah un long jong u lyngdoh, kumba ka long ha ka jingkñia ainguh bam.

KA BAIBL

¹³ Bad uta u lyngdoh un pynlong ka jingpynïasuk na ka bynta jong u, namar kata ka pop jong u ba u la leh ha kawei na kine, ynda kumta, yn map noh ïa u: te kaba sah noh kan long ka jong u lyngdoh, kum ka jingkñia ainguh bam.’ ”

LEBITIKOS 5:13 ပူးပေါင်းရင်းမြစ်များ

HOSIA 4:8

Phi kylla riewspah na ki pop ki briew jong nga, bad kumta phi kwah ïa ki ban nang leh pop shuh shuh.

LEBITIKOS 2:10

Kaba sah na kata ka jingainguh ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 2:3

Kaba sah na kata ka jingainguh bam ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 4:20

Un leh kumjuh ïa une u masi lyngraw kumba u ju leh ïa u masi lyngraw jong ka jingkñia ainguh namar ka pop, bad ha kane ka rukom un pyndep ïa ka jingkñia namar ka pop jong uta u paidlang, bad yn map ïa ki.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 5:10

Nangta un kñia ïa kaba ar kum ka jingainguh thang, kat kum ki jingbuhbeit ryntih. Ha kane ka rukom u lyngdoh un ai ïa ka jingkñia na ka bynta ka pop jong uta u briew bad yn map ïa u.

LEBITIKOS 5:12

Un wanrah ïa u ha u lyngdoh, u ban shim shi kham na u kum ka dak ba la ainguh sha U Trai, bad un thang ïa u ha ka duwan kum ka jingkñia ainguh bam. Ka long ka jingkñia ban pynkhuid ïa ka pop.

LEBITIKOS 5:14

U Trai u ai ha u Moses ïa kine harum ki jingbuhbeit ryntih.

LEBITIKOS 5:16

U dei ban siew ïa kata baroh ïa kaba u la klet ban wallam bad un siew tam arphew bynta na ka shispah. Un ai ïa kata ha u lyngdoh, bad u lyngdoh un ai ïa ka jingkñia da uta u mrad namar ka pop jong uta u briew bad yn map ïa u.

LEBITIKOS 5:4

Lada uno uno u smai khlem da pyrkhat, kam pher la ka long ïa kano kano, u long uba la rem mar ïasngewthuh ïa kaei ba u la leh.

LEBITIKOS 5:5

Haba u briew u hap ha ka jingpynrem, u dei ban phla ïa kata ka pop,

LEBITIKOS 5:6

bad kum ka bainong namar ka pop jong u, u dei ban wallam sha U Trai ïa ka langbrot ne ka blang kynthei kum ka jingainguh. U lyngdoh un ai ïa ka jingkñia namar ka pop jong uta u briew.

LEBITIKOS 7:6

Uno uno u shynrang na ka longïing lyngdoh u lah ban bam ïa ka, hynrei dei ban bam ïa ka ha ka jaka kaba khuid, naba ka long kaba khuid bha.

1 KORINTH 9:13

Da shisha phi tip ba ki rangbah kiba trei ha ka Templ ki ïoh bam na ka Templ bad kito kiba kñia ïa ki jingainguh ha ka duwan ki ïoh ïa ka bynta na ki jingkñia?

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.