LEBITIKOS 22:18 - Khasi CL Bible (BSI)

¹⁸ ban ong ha u Aaron, ha ki khun shynrang jong u, bad ha ki Israel baroh, “Haba uno uno u Israel lane u nongwei uba ha Israel u ai ïa ka jingainguh thang, la ka long ka jingpyndep ïa kano kano ka jingkular lane kum ka jingainguh mon sngewbha, kata ka jingainguh,

KA BAIBL

¹⁸ “To kren ha u Aaron, bad ha ki khun shynrang jong u, bad ha ki khun Israel baroh, bad to ong ruh ha ki, ‘Uno uno ruh na ka ïing Israel, lane u nongwei ha Israel, uba kñia ïa ka jingkñia ainguh jong u, katba kum ki jingkular jong u baroh, bad katba kum ki jingainguh sngewbha jong u baroh ruh de, ïa kiba kin kñia ainguh ha U Trai ïa ka ban long ka jingkñia ainguh thang;

LEBITIKOS 22:18 ပူးပေါင်းရင်းမြစ်များ

2 KHRONIKL 31:14

U Kore u khun jong u Imnah, u Lebi uba long u rangbah ap phira ha ka Khyrdop Mihngi jong ka Templ, u long u khlieh ha ka jingpdiang ïa ki jingai ba ai sha U Trai bad ha kaba sam ïa ki.

SALM 116:14

Ha ka jingïaseng lang jong ki briew jong u baroh ngan ai ha u ïa kaei kaba nga la kular.

SALM 116:18

Ha ka jingïaseng lang jong ki briew jong me baroh, ha ka jaka kyntang jong ka Templ jong me ha Jerusalem, ngan ai ha me ïa kaei kaba nga la kular. A to ïaroh ïa U Trai!

SALM 22:25

Ha ka jingïaseng lang ngan ïaroh ïa me ïa kaei ba me la leh; ha ka jingdon ryngkat jong kito kiba mane ïa me ngan ai ki jingkñia ba nga la kular.

SALM 56:12

A Blei, ngan ai ha me ïa kaei kaba nga la kular; ngan ai ha me ïa ki jingai jong ka jingainguh,

SALM 61:5

Me la ïohsngew ïa ki kular jong nga, A Blei, bad me la ai ha nga ïa kaei kaba dei ka jong kito kiba pyndonburom ïa me.

SALM 61:8

Kumta ngan ïai rwai ki jingïaroh ïa me, kumba nga ai ha me man ka sngi ïa kaei kaba nga la kular.

SALM 65:1

A Blei, ka long kaba dei ïa ngi ban ïaroh ïa me ha Seïon bad pyndep ïa ki kular jong ngi ha me,

SALM 66:13

Ngan wallam ki jingainguh thang sha ka ïing jong me, ngan ai ha me ïa kaei kaba nga la kular.

EKSODOS 12:5

Lah ban jied da ka langbrot ne da ka blang, tangba u dei ban long u shynrang uba shisnem bad u bym don kano kano ka jingduna.

EKLESIASTIS 5:4

Kumta haba phi pynlong ka jingkular ha U Blei, pyndep kloi ïa ka katba lah. Um donkam ïa u bieit. Leh ïa kaei kaba phi kular ban leh.

LEBITIKOS 1:10

Lada uta u briew u wallam ïa ka jingainguh da uwei na ki blang ne ki langbrot jong u, u dei ban long da u shynrang uba khlem kano kano ka jingduna.

LEBITIKOS 1:2

ba ki Israel kin rakhe haba ki wallam ïa ka jingkñia jong ki. Haba uno uno u wallam ka jingkñia da ka mrad, ka lah ban long uwei na ki masi, ne ki blang, ne ki langbrot jong u.

LEBITIKOS 17:10

Lada uno uno u Israel, lane uno uno u nongwei uba wan shong hapdeng jong ki, u bam ïa ka doh kaba dang don snam ha ka, U Trai un phai pyrshah ïa u bad yn ym ñiew shuh ïa u kum uwei na ki briew jong U Blei.

LEBITIKOS 17:13

Lada uno uno u Israel, lane uno uno u nongwei uba wan shong hapdeng jong ki, u ïoh pynïap ïa u mradkhlaw lane ïa ka sim kaba khuid kat kum ka jinglehniam, u dei ban da pjiar ïa ka snam bad tap ïa ka da ka khyndew.

LEBITIKOS 22:17

U Trai u la ong ha u Moses,

LEBITIKOS 23:38

Kine ki Jingkhawai Niam ki long nalor ki Sabbaton ba ju rakhe, bad kine ki jingainguh ki long nalor ki jingai kiba phi ju ai, ki jingainguh ban pyndep ïa ka kular, bad ki jingainguh mon sngewbha jong phi sha U Trai.

LEBITIKOS 7:16

Lada u briew u wanlam ïa ka jingainguh ïasyllok ban pyndep ïa la ka jingkular lane kum ka jingainguh mon sngewbha jong u hi, ym da donkam ban bam lut ïa ka ha kajuh ka sngi ba la kñia; hynrei ïa kaba sah lah ban bam ha ka sngi kaba bud.

AMOS 4:5

Ïaid shaphrang bad rah ïa u kpu jong phi kum ka jingainguh sha U Blei, bad to sngewsarong shaphang ki jingainguh ba tam ba phi wallam! Kane ka long ka rukom ïa kaei kaei kaba phi ieit ban leh.

JONAH 1:16

Kane ka la pynlong ïa ki maji ban sheptieng ïa U Trai ha kaba ki la ai ka jingkñia bad kular ban shakri ïa u.

JONAH 2:9

Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

KI KAM 18:18

U Paul u la nang sah kham bun sngi bad ki parabangeit ha Korinth, nangta u la iehnoh ïa ki bad u la leit da ka lieng lem bad ka Priskila bad u Akwila sha Syria. Ha shuwa ba un leit da ka lieng na Kenkhria u la phah khi ïa la ka khlieh namar ka jingsmai kaba u la pynlong.

DEUTERONOMI 12:17

Phim bit ban bam ha ki jaka ba phi shong ïa kata kaba phi wanrah sha U Trai, la ka dei kaba shiphew na u kew, na ka waiñ, ne na ka umphniang Olib jong phi; lane kiba la kha nyngkong na ki masi bad ki langbrot jong phi, ki jingai sngewbha ba phi la kular ha U Trai, ki jingainguh mon sngewbha jong phi, lane kiwei kiwei pat ki jingainguh.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.

DEUTERONOMI 16:10

bad nangta rakhe ïa ka Jingkhawai Niam Ka Jingot ban pyndonburom ïa U Trai U Blei jong phi, da kaba phi wanrah ïa ka jingainguh mon sngewbha jong phi kat kumba u la kyrkhu ïa phi.