LEBITIKOS 2:12 - Khasi CL Bible (BSI)

¹² Phin wallam kum ka jingainguh sha U Trai ïa ki soh nyngkong na ki jait kew man la ka snem, hynrei ym dei ban thang ïa ki halor ka duwan.

KA BAIBL

¹² Ïa ka jingainguh ki soh nyngkong phi lah ban ainguh ïa ki ha U Trai: hynrei, yn ym thang ïa ki halor ka duwan kum ka jingainguh ka jingiw baiwbih.

LEBITIKOS 2:12 ပူးပေါင်းရင်းမြစ်များ

JENESIS 23:17

Da kumta keiñ ka khyndew jong u Ephron kaba ha Makhpelah, kaba don shaphang mihngi na Mamre, ka kylla long ka jong u Abraham. Ka kynthup ïa ka lyngkha, ïa ka krem kaba don hangta, bad ïa ki dieng baroh kiba don hapoh ki pud jong ka.

2 KHRONIKL 31:5

Tang mar ïa-ai hukum, ki paid Israel ki wanrah ïa ki jingai jong ki, kiba kynsai tam na u kew, ka waiñ, ka umphniang Olib, ka ngap, bad kiwei de ki jingmih na ka lyngkha, bad ki wanrah ruh ïa kawei-na-kaba-shiphew jong kiei kiei kiba ki don.

EKSODOS 22:29

“Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 23:19

“Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

EKSODOS 34:22

“Rakhe ïa ka Jingkhawai Niam Ka Jingot haba phi sdang ban ot ïa u soh nyngkong na u kew jong phi; rakhe ruh ïa ka Jingkhawai Niam Ki Ïingtrep ha ka synrai haba phi lum ïa la ki soh.

LEBITIKOS 23:10

Ong ha ki Israel, “Ynda phi poi ha kata ka ri ba nga ai ha phi, bad haba phi ot ïa u kew, leit rah ïa ka song kaba nyngkong sha u lyngdoh.

LEBITIKOS 23:17

Kawei pa kawei ka longïing ka dei ban wallam ar tylli ki kpu ban pynlong ka jingainguh kaba kyrpang sha U Trai. Kita ki kpu ki dei ban long kiba ar kilo uwei uwei, kiba la pynkhreh na u 'purew, bad kiba la shet bad u thiat, bad yn ai ïa ki kum ki soh nyngkong sha U Trai.

LEBITIKOS 7:13

Nalor kita, u dei ruh ban wanrah kum ka jingainguh ïa ki kpu ba la khleh thiat.

JINGKHEIÑ 15:20

Haba phi shet kpu, ïa uta uba phi shet nyngkong na u kew thymmai dei ban wanrah kum ka jingai kaba kyrpang sha U Trai. Ïa une dei ban wanrah kumjuh kumba phi wanrah jingainguh kyrpang na u kew ba phi shoh.

JINGKHEIÑ 18:12

“Nga ai ha me ïa ki soh nyngkong kiba kynsai tam baroh na ka umphniang Olib, ka waiñ bad u kew ba ki Israel ki ai ïa nga man la ka snem.

1 KORINTH 15:20

Hynrei ka jingshisha ka long ba ïa U Khrist la pynmihpat na ka jingïap, kum ka jingbahkhlieh ba ïa kito kiba la ïap yn sa pynmihpat ruh ïa ki.

DEUTERONOMI 26:10

Kumta nga wallam mynta sha U Trai ïa u soh nyngkong na ka jingot ba u la ai ha nga.’ “Nangta buh ïa ka shang ha ka jingdon ryngkat U Trai bad mane hangta.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.