LEBITIKOS 27:8 - Khasi CL Bible (BSI)

⁸ Lada uta u briew uba ai ïa ka kular um kotbor ban siew ïa kata ka dor kumba la pynshong, yn wan ïalam ïa uta u briew sha u lyngdoh, bad u lyngdoh un pynduna ïa ka dor kat kum ka bor ba u briew u lah ban siew.

KA BAIBL

⁸ Hynrei, lada un long kham duk ïa ka jingkheiñ dor jong me, ka dei ba un leit ïeng ha khmat u lyngdoh, ynda kumta, u lyngdoh un kheiñ dor ïa u; katba kum ka bor jong uta uba kular, kumta keiñ u lyngdoh un buh dor ïa u.

LEBITIKOS 27:8 ပူးပေါင်းရင်းမြစ်များ

2 SYIEM 7:5

Kumta, haba ka la sdang dum, ki leit sha ka jaka shong dara ki Syria, hynrei ynda ki poi ha ka, ym don mano mano hangta.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

LEBITIKOS 12:8

Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

LEBITIKOS 27:9

Lada ka jingkular shaphang u mrad ka long kaba lah ban pdiang kum ka jingainguh sha U Trai, te kum kata ka jingai sha U Trai ka long kaba kyntang,

LEBITIKOS 5:11

Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

LEBITIKOS 5:7

Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

MARKOS 14:7

Phin don borabor ïa ki briew kiba duk bad phi, bad ha kano kano ka por ba phi kwah, phi lah ban ïarap ïa ki. Hynrei phin ym ïoh borabor ïa nga.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.