LEBITIKOS 26:9 - Khasi CL Bible (BSI)

⁹ Ngan kyrkhu ïa phi bad ngan ai ha phi shibun ki khun; ngan pynskhem ïa ka bynta ka jutang jong nga kaba nga la pynlong bad phi.

KA BAIBL

⁹ Bad ngan khmih thuh ïa phi, bad ngan pynlong ïa phi ki ban man kyrhai, bad ngan pynbun ruh ïa phi; bad ngan pynskhem ïa ka jutang jong nga bad phi.

LEBITIKOS 26:9 ပူးပေါင်းရင်းမြစ်များ

JENESIS 1:28

U la thaw ïa ki, shynrang bad kynthei, u la kyrkhu ïa ki, bad u la ong, “To phin ïoh bun ki khun ki kti, ba ki nonghiarpateng jong phi kin shong kin sah ha kylleng ka pyrthei bad wallam ïa ka hapoh ka jingsynshar jong ki. Nga buh ïa phi ban khmih ïa ki dohkha, ki sim, bad ïa baroh ki mradkhlaw.

JENESIS 17:20

Nga la ïohsngew ïa ka jingkyrpad jong me na ka bynta u Ishmael, kumta ngan kyrkhu ïa u bad ngan ai ha u shibun ki khun ki ksiew. Un long u kpa jong ki khat-ar ngut ki khun syiem, bad ngan pynlong ka jaitbynriew kaba khraw na ki khun ki ksiew jong u.

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 48:4

U la ong ha nga, ‘Ngan ai ha me bun ki khun ki ksiew ba kumta ki nongmih pateng jong me kin sa long ki jaitbynriew kiba bun. Ngan ai ïa kane ka ri ha ki khun ki ksiew jong me ba kan long ka ri kynti jong ki junom.’ ”

JENESIS 6:18

Hynrei ngan pynlong ka jutang bad me. Khie rung shapoh kata ka lieng bad la ka tnga jong me, ki khun shynrang jong me lem bad ki tnga jong ki.

1 SYIEM 3:8

Nga don hangne hapdeng ki briew ïa kiba me la jied kum la ki jong, ki briew kiba bun paid katta katta ba ym lah ñiew shuh ïa ki.

2 SYIEM 13:23

hynrei U Trai u long uba bha bad leh-isynei ïa ki. Um shah ba yn pynjot ïa ki, hynrei u ïarap ïa ki, namar ka jutang jong u bad u Abraham, u Isaak, bad u Jakob. Um pat ju klet ïa la ki briew.

NEHEMAÏAH 2:20

Nga jubab, “U Blei jong ka Bneng un ai jingjop ïa ngi. Ngi long ki shakri jong u, bad ngin sdang ïa ka jingtei. Hynrei phim don hok ïa kano kano ka jingdon ha Jerusalem, bad phim ïadon bynta ha ki riti ki dustur jong ka.”

NEHEMAÏAH 9:23

Me ai ïa ki, ki khun kiba bun kat ki khlur ha sahit bneng, bad me la shah ïa ki ban jop bad ban shong ban sah ha ka ri kaba me la kular ha ki kpa tymmen ban ai ha ki.

SALM 107:38

U kyrkhu ïa ki briew jong u, bad ki don bun ki khun ki kti; u pynlong ba ki jingri jingdup jong ki kin ym duna.

SALM 89:3

Me la ong, “Nga la pynlong ka jutang bad u briew uba nga la jied, nga la kular ha u Dabid u shakri jong nga,

EKSODOS 1:7

hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

EKSODOS 2:25

U ïohi ïa ka jinglongmraw jong ki Israel, bad u la sngewkhia na ka bynta jong ki.

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

ESEKIEL 16:62

Ngan pynthymmai ïa ka jutang jong nga bad pha, bad phan tip ba nga long U Trai.

ESEKIEL 36:9

Nga don ha ka liang jong phi, bad ngan pynthikna ba yn lur biang ïa ka khyndew jong phi bad ïa ki symbai yn thung hangta.

LEBITIKOS 26:15

Lada phi kyntait ïa ki aiñ bad ki hukum jong nga, bad phi pynkheiñ ïa ka jutang ba nga la pynlong bad phi, ngan pynshitom ïa phi.

LOUKAS 1:72

U la ong ba un pyn-i jingisynei ïa ki kpa tymmen jong ngi bad kynmaw ïa ka jutang bakyntang jong u.

DEUTERONOMI 28:11

U Trai un ai ha phi kyrhai ki khun ki kti, kyrhai ki masi, bad kyrhai ki soh ha kata ka ri ba u la kular ha ki kpa tymmen jong phi ban ai ha phi.

DEUTERONOMI 28:4

“U Trai un kyrkhu ba phin roi kyrhai ha ki khun ki kti, ba ki jingthung jong phi kin seisoh shibun, bad ba ki masi bad ki langbrot jong phi kin nang bun.

DEUTERONOMI 7:13

Un ieit bad kyrkhu ïa phi, ba phin nang roi kyrhai. Un kyrkhu ruh ba phin ïoh shibun ki khun ki kti; un kyrkhu ïa ki lyngkha jong phi ba phin ïoh u kew, ka waiñ, bad ka umphniang Olib; bad un kyrkhu ruh ïa phi da kaba ai ha phi shibun ki masi bad ki langbrot, ha kata ka ri ïa kaba u la kular ha ki kpa tymmen jong phi ban ai ha phi.

HEBRU 8:9

Kan ym long kum ka jutang ïa kaba nga la pynlong bad ki kpa tymmen jong ki ha kata ka sngi ha kaba nga la btin ïa ki bad la ïalam noh ïa ki na ka ri Ijipt. Kim shym ïaineh ha kata ka jutang kaba nga la pynlong bad ki, bad kumta ngam shym shahshkor shuh ïa ki.