LEBITIKOS 24:9 - Khasi CL Bible (BSI)

⁹ Uta u kpu u dei na ka bynta u Aaron bad ki khun shynrang jong u. Ki dei ban bam ïa u ha ka jaka kaba kyntang, naba uta u long ka bynta kaba kyntang eh na ki jingainguh bam ba la kñia sha U Trai na ka bynta jong ki.”

KA BAIBL

⁹ Bad kine kin long ki jong u Aaron bad ki khun shynrang jong u; bad kin bam ma ki, ïa kata ha ka jaka kyntang: naba ki long ki bakyntang tam ha u na ki jingkñia da ka ding ki jong U Trai da ka hukum bajunom.”

LEBITIKOS 24:9 ပူးပေါင်းရင်းမြစ်များ

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

LEBITIKOS 10:12

U Moses u ong ha u Aaron, bad ha ki ar ngut ki khun shynrang jong u kiba dang sah, u Eleasar bad u Ithamar, “Shim ïa ka jingainguh bam kaba sah na kata ka jingbam kaba la kñia sha U Trai, pynlong kpu khlem thiat da ka bad bam ïa ka harud ka duwan, namar kane ka jingkñia ka long kaba khuid bha.

LEBITIKOS 10:17

“Balei phim shym ïabam ïa kata ka jingkñia namar ka pop ha ka jaka kyntang? Ka long kaba khuid bha, bad U Trai u la ai ïa ka ha phi na ka bynta ban kit noh ïa ka pop jong u paidlang.

LEBITIKOS 21:22

U lah ban bam ïa ka jingbam kaba la kñia ainguh ha nga, ïa ka jingkñia ainguh bam kaba kyntang, bad kaba kyntang eh;

LEBITIKOS 24:10

Don uwei u briew uba u kpa jong u, u dei u nong Ijipt bad ka kmie jong u pat ka dei ka Israel kaba kyrteng ka Shelomith, ka khun u Dibri uba na ka jait Dan. Une u briew u ïakajia bad uwei u Israel hapoh ka jaka shong dara. Katba ki dang ïakajia kumta, une u briew u krenbeiñ ïa ka kyrteng U Trai: kumta ki wan ïalam ïa u ha u Moses.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

LEBITIKOS 6:11

Nangta un leit pli ïa la ki jaiñ bad un rah ïa uta u dpei shabar ka jaka shong dara, sha ka jaka lehniam bakhuid.

LEBITIKOS 6:16

Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

LEBITIKOS 6:9

ban ai ha u Aaron bad ki khun shynrang jong u ïa kine harum ki jingbuhbeit ryntih kiba ïadei bad ka jingainguh thang. Ïa ka jingainguh thang dei ban ieh halor ka duwan baroh shi miet, bad hangta ka ding ruh ka dei ban ïai meh.

LEBITIKOS 8:3

Nangta lumlang ïa u paidbah baroh hangta.”

LEBITIKOS 8:31

U Moses u ong ha u Aaron bad ha ki khun shynrang jong u, “Rah ïa kane ka doh sha khmat ka jingkhang jong ka Ïingjaiñ ka Jingdon Ryngkat U Trai, shet ïa ka, bad bam hangta ïa ka bad u kpu uba don ha ka shang ba la buh ïa ki jingainguh ka jingpynkyntang, kumba U Trai u la hukum.

MALAKHI 1:12

Hynrei phi phim burom ïa nga haba phi ong ba ka duwan jong nga kam dondor satia bad haba phi ainguh ha ka da ki jingbam kiba phi la kyntait.

MATHAÏOS 12:4

U la leit rung shapoh ka Templ, bad ma u lem bad ki rangbah jong u ki la ïabam ïa u kpu uba la ainguh sha U Blei, wat la ka la long pyrshah ïa Ka Aiñ ïa ki ban bam ïa uta — tang ïa ki lyngdoh la shah ba kin bam ïa uta u kpu.

MARKOS 2:26

kumta u la rung shapoh ka Ïing U Blei bad bam ïa u kpu ba ainguh ha U Blei. Kane ka la long mynba u Abiathar u long u Rangbah Lyngdoh. Kat kum ka Hukum jong ngi tang ki lyngdoh ki lah ban bam ïa une u kpu — hynrei u Dabid u la bam ïa u bad u la ai ïa u wat ha ki rangbah kiba bad u.”

LOUKAS 6:4

U la leit shapoh ka ïing U Blei, u la shim ïa u kpu ba la ai sha U Blei, u la bam ïa u, bad u la ai ruh ha ki rangbah jong u. Shisha ka long pyrshah ïa ka Hukum jong ngi ïa uno uno lait noh tang u lyngdoh ban bam ïa uta u kpu.”

1 SAMUEL 21:6

Kumta uta u lyngdoh u ai ha u Dabid ïa uta u kpu bakyntang, namar u kpu uba u don, u dei uba la ainguh ha U Blei, ïa uba la weng noh na ka miej bakyntang, bad ba la bujli da u kpu uba dang lah shet.