LEBITIKOS 3:5 - Khasi CL Bible (BSI)

⁵ Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

KA BAIBL

⁵ Te ki khun shynrang u Aaron kin thang ïa kita halor ka duwan, bad ïa ka jingkñia ainguh thang kaba halor ki dieng kaba halor ka ding, ïa ka ban long ka jingkñia da ka ding, ka jingiw baiwbih keiñ ha U Trai.

LEBITIKOS 3:5 ပူးပေါင်းရင်းမြစ်များ

1 SYIEM 8:64

Ha kata kajuh ka sngi u pynkyntang ruh ïa ka bynta kaba hapdeng ka phyllaw, kata ka jaka kaba ha khmat ka Templ, bad u kñia hangta ïa ki jingainguh thang, ïa ki jingainguh bam, bad ïa ka khleiñ jong ki mrad na ka bynta ka jingainguh jingïasyllok. U leh ïa kane namar ba kata ka duwan rnong ka rit than eh na ka bynta baroh kine ki jingainguh.

2 KHRONIKL 35:14

Hadien ba la dep ïa kane, ki Lebi ki pynbiang doh na ka bynta ïa lade bad na ka bynta ki lyngdoh kiba hiarpateng na u Aaron, namar ba ki lyngdoh ki bunkam haduh mynmiet, ha kaba thang tylli ïa ki jingri bad ïa ka khleiñ jong ki jingkñia.

EKSODOS 29:13

Nangta pat, weng noh ïa ka khleiñ baroh kaba sop ïa ki snier, ïa u dohnud, bad ïa ki khyllai baroh ar lem bad ka khleiñ kaba sop ïa ki, bad thang ïa ki ha kata ka duwan kum ka jingainguh ïa nga.

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:17

Un bat na ki thapniang jong ka bad un kad ïa ka met jong ka khlem da pyndkut ïa kita ki thapniang, bad nangta un thang tylli ïa ka ha ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

LEBITIKOS 3:4

baroh ka khleiñ kaba sop ïa ki snier, ki khyllai bad ka khleiñ kaba sop ïa ki, bad ka bynta kaba bha tam jong u dohnud.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 4:35

Nangta un weng ïa ka khleiñ jong ka baroh, kumba ju weng ïa ka khleiñ na ki langbrot ba la pynïap na ka bynta ki jingainguh ïasyllok, bad un thang ïa ka ha ka duwan lem bad ki jingainguh bam ba ai sha U Trai. Ha kane ka rukom u lyngdoh un ai ïa ka jingkñia namar ka pop jong uta u briew bad yn map ïa u.

LEBITIKOS 6:12

Ïa ka ding halor ka duwan dei ban ïai pynmeh bad ym dei ban shah ba kan lip noh. Man la ka step u lyngdoh un buh diengïap ha ka, un pynbeit ïa ka jingainguh thang halor jong ka, bad un thang ruh ïa ka khleiñ jong ka jingainguh ïasyllok.

LEBITIKOS 7:28

U Trai u la ai ha u Moses ïa kine harum ki jingbuhbeit ryntih na ka bynta ki paid Israel.

LEBITIKOS 9:17

U kñia ïa ka jingainguh bam bad u shim shi kham u purew bad u thang ïa u halor ka duwan. (Kane ka long nalor ka jingainguh thang kaba man ka sngi.)

JINGKHEIÑ 15:8

Haba la wanrah ïa u masi kum ka jingainguh thang, lane kum ka jingkñia ha kaba pyndep ïa kano kano ka jingsmai skhem, lane kum ka jingainguh jingpynïasuk,

JINGKHEIÑ 18:17

Hynrei ïa kiba la kha nyngkong na ki masi, ki langbrot bad ki blang ym dei ban thied pat; ki long kiba la pynkyrpang sha nga, bad dei ban kñia ïa ki. Synreit ïa ka snam jong ki ha ka duwan bad thang ïa ka khleiñ jong ki kum ka jingainguh bam, ka jingiw kaba pynsngewbha ïa nga.

JINGKHEIÑ 28:12

Kum ka jingainguh bam, wanrah u 'purew ba la khleh bad ka umphniang Olib: lai kilo u 'purew lem bad uwei u masi lyngraw; ar kilo u 'purew lem bad u langbrot;

JINGKHEIÑ 28:3

Kine ki long ki jingainguh bam kiba dei ban wanrah sha U Trai: na ka bynta ka jingainguh thang kaba man ka sngi, ar tylli ki khunlangbrot shynrang kiba shisnem ka rta ki bym don kano kano ka jingduna.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.