LEBITIKOS 27:30 - Khasi CL Bible (BSI)

³⁰ Kawei na ka shiphew na ka jingmih baroh na ka khyndew, la ka dei u kew ne u soh, ka long ka jong U Trai.

KA BAIBL

³⁰ “ ‘Bad kaba shiphew bynta jong ka khyndew baroh, na u symbai ka khyndew, bad na u soh ki dieng, ka long ka jong U Trai: ka long ba la kyntang khuid ha U Trai.

LEBITIKOS 27:30 ပူးပေါင်းရင်းမြစ်များ

JENESIS 14:20

bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.

JENESIS 28:22

Une u maw buh jingkynmaw ïa uba nga la thung un long ka jaka ha kaba ïa me yn mane, bad ngan ai sha me ïa kaba shiphew na kiei kiei baroh kiba me ai ïa nga.”

JENESIS 47:24

Ha ka por ot, phin ai shi bynta na ka san bynta ha u syiem, bad kaba sah saw bynta kan long ka jong phi, ba phin ïoh buh symbai, bad ba phin ïoh jingbam na ka bynta ïa lade bad ïa ki ba-ha-ïing ha-sem jong phi.”

JENESIS 47:26

Kumta u Joseph u shna ïa ka aiñ kaba ïadei bad ka khyndew ha ri Ijipt ba kaba shi bynta na ka san bynta na ka jinglum ha ka aïom ot kan long ka jong u syiem. Kane ka aiñ ka dang neh haduh kane ka sngi. Tang ka khyndew jong ki lyngdoh te kam shym kylla long ka jong u syiem.

2 KHRONIKL 31:12

bad ki buh ïa ki jingai baroh bad kawei-na-kaba-shiphew hangta ban shngain. Ki thung ïa u Lebi uba kyrteng u Konanaïah ban peit bad ki pynlong ïa u para jong u, u Shimei kum u nongïarap lem jong u.

NEHEMAÏAH 12:44

Ha kata ka por, la buh ïa ki rangbah ban khmih ïa ki kamra buh tiar ha kiba ïa ki jingai sngewbha na ka bynta ka Templ la buh, kynthup ïa kiba shiphew bad ïa u kew banyngkong bad u soh uba ih nyngkong man ka snem. Kine ki rangbah ki kitkhlieh na ka bynta ka jinglum na ki kper hajan ki nongbah ba bun, ïa ki jingai sngewbha na ka bynta ki lyngdoh bad ki Lebi, kiba ka Hukum ka dawa. Baroh ki briew ka Judah ki la sngewkmen ïa ki lyngdoh bad ki Lebi,

NEHEMAÏAH 13:12

Nangta baroh ki Israel ki sdang wanrah biang sha ki kamra buh tiar ïa kiba shiphew na u kew jong ki, ka waiñ, bad ka umphniang Olib.

NEHEMAÏAH 13:5

U shah ïa u Tobiah ban pyndonkam ïa ka kamra kaba heh ïa kaba la thmu tang ban buh ïa u kew jingkñia bad ka jingiwbih, ki tiar ki tar ba pyndonkam ha ka Templ, ki jingainguh na ka bynta ki lyngdoh, bad kiba shiphew na u kew, ka waiñ, bad ka umphniang Olib ba ai sha ki Lebi, ki nongtem nongput ka Templ, bad ki nongap phira ka Templ.

LEBITIKOS 27:29

Wat ïa u briew hi, ïa uba la pynkyntang khlem buh kyndon, ym lah shuh ban thied pat; u dei ban shah pynïap.

LEBITIKOS 27:31

Lada u briew u kwah ban thied pat ïa ka, u dei ban siew ïa ka dor ba la pynshong lem bad ka bynta kaba arphew na ka shispah.

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

LOUKAS 18:12

Nga shahjingit ar sien shi taïew, bad nga ai ha me kawei na ki shiphew jong ki jingïoh jong nga baroh.’

DEUTERONOMI 18:8

U dei ban ïoh bynta mar katjuh ka jingbam kumba long kiwei pat ki lyngdoh, bad u lah ban buh ïa kano kano kaba ki ba-ha-ïing ha-sem jong u ki phah sha u.

DEUTERONOMI 26:12

“Shisien man ka lai snem, ai kawei-na-kaba-shiphew — kaba shiphew na ki jingthung jong phi — ha ki Lebi, ki nongwei, ki khunswet, bad ki riewkynthei, khnang ba ha man la ka shnong kin ïoh bam kdang. Haba phi la leh ïa kane,