LEBITIKOS 3:1 - Khasi CL Bible (BSI)

¹ Haba uno uno u ai jingkñia ïa uwei na ki masi jong u kum ka jingainguh ïasyllok, ka dei ban long da u shynrang ne ka kynthei ki bym don kano kano ka jingduna.

KA BAIBL

¹ “Bad lada ka jingkñia ainguh jong u kan long ka jingkñia bapynïasuk; te lada un kñia ainguh na ki masi, to un kñia ainguh ïa ka da ka bajanai bha ha khmat U Trai, la ka long da u shynrang lane da ka kynthei.

LEBITIKOS 3:1 ပူးပေါင်းရင်းမြစ်များ

1 KHRONIKL 21:26

U la tei hangta ïa ka duwan ha U Trai bad u la ai ki jingainguh thang bad ki jingainguh ïasyllok. U la duwai, bad U Trai u la jubab ïa u da kaba phah ïa ka ding na bneng ban thang ïa ki jingainguh halor ka duwan.

EKSODOS 20:24

Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

EKSODOS 29:28

Kane ka long ka rai jong nga ka ban ym kylla ba haba ki briew jong nga ki pynlong ïa ka jingkñia ïasyllok, ka shadem bad ka lbong jong u mrad ki long ka bynta jong ki lyngdoh. Kane ka long ka jingai sngewbha jong ki briew sha nga, U Trai.

PROBERB 7:14

“Nga la ai ki jingainguh mynta, bad nga don ki doh kñia.

ESEKIEL 43:27

Haba la kut shi taïew, ki lyngdoh kin sdang ki jingainguh thang halor ka duwan bad ki jingainguh thang jingïasyllok ki paidbah. Te ngan sngewbha na bynta jong phi baroh. Ma nga, U Trai Nongsynshar, nga la kren.”

LEBITIKOS 1:10

Lada uta u briew u wallam ïa ka jingainguh da uwei na ki blang ne ki langbrot jong u, u dei ban long da u shynrang uba khlem kano kano ka jingduna.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 17:5

Ka jingmut jong kane ka hukum ka long ba naduh mynta ki Israel ki dei ban wallam sha U Trai ïa ki mrad ba ki ju pynïap ha lum ha wah. Mynta ki dei ban wallam ïa ki ha u lyngdoh ha ka jingkhang ka Ïingjaiñ bad pynïap ïa ki kum ki jingainguh ïasyllok.

LEBITIKOS 3:6

Lada u wallam ïa u langbrot ne u 'langsohmoh kum ka jingainguh ïasyllok, u lah ban long da u shynrang ne ka kynthei kiba khlem kano kano ka jingduna.

LEBITIKOS 9:18

U pynïap ïa u masi lyngraw bad ïa u langbrot kum ka jingkñia ainguh ïasyllok na ka bynta ki paidbah. Ki khun shynrang jong u ki wanrah ha u ïa ka snam, bad u theh ïa ka sawdong ka duwan.

LEBITIKOS 9:4

bad sa uwei u masi bad uwei u langbrot ban pynlong ka jingkñia ainguh ïasyllok. Dei ban kñia ïa ki ha U Trai ryngkat bad ka jingainguh bam ba la khleh bad ka umphniang. Ki dei ban leh ïa kane namar U Trai un wanpaw ha ki mynta ka sngi.”

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

MALAKHI 1:8

Haba phi wallam da u jingri uba matlah ne uba pang ne uba dkoh ban kñia ha nga, hato phi pyrkhat ba kam don jingbakla ha kata? Pyrshang ban ai da uba kum uta u jingri ha u lat! Hato un sngewbha ïa phi ne ai ha phi ïa kiba phi kyrpad?”

JINGKHEIÑ 15:8

Haba la wanrah ïa u masi kum ka jingainguh thang, lane kum ka jingkñia ha kaba pyndep ïa kano kano ka jingsmai skhem, lane kum ka jingainguh jingpynïasuk,

JINGKHEIÑ 6:14

bad ai sha U Trai lai tylli ki jingri ki bym don kano kano ka jingduna: uwei u khunlangbrot uba shisnem ka rta na ka bynta ka jingainguh thang, kawei ka khunlangbrot kaba shisnem ka rta na ka bynta ka jingkñia namar ka pop, bad uwei u langbrot na ka bynta ka jingainguh jingïasyllok.

DEUTERONOMI 12:27

Kñia ïa ki jingainguh thang hangta ha ka duwan U Trai. Kñia ruh ïa kita ki jingainguh na kiba phi bam ïa ka doh jong ki, bad theh ïa ka snam jong ki ha ka duwan.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

NONGBISHAR 20:26

Nangta baroh ki briew ka Israel ki leit kiew sha Bethel bad ki ïamkthang. Ki shong hangta ha khmat U Trai bad kim shym bam ei ei haduh janmiet. Ki kñia ki jingainguh ïasyllok bad ki thang ïa ki jingainguh pynïasuk — baroh ha jingdon ryngkat U Trai.

NONGBISHAR 21:4

Dang step ha ka sngi kaba bud ki paidbah ki tei ïa ka duwan hangta, ki ai ïa ka jingkñia ïasyllok bad thang ïa ki jingainguh pynïasuk.