LEBITIKOS 2:14 - Khasi CL Bible (BSI)

¹⁴ Haba phi wallam ïa ka jingainguh da ki soh nyngkong na ki jait kew, wan ai da ki sohkew ba la sdieh pyrthiew ne da u jait kew ba la tylliat ni bha.

KA BAIBL

¹⁴ “Bad lada men ainguh ha U Trai ïa ka jingainguh bam ki soh nyngkong jong me, da ki soh Kew ba dang im ba la thang pyrthiew ha ding, ïa u Kew ba la shoh na ka kop kaba dap keiñ, men ainguh ban long ka jingainguh bam ki soh nyngkong jong me.

LEBITIKOS 2:14 ပူးပေါင်းရင်းမြစ်များ

JENESIS 4:3

Hadien katto katne por, u Kain u wallam katto katne na ka jingot jong u bad u ai ïa ka kum ka jingainguh ïa U Trai.

2 SYIEM 4:42

Ha kawei ka por, u briew u la wan na Baal Shalishah, u da wanrah ïa u Elisha arphew tylli ki kpu ba la shet na u barli uba nyngkong ba la ot ha kata ka snem, bad katto katne ki sohkew ba dang shu ot. U Elisha u ong ïa u shakri jong u ban ai bam ïa ka kynhun ki nongïathuhlypa da kane,

LEBITIKOS 2:15

Theh ïa ka umphniang Olib bad buh ïa ka jingiwbih halor jong u.

LEBITIKOS 2:16

U lyngdoh un thang khyndiat na kata ka jingbam ryngkat bad ka umphniang bad ka jingiwbih baroh kum ka dak jong ka jingainguh bam sha U Trai.

LEBITIKOS 22:29

Haba phi pynlong ïa ka jingkñia ainguh sngewbha sha U Trai, bud beit ïa ki rukom lehniam khnang ba yn pdiang hun ïa phi.

LEBITIKOS 23:10

Ong ha ki Israel, “Ynda phi poi ha kata ka ri ba nga ai ha phi, bad haba phi ot ïa u kew, leit rah ïa ka song kaba nyngkong sha u lyngdoh.

LEBITIKOS 23:13

Ryngkat bad uta, phin ai ruh ar kilo u 'purew ba la khleh bad ka umphniang Olib kum ka jingainguh bam. Ka jingiwbih jong kane ka jingkñia ka long kaba pynsngewbha ïa U Trai. Phin ai lang ruh bad kata ka jingkñia shi litar ka waiñ kum ka jingainguh dih.

LEBITIKOS 23:20

U lyngdoh un ai ïa uta u kpu bad ïa kita ki khunlangbrot ar tylli kum ki jingainguh kiba kyrpang sha U Trai na ka bynta ki lyngdoh. Kine ki jingainguh ki long kiba kyrpang.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

JINGKHEIÑ 28:2

ban hikai ïa ki Israel ban wanrah sha U Blei ha ki por ba la buh ïa ki jingainguh bam badonkam kiba pynsngewbha ïa u.

1 KORINTH 15:20

Hynrei ka jingshisha ka long ba ïa U Khrist la pynmihpat na ka jingïap, kum ka jingbahkhlieh ba ïa kito kiba la ïap yn sa pynmihpat ruh ïa ki.

DEUTERONOMI 26:2

iwei pa iwei na phi phin buh ha ka shang ïa u soh nyngkong hadien ba phi la lum na uwei pa uwei u jait jingthung, bad leit rah ïa ka sha ka jaka mane Blei.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.