LEBITIKOS 2:1 - Khasi CL Bible (BSI)

¹ Haba uno uno u wallam ïa ka jingainguh da u kew sha U Trai, u dei ban da tylliat shuwa ïa u haduh ba un da ni. U dei ban theh ïa ka umphniang Olib bad ka jingiwbih halor jong u, bad un wanrah ïa u sha ki lyngdoh na ka ïing u Aaron.

KA BAIBL

¹ “Haba u briew u ainguh ha U Trai ïa ka jingainguh bam, ka dei ba kata ka jingainguh jong u kan long da u 'purew bani; bad un theh umphniang halor jong u, bad un buh ïa ka jingiwbih ruh halor jong u,

LEBITIKOS 2:1 ပူးပေါင်းရင်းမြစ်များ

EKSODOS 29:2

Shim ïa u kew ba la tylliat ni bha, u bym pat khleh thiat, bad shet katto katne ki kpu ba la khleh bad ka umphniang Olib, bad katto katne khlem umphniang bad katto katne ki kpu lyngkniap ba la shu kyllan da ka umphniang.

ISAÏAH 43:23

Phim shym la wallam ha nga ïa ki jingainguh thang ki langbrot jong phi; phim shym la burom ïa nga da ki jingkñia jong phi. Ngam shym la bankhia ïa phi da kaba dawa ki jingainguh lane pynbtai ïa phi da kaba pan jingiwbih.

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

ESEKIEL 46:20

“Kane ka long ka jaka ha kaba ki lyngdoh kin shet ïa ka doh ba la ai kum ki jingkñia na ka bynta ka pop lane ka jingsiew pat, bad ban shet kew na ka bynta ka jingainguh, khnang ba ïa kano kano kaba khuid yn ym rah noh sha ka phyllaw bashabar, ha kaba ka lah ban long ka jingma ïa ki paidbah.”

JOEL 1:9

Ym don kew lane waiñ ban ai ha ka Templ; ki lyngdoh ki ïamkthang namar kim don ki jingainguh na ka bynta U Trai.

JOEL 2:14

Lehse U Trai U Blei jong phi un kylla ka jingmut bad un kyrkhu ïa phi da ki jingthung bakyrhai. Te phin lah ban ainguh ha u da u kew bad ka waiñ.

LEBITIKOS 14:10

Ha ka sngi kaba phra, un wallam ar tylli ki khunlangbrot shynrang bad kawei ka langbrot kynthei kaba shisnem, ki bym don kano kano ka jingduna, lai kilo u 'purew ba la khleh bad ka umphniang Olib, bad kumba shi bynta na ka lai bynta ka umphniang Olib.

LEBITIKOS 24:7

Buh khyndiat ka jingiwbih kaba khuid halor kawei kawei ka laiñ, kum ka dak ka jingainguh bam ha U Trai.

LEBITIKOS 5:11

Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

LEBITIKOS 6:7

U lyngdoh un ai ïa ka jingkñia namar ka pop jong uta u briew bad yn map ïa u.

LEBITIKOS 9:17

U kñia ïa ka jingainguh bam bad u shim shi kham u purew bad u thang ïa u halor ka duwan. (Kane ka long nalor ka jingainguh thang kaba man ka sngi.)

LEBITIKOS 9:4

bad sa uwei u masi bad uwei u langbrot ban pynlong ka jingkñia ainguh ïasyllok. Dei ban kñia ïa ki ha U Trai ryngkat bad ka jingainguh bam ba la khleh bad ka umphniang. Ki dei ban leh ïa kane namar U Trai un wanpaw ha ki mynta ka sngi.”

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

JINGKHEIÑ 18:9

Kine harum ki long ki jong me na ki jingainguh kiba kyntang tam ïa ki bym shym la thang ha ka duwan: ki jingainguh bam, ki jingkñia namar ka pop, bad ki jingainguh namar ka jingpalat. Baroh kaba la wanrah ha nga kum ka jingainguh bakyntang ka long ka jong me bad jong ki khun shynrang jong me.

JINGKHEIÑ 28:5

lem bad ka jingainguh bam kaba shi kilo u 'purew ba la khleh lang bad shi litar ka umphniang Olib kaba bha tam.

JINGKHEIÑ 29:18

Ai ïa ki lem bad kita kiwei pat ki jingainguh baroh kiba la pyndep ha ka sngi kaba nyngkong.

JINGKHEIÑ 8:8

Nangta kin shim uwei u masi lyngraw bad ka jingainguh bam da u 'purew ba la khleh umphniang Olib; bad me pat men shim sa uwei u masi lyngraw na ka bynta ka jingkñia namar ka pop.

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

JUDAH 1:20

Hynrei ma phi, ko ki paralok jong nga, to ïai tei ïa lade halor ka jingngeit bakyntang tam. To duwai ha ka bor U Mynsiem Bakhuid,

JINGPYNPAW 8:3

Uwei pat u angel, uba bat ïa ka pliang thang jingiwbih kaba da ka ksiar, u la wan bad u la ïeng ha ka duwan. La ai ha u shikatdei ka jingiwbih ryngkat bad ki jingduwai jong ki briew jong U Blei baroh bad ban ai ïa ka halor ka duwan ksiar kaba ïeng ha khmat kata ka khet.