LEBITIKOS 4:24 - Khasi CL Bible (BSI)

²⁴ Un buh ïa la ka kti ha ka khlieh jong u bad un pynïap ïa u ha ka phang kaba shatei jong ka duwan, ha ka jaka ba ki ju pynïap ïa ki mrad na ka bynta ki jingkñia ainguh thang. Kane ka long ka jingkñia ainguh ban map noh ïa ka pop.

KA BAIBL

²⁴ bad un buh ïa la ka kti halor ka khlieh uta u blang, bad un pynïap ïa u ha kata ka jaka ha kaba ki ju pynïap ïa ka jingkñia ainguh thang ha khmat U Trai: kane ka long ka jingkñia namar ka pop.

LEBITIKOS 4:24 ပူးပေါင်းရင်းမြစ်များ

2 SYIEM 12:16

Ïa ka pisa ba la ai na ka bynta ki jingainguh ba hap siew pat bad na ka bynta ki jingkñia pop ym shym thep ha ka synduk; ka dei ka jong ki lyngdoh.

2 KHRONIKL 29:23

Khatduh eh ki leit lam ïa ki blang sha u syiem bad sha kiwei pat ki nongmane, kiba la buh ïa la ki kti halor jong ki.

EKSODOS 29:38

“Man la ka sngi ha ki por ban wan, kñia ha kata ka duwan ar tylli ki khunlangbrot kiba shisnem.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

LEBITIKOS 1:11

Un pynïap ïa u ha ka phang kaba shatei jong kata ka duwan, bad ki lyngdoh kin synreit ïa ka snam jong u sawdong kata ka duwan.

LEBITIKOS 1:4

Uta u briew un buh ïa la ka kti ha ka khlieh jong ka, bad yn sa pdiang ïa ka kum ka jingkñia ban kit noh ïa ki pop jong u.

LEBITIKOS 1:5

Un pynïap ïa uta u masi hangta, bad ki lyngdoh kiba na ka ïing u Aaron kin ai ïa ka snam sha U Trai, bad hadien kata kin synreit ïa ka sawdong kata ka duwan kaba don ha khmat ka jingkhang jong ka Ïingjaiñ.

LEBITIKOS 14:13

Un pynïap ïa uta u khunlangbrot ha ka jaka kaba kyntang ha kaba la ju pynïap ïa ki jingri na ka bynta ki jingkñia namar ka pop bad ïa ki jingkñia ainguh thang. U dei ban leh ïa kane namar ba ka jingkñia na ka bynta ka jingpalat, kumba long ka jingkñia namar ka pop, ka dei ka jong u lyngdoh, bad ka long kaba khuid bha.

LEBITIKOS 16:15

Hadien kata, un pynïap ïa uta u 'langsohmoh kum ka jingkñia namar ka pop na ka bynta u paidbah, un rah ïa ka snam jong u sha ka Jaka Kaba Khuid Tam, bad un synreit ïa ka halor ka jingtap bad ha khmat jong ka Synduk ka Jutang, kumba u la leh da ka snam jong uta u masi lyngraw.

LEBITIKOS 3:13

un buh ïa la ka kti ha ka khlieh jong u, bad pynïap ïa u ha khmat ka Ïingjaiñ. Ki lyngdoh kin synreit ïa ka snam jong u sawdong ka duwan,

LEBITIKOS 3:2

Uta u briew un buh ïa la ka kti ha ka khlieh jong uta u mrad bad un pynïap ïa u ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 3:8

Ki lyngdoh kin synreit ïa ka snam jong u sawdong ka duwan, bad un ai ïa kine ki dkhot met jong u kum ka jingainguh bam sha U Trai:

LEBITIKOS 6:18

Ha ki por ki ban wan baroh uno uno na ki shynrang kiba hiarpateng na u Aaron ki lah ban bam ïa ka pateng la pateng kum ka bynta na ki jingkñia ainguh bam sha U Trai. Uno uno uwei pat uba ktah ïa ka jingainguh bam un mynsaw na ka bor ka jingkhuid jong ka.

LEBITIKOS 6:22

Na ka bynta ka por baroh ka ban sa wan ïa kane ka jingkñia ainguh dei ban leh da uwei pa uwei u Lyngdoh uba hiarpateng na u Aaron u ban shakri kum u Rangbah Lyngdoh. Dei ba yn thang lut khoit ïa ka kum ka jingkñia sha U Trai.

LEBITIKOS 6:25

ban ai ha u Aaron bad ha ki khun jong u ïa kine harum ki jingbuhbeit ryntih kiba ïadei bad ka jingkñia namar ka pop. Ïa u mrad ba la wanrah kum ka jingkñia namar ka pop dei ban pynïap ha ka bynta bashatei jong ka duwan, ha kaba ju pynïap ïa ki mrad na ka bynta ki jingainguh thang. Kane ka long ka jingainguh kaba khuid bha.

LEBITIKOS 7:2

Ïa u mrad na ka bynta kane ka jingkñia dei ban pynïap ha ka bynta bashatei jong ka duwan, ha kaba ju pynïap ïa ki mrad ba la wallam kum ki jingainguh thang, bad ïa ka snam jong u dei ban synreit ha baroh sawdong jong ka duwan.