LEBITIKOS 4:3 - Khasi CL Bible (BSI)

³ Lada dei u Rangbah Lyngdoh uba leh pop bad da kumta u wanrah ïa ka jingpynrem ha ki paidbah, un ai ïa u masi lyngraw u bym don kano kano ka jingduna bad un kñia sha U Trai namar ka pop jong u.

KA BAIBL

³ lada uta u lyngdoh ba la pynsleh un leh pop kat ban pynlong pop ïa u paidbah; te un kñia na ka bynta kata ka pop jong u ba u la leh, da u masi lyngraw bajanai bha, ïa ka ban long ka jingkñia namar ka pop ha U Trai.

LEBITIKOS 4:3 ပူးပေါင်းရင်းမြစ်များ

2 KHRONIKL 29:21

Kum ka jingainguh ban weng noh ïa ki pop jong ka longïing syiem bad jong ki briew ka Judah bad ban pynkhuid ïa ka Templ, ki la wanlam hynñiew tylli ki masi lyngraw, hynñiew tylli ki langbrot, hynñiew tylli ki khunlangbrot, bad hynñiew tylli ki blang. U Syiem u bthah ïa ki lyngdoh, kiba hiarpateng na u Aaron, ban ainguh ïa ki jingri kum ki jingkñia halor ka duwan.

ESRA 8:35

Nangta kita baroh kiba la wan phai na ka jingshah ringmraw ki la wallam ki jingainguh ban thang kum ki jingkñia sha U Blei ki Israel. Ki la ainguh khat-ar tylli ki masi kyrtong na ka bynta ki Israel baroh, khyndaiphew hynriew tylli ki langbrot shynrang bad hynñiewphew hynñiew tylli ki khunlangbrot; ki ainguh ruh khat-ar tylli ki blang ban pynkhuid ïa lade na ka pop. Ïa kine ki jingri baroh la thang kum ki jingkñia sha U Trai.

EKSODOS 29:14

Hynrei ïa ka doh jong uta u masi lyngraw, ïa ka snieh jong u, bad ïa ki 'nierlang jong u, dei ban thang ïa ki shabar ka jaka shong dara. Kane ka long ka jingainguh ban sait ïa ki pop jong ki lyngdoh.

EKSODOS 29:21

Shim khyndiat ka snam kaba don ha kata ka duwan bad khyndiat ka umphniang pynsleh, bad synreit ha u Aaron bad ha ki jaiñkup jong u, bad ha ki khun shynrang jong u bad ha ki jaiñkup jong ki. Ma ki bad ki jaiñkup jong ki kin long kiba la pynkyntang khuid sha nga.

EKSODOS 29:7

Nangta, shim ïa ka umphniang pynsleh, theh ïa ka ha ka khlieh jong u, bad pynsleh ïa u.

EKSODOS 30:10

Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

ESEKIEL 40:39

Ha kane ka kamra rung, la don saw tylli ki miej, ar tylli ha kawei kawei ka liang jong ka kamra. Dei halor kine ki miej ba la pynïap ïa ki mrad ba dei ban ai kum ki jingkñia, lane ban thang tylli, lane ban long ki jingkñia sait pop ne kum ki jingtyrwa siew kylliang.

ESEKIEL 43:19

Kito ki lyngdoh kiba dei na ka jait Lebi kiba hiarpateng na u Sadok ki long tang ma ki, ki ban wan ha ka jingdon ryngkat jong nga ban shakri ïa nga. Ma nga, U Trai Nongsynshar, nga hukum ïa kane. Men ai ïa ki u masi lyngraw ban ainguh kum ka jingkñia na ka bynta ka pop.

LEBITIKOS 1:10

Lada uta u briew u wallam ïa ka jingainguh da uwei na ki blang ne ki langbrot jong u, u dei ban long da u shynrang uba khlem kano kano ka jingduna.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 16:11

Haba u Aaron u kñia ïa uta u masi lyngraw kum ka jingkñia namar ka pop na ka bynta ïa lade bad ka longïing jong u,

LEBITIKOS 16:3

U lah ban rung sha ka Jaka Kaba Khuid Tam tang hadien ba u la wallam ïa uwei u masi lyngraw ban pynlong ka jingkñia namar ka pop bad ïa uwei u langbrot na ka bynta ka jingkñia ainguh thang.”

LEBITIKOS 16:5

Ki Israel ki dei ban ai ïa u Aaron ar tylli ki 'langsohmoh ban pynlong ka jingkñia namar ka pop, bad uwei u langbrot na ka bynta ka jingkñia thang.

LEBITIKOS 16:6

Un kñia ïa uta u masi lyngraw kum ka jingkñia ban map ïa ki pop jong u bad jong ka longïing jong u.

LEBITIKOS 4:14

kumta haba la bna ïa kata ka pop, u paidlang un wanlam ïa u masi lyngraw kum ka jingainguh namar ka pop. Kin wanrah sha ka Ïingjaiñ ka Jingdon Ryngkat U Trai.

LEBITIKOS 4:23

kumta mar ïatip ïa kata ka pop, un wallam kum ka jingainguh jong u ïa u 'langsohmoh u bym don kano kano ka jingduna.

LEBITIKOS 4:28

te un tang shu tip ba u la leh pop kumta, un wallam kum ka jingainguh jong u ïa ka blang kynthei ka bym don kano kano ka jingduna.

LEBITIKOS 4:5

Nangta u Rangbah Lyngdoh un shim khyndiat ka snam jong uta u masi bad rah ïa ka shapoh ka Ïingjaiñ.

LEBITIKOS 5:6

bad kum ka bainong namar ka pop jong u, u dei ban wallam sha U Trai ïa ka langbrot ne ka blang kynthei kum ka jingainguh. U lyngdoh un ai ïa ka jingkñia namar ka pop jong uta u briew.

LEBITIKOS 6:18

Ha ki por ki ban wan baroh uno uno na ki shynrang kiba hiarpateng na u Aaron ki lah ban bam ïa ka pateng la pateng kum ka bynta na ki jingkñia ainguh bam sha U Trai. Uno uno uwei pat uba ktah ïa ka jingainguh bam un mynsaw na ka bor ka jingkhuid jong ka.

LEBITIKOS 8:12

U pynkyntang ïa u Aaron da kaba theh khyndiat ïa ka umphniang pynsleh ha ka khlieh jong u.

LEBITIKOS 9:2

U ong ha u Aaron, “Shim ïa uwei u masi lyngraw bad uwei u langbrot ki bym don kano kano ka jingduna bad kñia ïa ki ha U Trai, ïa u masi lyngraw kum ka jingkñia namar ka pop bad ïa u langbrot kum ka jingkñia ainguh thang.

LEBITIKOS 9:3

Nangta ong ïa ki paid Israel ban wallam ïa uwei u 'langsohmoh ban pynlong ka jingkñia namar ka pop, uwei u khun masi uba shisnem, bad uwei u khunlangbrot uba shisnem, ki bym don kano kano ka jingduna, ban pynlong ka jingkñia ainguh thang,

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 8:8

Nangta kin shim uwei u masi lyngraw bad ka jingainguh bam da u 'purew ba la khleh umphniang Olib; bad me pat men shim sa uwei u masi lyngraw na ka bynta ka jingkñia namar ka pop.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

HEBRU 5:3

Bad namar ma u hi u long uba tlot, u dei ban ai ïa ki jingkñia ym tang na ka bynta ki pop jong ki briew hynrei namar ki pop jong u ruh.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.