LEBITIKOS 5:11 - Khasi CL Bible (BSI)

¹¹ Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

KA BAIBL

¹¹ “ ‘Hynrei, lada ka kti jong u kam lah kot haduh ar tylli ki sohlyngngem, lane ar tylli ki khun lyngdkhur, ynda kumta, ka dei ïa uta uba la leh pop ban wallam ïa la ka jingkñia da kumba ar ser shiteng u 'purew bani, ïa ka ban long ka jingkñia namar ka pop; un ym theh umphniang ha ka, lymne buh ka jingiwbih halor jong ka: naba ka long ka jingkñia namar ka pop.

LEBITIKOS 5:11 ပူးပေါင်းရင်းမြစ်များ

EKSODOS 16:18

Hynrei haba ki la thew ïa ka, kito kiba lum kham bun kim shym ïoh tam, bad kito kiba lum kham khyndiat kim shym ïoh duna; man la u briew u lum tang katba u lah ban bam.

EKSODOS 16:36

(Ka jingthew ha kata ka por ka ïaryngkat bad arphew kilo.)

LEBITIKOS 1:14

Lada uta u briew u ai jingkñia da ka sim kum ka jingainguh thang, ka dei ban long ka paro ne ka lyngdkhur.

LEBITIKOS 12:8

Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

LEBITIKOS 14:21

Lada uta u briew u long uba duk bad um kotbor haduh katta, un wallam na ka bynta ka jingpynkhuid tang uwei u khunlangbrot kum ka jingkñia namar ka jingpalat, kaba long ka jingai kaba kyrpang ha U Trai na ka bynta u lyngdoh. Un wanrah ruh tang shi kilo u 'purew ba la khleh bad ka umphniang Olib ban pynlong ka jingkñia ainguh bam bad sa kumba shi bynta na ka lai bynta ka umphniang Olib.

LEBITIKOS 27:8

Lada uta u briew uba ai ïa ka kular um kotbor ban siew ïa kata ka dor kumba la pynshong, yn wan ïalam ïa uta u briew sha u lyngdoh, bad u lyngdoh un pynduna ïa ka dor kat kum ka bor ba u briew u lah ban siew.

LEBITIKOS 5:12

Un wanrah ïa u ha u lyngdoh, u ban shim shi kham na u kum ka dak ba la ainguh sha U Trai, bad un thang ïa u ha ka duwan kum ka jingkñia ainguh bam. Ka long ka jingkñia ban pynkhuid ïa ka pop.

LEBITIKOS 5:6

bad kum ka bainong namar ka pop jong u, u dei ban wallam sha U Trai ïa ka langbrot ne ka blang kynthei kum ka jingainguh. U lyngdoh un ai ïa ka jingkñia namar ka pop jong uta u briew.

LEBITIKOS 5:9

bad un synreit khyndiat ïa ka snam jong ka ha ka krung jong ka duwan. Ïa ka snam kaba dang sah yn pjiar ha trai ka duwan. Kane ka long ka jingkñia ban map ïa ka pop.

LEBITIKOS 6:20

na ka bynta ka jingpynsleh lyngdoh ïa kiba hiarpateng na u Aaron. Ha ka sngi ba yn pynkyntang ïa u, un ai kum ka jingainguh sha U Trai shi kilo u 'purew (kaba ïaryngkat bad ka jingainguh bam ba man ka sngi), shiteng ha ka por mynstep bad shiteng ha ka por janmiet.

JINGKHEIÑ 5:15

Ha kano kano na kine ar, uta u briew un leit ïalam ïa la ka tnga sha u lyngdoh. Un rah ruh ïa ka jingainguh shi kilo u 'purew barli, hynrei um dei ban theh umphniang Olib ne buh jingiwbih halor jong u, namar ka dei ka jingainguh na u briew uba suba sniew, ïa kaba la buh khnang ban tip ïa ka jingshisha.

LOUKAS 2:24

Ki la leit ruh ban ai jingkñia da shi jur ki lyngdkhur lane ar tylli ki khun paro, kumba la dawa da ka aiñ jong U Trai.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

HEBRU 9:22

Da shisha, kat kum ka Hukum, la jan baroh kiei kiei la pynkhuid da ka snam, bad ïa ki pop la map noh tang lada la theh ïa ka snam.