LEBITIKOS 26:32 - Khasi CL Bible (BSI)

³² Ngan pynjot thiaw ïa ka ri jong phi haduh ba ki nongshun jong phi kiba ïohknieh ïa ka kin da lyngngoh ngaiñ ïa ka jingpynjot.

KA BAIBL

³² Ïa ka ri jong phi ruh ngan pynkylla khlaw: katba ki nongshun jong phi ki ban shong ha ka kin sngewkyndit ïa kata.

LEBITIKOS 26:32 ပူးပေါင်းရင်းမြစ်များ

1 SYIEM 9:8

Kane ka ïing kaba da kat ka ïing kan kylla long kaba sah kynjah, bad kat uba ïaid najan jong ka un kyndit thret bad un pang met; bad kin ïakylli, ‘Balei mo U Trai u la leh sat kumne ïa kane ka ri bad ïa kane ka ïing?’

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 5:9

Nga la ïohsngew ba U Trai Badonbor Baroh u ong, “Baroh kine ki ïing kiba heh bad kiba itynnat kin long kiba la pra bad thylli.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

ISAÏAH 64:10

Ki nongbah bakyntang jong me ki long kum ka ri shyiap; ka Jerusalem ka long ka jaka kynjah ba la pynjot,

JEREMAÏAH 12:11

Ki la pynkylla ri khlaw ïa ka; ka la long thylli ha khmat jong nga. Ka ri baroh kawei ka la kylla long ka ri shyiap, bad ym don mano mano ba salia.

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 19:8

Ngan wallam ïa ka jingpynjot kaba shyrkhei kum kane ha kane ka nongbah ha kaba uwei pa uwei uba ïaid lyngba un kyndit bad lyngngoh.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 25:18

Ïa ka Jerusalem bad ki shnong baroh jong ka Judah, lem bad ki syiem bad ki nongïalam jong ka, la pynlong ïa ki ban dih na ka, khnang ba kin kylla long ka ri shyiap, ka jaka kaba ishyrkhei bad pynkyndit ban peit; bad khnang ba ki briew kin pyndonkam ïa ki kyrteng jong ki kum ka jingtim — katba ki dang ïai leh.

JEREMAÏAH 25:38

U Trai u la iehnoh ïa la ki briew kum u sing uba iehnoh ïa la ka krem. Ki jingshyrkhei ka thma bad ka jingbitar shla U Trai ki la pynkylla ïa ka ri sha ka ri shyiap.

JEREMAÏAH 33:10

U Trai u la ong, “Ki briew ki ïa-ong ba kane ka jaka ka long kum ka ri shyiap, ba kam don ki briew ne ki mrad kiba im ha ka. Bad ki ong ïa kaba dei; ki shnong ka Judah bad ki surok bah ka Jerusalem ki long thylli; ym don ki briew ne ki mrad kiba im hangta.

JEREMAÏAH 44:2

U Trai Badonbor Baroh, U Blei ki Israel, u ong, “Phi hi da lade phi la ïohi ïa ka jingpynjot kaba nga la wanrah ha Jerusalem bad ha baroh kiwei ki nongbah ka Judah. Wat mynta ki dang sah ha ki jingjot, bad ym don ba sah ha ki namar ki briew jong ki, ki la leh ïa kaba sniew bad ki la pynlong ïa nga ban bitar. Ki ai jingkñia ha kiwei pat ki blei bad shakri ïa ki blei kiba ma ki ne ma phi ne ki kpa tymmen jong phi kim ju mane.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 4:12

Ym don mano mano hangno hangno, ym don wat ki nongsynshar jong ki hima nongwei, kiba la ngeit ba uno uno u nonghiarthma un lah ban rung lyngba ki khyrdop ka Jerusalem.

SNGEWSYNEI 5:18

namar u lum Seïon u long kynjah bad u la shah iehnoh, bad ki myrsiang khlaw ki shang kylleng lyngba ki jingpra jong u.

ESEKIEL 5:15

“Haba nga la bitar shla ïa pha bad pynshitom ïa pha, baroh ki jaitbynriew sawdong jong pha kin sngewshyrkhei. Kin peit ïa pha da jingisih bad kin rkhiebeiñ ïa pha.

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

DANIEL 9:2

Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.

HABAKKUK 3:17

Wat la ki dieng Dumbur kim don soh bad ym don sohwaiñ ba mih ha ki dieng sohwaiñ, wat la u dieng Olib um sei ei ei bad ki lyngkha kim pynmih kew, wat la ki langbrot baroh ki ïap bad ki sem masi ki thylli,

LOUKAS 21:20

“Haba phi ïohi ba la kerkut ïa ka Jerusalem da ki kynhun shipai, te phin tip ba shen yn sa pynjot noh ïa ka.

DEUTERONOMI 28:37

Ki briew ha ki ri sha kiba U Trai un pynsakma ïa phi, kin kyndit ïa kata kaba la jia ha phi; kin sa krenbeiñ bad rkhiebeiñ ïa phi.