LEBITIKOS 4:25 - Khasi CL Bible (BSI)

²⁵ U lyngdoh un wieh ïa la ka shynriah'ti ha ka snam jong uta u mrad, un tah ïa ka ha ki reng kiba don ha ki dong jong ka duwan, bad un theh ïa kaba sah, ha trai jong kata ka duwan.

KA BAIBL

²⁵ Ynda kumta, uta u lyngdoh un shim na ka snam jong ka jingkñia namar ka pop da la ka shynriah'ti, bad un thoh halor ki reng jong ka duwan ka jingkñia ainguh thang, bad un theh ïa ka snam jong u ha trai ka duwan ka jingkñia ainguh thang.

LEBITIKOS 4:25 ပူးပေါင်းရင်းမြစ်များ

EKSODOS 29:12

Shim khyndiat ka snam jong uta u masi lyngraw, bad tah ïa ka da ka shynriah'ti jong me ha ki reng jong kata ka duwan. Nangta, theh ïa ka snam kaba sah ha trai jong kata ka duwan.

ISAÏAH 40:21

Hato phim tip? Hato ym shym la ïathuh slem mynshuwa? Hato phim shym ïohsngew kumno ka pyrthei ka sdang?

LEBITIKOS 16:18

un leit sha kata ka duwan ka jingainguh thang bad un pynkhuid ïa ka. U dei ban shim khyndiat na ka snam jong uta u masi lyngraw bad khyndiat na ka snam jong uta u 'langsohmoh bad un tah ïa ka ha ki reng kiba ha ki dong jong kata ka duwan.

LEBITIKOS 17:11

Ka jingim ki kynja ba-im baroh ka don ha ka snam, bad dei namar kata ba U Trai u la hukum ba dei ban theh ïa baroh ka snam ha ka duwan ban weng noh ïa ki pop ki briew. Ka snam, kaba long ka jingim, ka weng noh ïa ki pop.

LEBITIKOS 4:18

Un tah snam khyndiat ha ki reng kiba don ha ki dong jong ka duwan ka jingiwbih thang kaba hapoh ka ïingjaiñ bad un theh ïa ka snam kaba sah, ha trai ka duwan ki jingkñia ainguh thang, kiba don ha khmat ka jingkhang jong ka Ïingjaiñ.

LEBITIKOS 4:24

Un buh ïa la ka kti ha ka khlieh jong u bad un pynïap ïa u ha ka phang kaba shatei jong ka duwan, ha ka jaka ba ki ju pynïap ïa ki mrad na ka bynta ki jingkñia ainguh thang. Kane ka long ka jingkñia ainguh ban map noh ïa ka pop.

LEBITIKOS 4:30

U lyngdoh un wieh ïa la ka shynriah'ti ha ka snam jong kata ka mrad, un tah ïa ka ha ki reng kiba don ha ki dong jong ka duwan, bad un theh ïa kaba sah, ha trai ka duwan.

LEBITIKOS 4:34

U lyngdoh un wieh ïa la ka shynriah'ti ha ka snam jong kata ka mrad, un tah ïa ka ha ki reng kiba don ha ki dong jong ka duwan, bad un theh ïa kaba sah, ha trai ka duwan.

LEBITIKOS 4:7

Nangta un tah snam khyndiat ha ki reng kiba don ha ki dong jong ka duwan ka jingiwbih thang kaba hapoh ka Ïingjaiñ. U dei ban theh ïa ka snam kaba sah, ha trai ka duwan ki jingkñia ainguh thang kiba don ha khmat jingkhang jong ka Ïingjaiñ.

LEBITIKOS 5:9

bad un synreit khyndiat ïa ka snam jong ka ha ka krung jong ka duwan. Ïa ka snam kaba dang sah yn pjiar ha trai ka duwan. Kane ka long ka jingkñia ban map ïa ka pop.

LEBITIKOS 8:10

Nangta u Moses u shim ïa kata ka umphniang pynsleh, bad u buh ïa ka ha ka Ïingjaiñ ka Jingdon Ryngkat U Trai bad baroh kaba don ha ka, bad ha kane ka rukom u pynkyntang ïa ki baroh sha U Trai.

LEBITIKOS 8:15

U Moses u pynïap ïa u, u shim khyndiat ka snam, bad u pyndei ïa ka da la ka shynriah'ti ha ki reng kiba don ha ki dong jong ka duwan, khnang ban pynkyntang ïa ka. Nangta u theh ïa ka snam kaba sah baroh ha trai ka duwan. Ha kane ka rukom u pynkyntang ïa ka bad u pynkhuid ïa ka.

LEBITIKOS 9:9

Ki khun shynrang jong u ki wanrah ïa ka snam, bad u wieh ïa la ka shynriah'ti ha ka, bad u tah ïa ka ha ki reng kiba ha ki dong jong ka duwan, bad u theh ïa kaba sah baroh ha trai ka duwan.

Ka Shithi U Paul Sha Ki Nong Rom 10:4

Naba U Khrist u la pynkut ïa ka Hukum, khnang ba uei uei baroh uba ngeit u don ka jingïadei bad U Blei.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

HEBRU 9:22

Da shisha, kat kum ka Hukum, la jan baroh kiei kiei la pynkhuid da ka snam, bad ïa ki pop la map noh tang lada la theh ïa ka snam.