LEBITIKOS 20:8 - Khasi CL Bible (BSI)

⁸ Sumar ïa ki hukum jong nga, namar nga long U Trai uba pynkyntang khuid ïa phi.”

KA BAIBL

⁸ Bad phin sumar ïa ki hukum jong nga, bad to leh ïa ki: Nga long U Trai uba pynkhuid ïa phi.

LEBITIKOS 20:8 ပူးပေါင်းရင်းမြစ်များ

EKSODOS 31:13

“Rakhe ïa ka sngi Sabbaton, ka sngi shongthait jong nga namar ka long ka dak hapdeng jong nga bad phi pateng la pateng, ba phin ïoh tip ba nga U Trai nga la pynlong ïa phi ki briew jong nga hi.

ESEKIEL 20:12

Nga la pynlong ïa ka jingsumar ïa ka Sabbaton ka dak jong ka jingïateh kular hapdeng jong ngi, ban pynkynmaw ïa ki ba ma nga, U Trai, nga pynlong ïa ki, kiba khuid.

ESEKIEL 37:28

Haba nga pynïeng ïa ka Templ jong nga hangta ba kan don hapdeng jong ki junom, te ki jaitbynriew kin sa tip ba ma nga, U Trai, nga la jied ïa ki Israel ba kin long ki briew ki jong nga hi.”

LEBITIKOS 19:19

“Kohnguh ïa ki hukum jong nga. Wat shah ba ki jingri jong phi kin ïapoi kha bad ki bym dei na kajuh ka jait. Wat thung ha kajuh ka lyngkha ar jait u symbai. Wat phong ïa ka jaiñ kaba la suh da ki ar jait ki ksai.

LEBITIKOS 19:37

Kohnguh ïa ki aiñ bad ki hukum jong nga baroh. Nga long U Trai.”

LEBITIKOS 20:26

Phi dei ban long kiba khuid ïa nga, namar nga long U Trai bad nga long uba khuid. Nga la pynkyrpang ïa phi na kiwei pat ki jaitbynriew ba phin long ki jong nga.

LEBITIKOS 21:8

U paidbah u dei ban ñiew ba u lyngdoh u long uba khuid, namar u wallam ïa ki jingainguh bam sha nga. Nga long U Trai; nga long uba khuid, bad nga pynkyntang khuid ïa ki briew jong nga.

LEBITIKOS 22:32

Wat shim thala ïa ka kyrteng bakhuid jong nga, hynrei to ai ban pynkyntang khuid ïa nga hapdeng ki Israel; Nga long U Trai uba pynkyntang ïa phi,

MATHAÏOS 12:50

Uno uno uba leh ïa kaei kaba U Kpa jong nga uba ha bneng u kwah ïa u ban leh u long u para jong nga, ka para jong nga, bad ka kmie jong nga.”

MATHAÏOS 23:17

Ko ki bieit bamatlah! Kano kaba kham donkam, ka ksiar lane ka Templ kaba pynlong khuid ïa ka ksiar?

MATHAÏOS 5:19

Kumta te, uno uno u bymkohnguh wat ïa iba rit tam jong ki hukum bad uba hikai ïa kiwei pat ban leh kumjuh, un long uba rit tam ha ka Hima ki bneng. Ha kawei pat ka liang, uno uno uba kohnguh ïa ka Hukum bad uba hikai ïa kiwei ban leh kumjuh, un long uba khraw ha ka Hima ki Bneng.

MATHAÏOS 7:24

“Kumta te, uno uno uba ïohsngew ïa kine ki ktien jong nga bad uba kohnguh ïa ki u long kum u briew uba stad uba la tei ïa la ka ïing halor u mawsiang.

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

2 THESSALONI 2:13

Ngi dei ban ainguh ïa U Blei ha ki por baroh na ka bynta jong phi, ko parabangeit, phi kiba U Trai u ieit. Naba U Blei u la jied ïa phi kum kiba nyngkong ban pynim da ka bor U Mynsiem ban pynlong ïa phi ki riewkhuid jong u bad da ka jingngeit jong phi ha ka jingshisha.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.