LEBITIKOS 22:3 - Khasi CL Bible (BSI)

³ Lada uno uno na ki khun ki ksiew jong phi, katba u dang long u bymkhuid, u wan hajan ki jingainguh kiba kyntang ïa kiba ki Israel ki la pynkyntang sha nga, un ym lah shuh lano lano ruh ban shakri ha kata ka duwan. Kane kan ïailong kumta pateng la pateng. Nga long U Trai.

KA BAIBL

³ To ong ha ki: ‘Uno uno ruh na ki khun ki ksiew jong phi baroh ha ki pateng la pateng jong phi uba leit hajan ïa kiei kiei ruh ki bakyntang, ba ki khun Israel ki pynkyntang ha U Trai, haba u don ha u ka jingbymkhuid, yn ot noh ïa kata ka mynsiem na khmat jong nga: Nga long U Trai.

LEBITIKOS 22:3 ပူးပေါင်းရင်းမြစ်များ

ESRA 8:28

Nga ong ha ki, “Phi long kiba kyntang ha U Trai U Blei jong ki kpa tymmen jong phi, bad kumjuh ruh ki long ka rupa bad ki khiew ki pliang ksiar ba la wanrah ha u kum ki jingainguh mon sngewbha.

SALM 16:11

Men pyn-i ha nga ïa ka lynti kaba lam sha ka jingim; ka jingdon ryngkat ka jong me ka pyndap ïa nga da ka jingkmen, bad ka wallam ha nga ka jingsngewbha junom.

SALM 51:11

Wat pynjah noh ïa nga na ka jingdon ryngkat jong me; wat shim noh ïa U Mynsiem Bakhuid jong me na nga.

EKSODOS 30:33

Uno uno uba khleh ïa kaba kum kane, ne uba pyndonkam ïa ka wat tang khyndiat ruh ha uno uno u briew u bym dei u lyngdoh, yn ym kheiñ shuh ïa u kum uwei na ki briew jong nga!’ ”

LEBITIKOS 22:2

“Ong ha u Aaron bad ha ki khun shynrang jong u, ñiewburom ïa ki jingkñia kiba kyntang ba ki Israel ki la pynkyntang sha nga, ba kumta phin ym pynkheiñ burom ïa ka kyrteng kaba khuid jong nga. Nga long U Trai.

JINGKHEIÑ 19:13

Kito kiba ktah ïa ka metïap bad ki bym pynkhuid ïa lade ki sah hi ki bymkhuid, namar ba ym shym la synreit ïa ka um ka jingpynkhuid ha ki. Kita ki pyntngit ïa ka Ïingjaiñ jong U Trai, bad yn ym ñiew shuh ïa ki kum ki briew jong U Blei.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

2 THESSALONI 1:9

Kin shah ïa ka jingpynshitom jong ka jingpynjot bymjukut, kiba la pynïakhlad na ka jingdon ryngkat ka jong U Trai bad na ka jingkhlaiñbor badonburom jong u,