LEBITIKOS 26:3 - Khasi CL Bible (BSI)

³ “Lada phi im kat kum ki aiñ jong nga, bad kohnguh ïa ki hukum jong nga,

KA BAIBL

³ “Lada phin ïaid ha ki hukum jong nga, bad lada phin sumar ïa ki hukum jong nga, bad leh ïa ki;

LEBITIKOS 26:3 ပူးပေါင်းရင်းမြစ်များ

NEHEMAÏAH 1:9

Hynrei lada phi phai pat sha nga bad leh ïa kaei kaba nga hukum ïa phi, ngan wallam pat ïa phi sha ka jaka sha kaba nga la jied ban mane ïa nga, wat la ïa phi la pynsakma sha kiba kut ka pyrthei.’

EKSODOS 23:25

Lada phi mane ïa nga U Trai U Blei jong phi, te ngan kyrkhu ïa phi da ka bam bad ka um, bad ngan weng noh ruh ïa ki jingpang jong phi baroh.

ISAÏAH 1:19

Lada phan tang shu kohnguh ïa nga, phan bam ïa kiei kiei kiba bha kiba ka khyndew ka pynmih.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

JEREMAÏAH 11:4

Ka dei ka jutang kaba nga la pynlong bad ki kpa tymmen jong ki mynba nga la wallam noh ïa ki na Ijipt, ka ri kaba long kum ka lawar ding baklang ïa ki. Nga la ong ïa ki ban kohnguh ïa nga bad ban leh ïa kiei kiei baroh kiba nga la lah hukum. Nga la ong ïa ki ba lada ki kohnguh, kin ïoh long ki briew jong nga bad ngan ïoh long U Blei jong ki.

LEBITIKOS 19:25

Hynrei ha ka snem kaba san phi lah ban bam ïa u soh. Lada phi leh ïa kane baroh, ki diengsoh jong phi kin seisoh kham bun. Nga long U Trai U Blei jong phi.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

MALAKHI 3:10

Wallam ïa ka jingmih baroh jong kawei-na-kaba-shiphew sha ka Templ, khnang ba yn don ka bam kyrhai hangta. To tynjuh ïa nga bad phin sa ïohi ba ngan plie ïa ki jingkhangïit jong ka bneng bad theh noh ha phi kyrhai ïa kiei kiei kiba bha baroh.

DEUTERONOMI 7:12

“Lada phi shahshkor ïa kine ki hukum bad kohnguh hok ïa ki, U Trai U Blei jong phi un ïai bat ïa la ka jutang bad phi bad un pynpaw ha phi ïa ka jingieit jong u kaba ïaineh, kumba u la kular ha ki kpa tymmen jong phi.

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.