LEBITIKOS 26:4 - Khasi CL Bible (BSI)

⁴ ngan phah ha phi ïa u slap ha ka aïom kaba biang, khnang ba ka khyndew kan pynmih kyrhai ki jingthung jingtep bad ki dieng kin seisoh.

KA BAIBL

⁴ te ngan ai ha phi ïa u slap ha la ka aïom, bad ka khyndew kan sei ïa la ka jingmih, bad ki dieng ka lyngkha kin sei ïa la ki soh.

LEBITIKOS 26:4 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

Ka Kitab U Job 5:10

U phah ïa u slap ha ka ri bad u ai um ïa ki lyngkha.

SALM 104:13

Na suiñbneng me phah ïa u slap halor ki lum, bad ïa ka pyrthei la pyndap da ki jingkyrkhu jong me.

SALM 67:6

Ka khyndew ka la pynmih ïa u soh jong ka; U Blei, U Blei jong ngi, u la kyrkhu ïa ngi.

SALM 67:7

U Blei u la kyrkhu ïa ngi; ai ba ki briew baroh hangno hangno kin pyndonburom ïa u.

SALM 68:9

Me la pynhap kyrhai u slap bad me pynbha pat ïa ka ri kaba tyrkhong;

SALM 85:12

U Trai un pynlong pynmanbha ïa ngi, bad ka ri jong ngi kan pynmih kyrhai ki jingot.

SALM 85:13

Ka hok kan leit ha shuwa jong U Trai, bad kan pynkhreh ïa ka lynti ïa u.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

ESEKIEL 36:30

Ngan pynroi kyrhai ïa ka jingmih na ki diengsoh bad na ki lyngkha jong phi, ba kan ym don shuh ka 'nemsniew ka ban pynjahburom ïa phi hapdeng ki jaitbynriew.

JOEL 2:22

Ko ki mrad, wat sheptieng. Ki jaka phlang ki long kiba jyrngam; ki dieng ki sei ïa la ki soh, bad don kyrhai ki soh Dumbur bad sohwaiñ.

LEBITIKOS 25:19

Ka ri kan seisoh bha, bad phin ïoh ban bam kat ïa kaba phi kwah, bad phin ïoh shongshngain hangta.

LEBITIKOS 25:21

U Trai un kyrkhu ïa ka khyndew ha ka snem kaba hynriew khnang ba kan pynmih bam kyrhai na ka bynta ar snem.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

KI KAM 14:17

Hynrei u la ïai ai ka sakhi ïa ka jingdon jong u da kiei kiei kiba bha kiba u leh: U ai ha phi ïa u slap na sahit bneng bad ïa ki jingthung ha ki por babiang; u ai ha phi ka jingbam bad u pyndap ïa ka dohnud jong phi da ka jingkmen.”

DEUTERONOMI 11:13

“Kumta, to kohnguh ïa ki hukum ba nga la ai ha phi mynta ka sngi; ieit ïa U Trai U Blei jong phi bad shakri ïa u da ka dohnud jong phi baroh.

DEUTERONOMI 11:14

Lada phi leh kumta, un sa pynhap slap ha ka khyndew jong phi ha ka aïom kaba biang, ha ka por synrai bad ha ka por pyrem, khnang ba phin ïohlum ïa u kew, ïa ka waiñ, bad ïa ka umphniang Olib na ka bynta jong phi hi, bad ïa u phlang na ka bynta ki jingri jong phi.

DEUTERONOMI 28:12

Un pynhap ïa u slap ha la ka aïom na ka ïing kynshew jong u ha bneng bad un kyrkhu ïa ka jingtrei jong phi baroh, ba phin ïoh ai kylliang ha kiba bun ki jaitbynriew, katba ma phi pat phin ym hap shim kylliang nano nano.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.