LEBITIKOS 24:3 - Khasi CL Bible (BSI)

³ Man la ka janmiet, u Aaron un thang ïa ki bad un ieh ba kin meh haduh mynstep ha khmat U Trai shabar ka jingkah kaba ha khmat ka Synduk ka Jutang. Ïa kane ka hukum dei ban leh pateng la pateng.

KA BAIBL

³ Kan long shabar ka jingkah ka jong ka jingphla, hapoh Ka Tabernakl ka jingïaseng, ba u Aaron un buh beit ïa kane, naduh janmiet haduh mynstep ha khmat U Trai ha la ka sngi: kane kan long ka hukum bajunom ïa phi ha la ki pateng la pateng.

LEBITIKOS 24:3 ပူးပေါင်းရင်းမြစ်များ

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

LEBITIKOS 24:2

“Hukum ïa ki Israel ban wanrah ïa ka umphniang Olib kaba khuid bha na ka bynta kita ki sharak, ba kin ai jingshai man la ka por.

LEBITIKOS 24:4

U Aaron un sumar bad buh ryntih ïa kita ki sharak ha u diengpynïeng sharak ksiar, bad un khmih ba kin meh man ka por ha khmat U Trai.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

JINGKHEIÑ 18:5

Tang ma me bad ki khun shynrang jong me ki dei ban pyndep ïa ki jingkitkhlieh na ka bynta ka Jaka Kyntang bad ka duwan, khnang ba ngan ym khie bitar shuh ïa ki paid Israel.

1 SAMUEL 3:3

u Samuel pat u thiah hapoh ka jaka kyntang ha kaba don ka Synduk ka Jutang. Shuwa ban kynjat shai katba ka sharak ka dang meh,