LEBITIKOS 3:2 - Khasi CL Bible (BSI)

² Uta u briew un buh ïa la ka kti ha ka khlieh jong uta u mrad bad un pynïap ïa u ha ka jingkhang jong ka Ïingjaiñ ka Jingdon Ryngkat U Trai.

KA BAIBL

² Bad un buh ïa la ka kti halor ka khlieh kata ka jingkñia ainguh jong u, bad un pynïap ïa ka hajan ka jingkhang Ka Tabernakl ka jingïaseng: te ki lyngdoh kiba ki khun shynrang u Aaron kin ïasynreit ïa ka snam ha ka duwan baroh sawdong.

LEBITIKOS 3:2 ပူးပေါင်းရင်းမြစ်များ

EKSODOS 29:10

“Wallam ïa uta u masi lyngraw ha khmat ka Ïingjaiñ ka Jingdon Ryngkat jong nga, bad ong ïa u Aaron bad ïa ki khun shynrang jong u ba kin buh ïa la ki kti ha ka khlieh jong u.

EKSODOS 29:11

Pynïap ïa uta u masi lyngraw hangta ha ka jingdon ryngkat jong nga ha ka jaka rung jong ka Ïingjaiñ.

EKSODOS 29:15

“Shim uwei na kita ki langbrot shynrang, bad ong ïa u Aaron bad ïa ki khun shynrang jong u ban buh ïa la ki kti ha ka khlieh jong u.

EKSODOS 29:16

Pynïap ïa u, shim ïa ka snam jong u, bad synreit ïa ka sawdong kata ka duwan.

EKSODOS 29:19

“Shim ïa uta uwei pat u langbrot — u langbrot ban pyndonkam na ka bynta ka jingpynkyntang — bad ong ïa u Aaron bad ïa ki khun shynrang jong u ban buh ïa la ki kti ha ka khlieh jong u.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

LEBITIKOS 1:11

Un pynïap ïa u ha ka phang kaba shatei jong kata ka duwan, bad ki lyngdoh kin synreit ïa ka snam jong u sawdong kata ka duwan.

LEBITIKOS 17:3

Lada uno uno u Israel u pynïap ïa u masi lane u langbrot lane 'langsohmoh kum ka jingainguh ïa U Trai hangno hangno lait noh ha khmat ka jingkhang jong ka Ïingjaiñ ka Jingdon Ryngkat U Trai u la pynkheiñ ïa ka hukum. U la pynmih snam bad yn ym ñiew shuh ïa u kum uwei na ki briew ki jong U Blei.

LEBITIKOS 3:3

Ki lyngdoh na ka ïing u Aaron kin synreit ïa ka snam sawdong ka duwan, bad kin ai ïa kine ki dkhot met jong uta u mrad kum ka jingainguh bam sha U Trai:

LEBITIKOS 3:8

Ki lyngdoh kin synreit ïa ka snam jong u sawdong ka duwan, bad un ai ïa kine ki dkhot met jong u kum ka jingainguh bam sha U Trai:

LEBITIKOS 8:22

Nangta u Moses u wanlam ïa u langbrot uba ar uba long na ka bynta ka jingpynkyntang ïa ki lyngdoh, bad u Aaron bad ki khun shynrang jong u ki buh ïa la ki kti ha ka khlieh jong u.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

JINGKHEIÑ 18:17

Hynrei ïa kiba la kha nyngkong na ki masi, ki langbrot bad ki blang ym dei ban thied pat; ki long kiba la pynkyrpang sha nga, bad dei ban kñia ïa ki. Synreit ïa ka snam jong ki ha ka duwan bad thang ïa ka khleiñ jong ki kum ka jingainguh bam, ka jingiw kaba pynsngewbha ïa nga.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

KI KAM 3:26

Bad kumta U Blei u la jied ïa la u Shakri bad u la phah ïa u nyngkong ha phi, ban kyrkhu ïa phi da kaba pynlong ïa uwei pa uwei na phi ban phai noh na ki lynti bymman jong u.”

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.