LEBITIKOS 3:17 - Khasi CL Bible (BSI)

¹⁷ Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

KA BAIBL

¹⁷ Kane ka long ka hukum kaba ha la ka rta ïa phi pateng la pateng ha ki ïing jong phi baroh; lymne ïa ka khleiñ lymne ïa ka snam wat bam satia.”

LEBITIKOS 3:17 ပူးပေါင်းရင်းမြစ်များ

JENESIS 9:4

Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam.

2 KHRONIKL 29:35

Nalor ki jingkñia ba la thang tylli, ki lyngdoh ki kitkhlieh ban thang ïa ka khleiñ kaba la ai na ki jingkñia kiba ki briew ki la bam bad ban theh ïa ka waiñ ba la ai lang bad ki jingainguh thang. Bad kumta ka jingmane ha ka Templ ka la sdang biang.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 28:43

U Aaron bad ki khun shynrang jong u ki dei ban phong ïa ki man ka por ba ki leit rung shapoh ka Ïingjaiñ ka Jingdon Ryngkat jong nga ne haba ki leit sha jan ka duwan ban shakri kum ki lyngdoh ha ka Jaka kaba Kyntang, khnang ba kin ym shah pynïap ba ki thad burom ïa lade. Kane ka long ka aiñ kaba neh shi rta ïa u Aaron bad ki khun ki ksiew jong u.

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

LEBITIKOS 10:15

Kin wallam ïa ka kjat-dien bad ïa ka shadem katba dang kñia ïa ka khleiñ kum ka jingainguh bam sha U Trai. Kine ki bynta ki long ki jong me bad jong ki khun jong me pateng la pateng, kumba U Trai u la hukum.”

LEBITIKOS 10:9

“Ma me bad ki khun shynrang jong me phim dei ban rung shapoh ka Ïingjaiñ ka Jingdon Ryngkat jong nga hadien ba phi la dih waiñ lane dih kyiad; lada phi leh kumta phin ïap. Kane ka long ka aiñ kaba dei ban bud da ki khun ki ksiew jong me pateng la pateng.

LEBITIKOS 16:29

Kine harum ki long ki jingbuhbeit ryntih kiba dei ban bud pateng la pateng. Ha ka sngi kaba shiphew jong u bnai uba hynñiew, ki Israel bad ki nongwei kiba shong ryngkat bad ki, ki dei ban shahjingit bad ban ym trei ïa kano kano ka kam.

LEBITIKOS 16:34

Kine ki long ki jingbuhbeit ryntih kiba dei ban rakhe pateng la pateng. Ïa kane ka rukom lehniam dei ban leh shisien shisnem ban pynkhuid ïa ki Israel na ki pop jong ki. Kumta u Moses u leh, kumba U Trai u la hukum ïa u.

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

LEBITIKOS 19:26

“Wat bam ïa kano kano ka doh ba dang don snam ha ka. Wat leh ïa kano kano ka kam byrtong.

LEBITIKOS 23:14

Wat bam na uta u kew thymmai, la uba dang im, ne uba la sdieh pyrthiew, ne uba la pynlong kpu, tad haduh ba phi la wallam ïa kane ka jingkñia ainguh sha U Blei. Kane ka long ka hukum kaba ki khun ki ksiew jong phi ki dei ban leh pateng la pateng.

LEBITIKOS 23:21

Ha kata ka sngi, wat trei ei ei kumba phi ju trei man la ka sngi, hynrei ïalumlang ban mane Blei. Ki khun ki ksiew jong phi ki dei ban leh ïa kane ka hukum pateng la pateng shano shano ba ki don.

LEBITIKOS 24:3

Man la ka janmiet, u Aaron un thang ïa ki bad un ieh ba kin meh haduh mynstep ha khmat U Trai shabar ka jingkah kaba ha khmat ka Synduk ka Jutang. Ïa kane ka hukum dei ban leh pateng la pateng.

LEBITIKOS 24:9

Uta u kpu u dei na ka bynta u Aaron bad ki khun shynrang jong u. Ki dei ban bam ïa u ha ka jaka kaba kyntang, naba uta u long ka bynta kaba kyntang eh na ki jingainguh bam ba la kñia sha U Trai na ka bynta jong ki.”

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

LEBITIKOS 4:1

U Trai u hukum ïa u Moses

LEBITIKOS 6:15

Nangta un shim shi kham u 'purew bad ka umphniang, bad ïa ka jingiwbih halor jong ka, bad un thang ha ka duwan kum ka dak ba ïa kata baroh la kñia ainguh ha U Trai. Ka jingiw na kane ka jingainguh ka long kaba pynsngewbha ïa U Trai.

LEBITIKOS 6:18

Ha ki por ki ban wan baroh uno uno na ki shynrang kiba hiarpateng na u Aaron ki lah ban bam ïa ka pateng la pateng kum ka bynta na ki jingkñia ainguh bam sha U Trai. Uno uno uwei pat uba ktah ïa ka jingainguh bam un mynsaw na ka bor ka jingkhuid jong ka.

LEBITIKOS 6:22

Na ka bynta ka por baroh ka ban sa wan ïa kane ka jingkñia ainguh dei ban leh da uwei pa uwei u Lyngdoh uba hiarpateng na u Aaron u ban shakri kum u Rangbah Lyngdoh. Dei ba yn thang lut khoit ïa ka kum ka jingkñia sha U Trai.

LEBITIKOS 7:23

Ym dei ban bam ïa ka khleiñ jong ki masi, ki langbrot, ne ki blang.

LEBITIKOS 7:34

Ka shadem jong u mrad ka long ka jingai kaba kyrpang, bad ka kjat-dien kamon ka long ka jingai kaba kyrpang kaba U Trai u la shim na ki paid Israel bad ban ai ha ki lyngdoh. Kane ka long kaba ki paid Israel ki dei ban ai ha ki lyngdoh pateng la pateng.

LEBITIKOS 7:36

Ha kata ka sngi U Trai u la hukum ïa ki paid Israel ban ai ïa kane ka bynta jong ka jingainguh. Ka dei ka aiñ ba ki paid Israel ki dei ban kohnguh pateng la pateng.

JINGKHEIÑ 19:21

Phi dei ban sumar ïa kane ka jingpynbeit ryntih ha ki por ki ban wan baroh. Uta u briew uba synreit ïa ka um ka jingpynkhuid u dei ruh ban sait ïa la ki jaiñ; uno uno uba ktah ïa kata ka um u ïailong u bymkhuid haduh janmiet.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

EPHESOS 5:26

U la leh ïa kane ban pynkyntang ïa ka balang sha U Blei da ka ktien jong u, hadien ba la pynkhuid ïa ka da kaba sait ïa ka ha ka um, khnang ban aiti ïa ka balang sha lade hi, ha ka jingitynnat jong ka baroh — kaba khuid bad khlem shah kynnoh pop, khlem ka jingthohbria ne ka jingsti ne kano kano ka jingbymjanai.

DEUTERONOMI 12:16

Hynrei phim bit ban bam ïa ka snam jong ki; phi dei ban theh ïa ka ha ka khyndew kumba theh ïa ka um.

DEUTERONOMI 12:23

Tangba wat bam ïa ka doh kaba dang don snam hapoh jong ka, namar ka jingim ka don ha ka snam, bad phim dei ban bam ïa kata ka jingim lem bad ka doh.

DEUTERONOMI 12:24

Wat pyndonkam ïa ka snam kum ka jingbam; pynban, theh noh ïa ka ha ka khyndew kumba theh ïa ka um.

DEUTERONOMI 15:23

Hynrei wat pyndonkam ïa ka snam jong ki kum ka jingbam; pynban, theh noh ïa ka ha khyndew kumba theh um.

DEUTERONOMI 32:14

Ki masi bad ki blang jong ki, ki ai kyrhai ka dud, ki la don ki langbrot, ki blang, bad ki masi ruh kiba da kynsai, u kew uba kynsai tam bad ka waiñ kaba bang tam.

1 TIMOTHI 4:4

Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.