LEBITIKOS 26:30 - Khasi CL Bible (BSI)

³⁰ Ngan pynjot ïa ki jaka mane blei jong phi kiba ha ki lum, ngan pynpra ïa ki duwan thang jingiwbih jong phi, bad ngan bret ïa ki metïap jong phi halor ki bleithaw jong phi kiba la kyllon.

KA BAIBL

³⁰ Ïa ki jaka bajrong jong phi ruh ngan pynjot noh thiaw, bad ngan pynkheiñ ïa ki bleithaw jong phi, bad ngan buh ïa ki metïap jong phi halor ki metïap ki bleithaw jong phi; ka mynsiem jong nga ruh kan ijli ïa phi.

LEBITIKOS 26:30 ပူးပေါင်းရင်းမြစ်များ

JENESIS 19:13

U Trai u la ïohsngew ïa ka jingkynnoh pyrshah kaba jur ïa kine ki briew bad u la phah ba ngin pynjot thiaw ïa ka Sodom.”

1 SYIEM 13:2

Ha kaba bud ïa ka hukum jong U Trai, u nongïathuhlypa u kren pynrem ïa ka duwan: “Ko duwan, duwan! Kane ka long kaba U Trai u ong, ‘U khunlung ïa uba yn khot kyrteng u Josaïah, yn sa kha ha ka longïing jong u Dabid. Un sa pynïap ha pha ïa ki lyngdoh kiba shakri ha ki jaka mane blei thala, bad un thang ïa ki shyieng briew halor jong pha.’ ”

1 SYIEM 13:32

Ki ktien ba u kren da ka hukum U Trai pyrshah ïa ka duwan ha Bethel bad pyrshah ïa ki jaka mane baroh ha ki shnong kiba ha Samaria, da shisha kin sa urlong.”

2 SYIEM 23:16

Nangta u Josaïah u peit baroh sawdong, bad ïohi katto katne ki jingtep hangta halor lum; u sei shabar ïa ki shyieng na ki bad u thang ha ka duwan. Ha kane ka rukom u ñiewsang ïa ka duwan, u leh ïa kaei kaba u nongïathuhlypa u la ïathuh lypa mynshuwa eh ha ka por ka jinglehniam katba u syiem Jeroboam u dang ïeng hajan ka duwan. U syiem Josaïah u peit sawdong bad ïohi ïa ka jingtep jong u nongïathuhlypa uba la ïathuhlypa ïa kane.

2 SYIEM 23:20

U pynïap lut ïa ki lyngdoh nongmane blei thala halor ki duwan ba ki shakri, bad u thang ïa ki shyieng briew ha kawei pa kawei ka duwan. Nangta u leit phai pat sha Jerusalem.

2 SYIEM 23:8

U wallam sha Jerusalem ïa ki lyngdoh kiba ju don ha ki nongbah ka Judah, bad ha kylleng jong ka ri u la ñiewsang ïa ki duwan ha kiba ki ju ai jingkñia. U la pyntwa ruh ïa ki duwan ba la pynkyntang sha ki ksuid-durblang hajan ka khyrdop ba la tei da u Joshua, u lat ka nongbah, kiba don sha kadiang jong ka khyrdop bah kaba ki ju rung sha ka nongbah.

2 KHRONIKL 23:17

Nangta baroh ki ïaleit sha ka templ u Baal bad ki pyntwa ïa ka. Ki tied pynpra lyngkhot lyngkhai ïa ki duwan bad ïa ki bleithaw hangta bad ki pynïap ïa u Mattan, u lyngdoh jong u Baal, ha khmat jong ki duwan.

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

SALM 106:40

Kumta U Trai u la bitar ïa ki briew jong u; u la sngewngiah ïa ki.

SALM 89:38

Hynrei me la bitar ïa u syiem uba la jied jong me, me la iehnoh bad kyntait ïa u.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

ESEKIEL 16:39

Ngan buh ïa pha ha ka bor jong ki, bad kin pynkhyllem ïa ki jaka ha kiba pha ïaleh nuti bad mane bleithaw. Kin shim noh ïa ki jaiñ bad ïa ki mawlynnai jong pha bad kin iehnoh lyngkhuit khoit ïa pha.

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

ESEKIEL 6:13

Ïa ki metïap yn pynsaphriang hapdeng ki bleithaw bad sawdong ki duwan, yn pynsaphriang halor uwei pa uwei u lum uba jrong, ha kliar uwei pa uwei u lumbah, ha trai uwei pa uwei u dieng jyrngam bad uwei pa uwei u dieng Sning uba heh, ha ki jaka baroh ba ki thang ïa ki jingkñia ïa ki bleithaw jong ki.

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

LEBITIKOS 20:23

Wat bud ïa ki rukom im jong ki briew kiba shong hangta; ngan beh noh ïa kita ki jaitbynriew ki bymngeit Blei ba phin ïohrung ha kata ka ri. Nga isih eh ïa ki namar ki kam bymman jong ki baroh.

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

LEBITIKOS 26:15

Lada phi kyntait ïa ki aiñ bad ki hukum jong nga, bad phi pynkheiñ ïa ka jutang ba nga la pynlong bad phi, ngan pynshitom ïa phi.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

DEUTERONOMI 32:19

“Haba U Trai u la ïohi ïa kata, u bitar da shisha, bad u kyntait ïa la ki khun shynrang bad kynthei.