LEBITIKOS 18:3 - Khasi CL Bible (BSI)

³ Wat bud ïa ki rukom im ki briew ha ri Ijipt, ha kaba phi ruh shisien phi la shong, ne ïa ki jong ki briew ha ri Kanaan, sha kaba ngan ïalam ïa phi.

KA BAIBL

³ Wat leh katba kum ki jingleh ka ri Ijipt, ha kaba phi la ju shong: lymne wat leh katba kum ki jingleh ka ri Kanaan, sha kaba nga ïalam ïa phi: lymne wat ïaid katba kum ki niam ki rukom jong ki.

LEBITIKOS 18:3 ပူးပေါင်းရင်းမြစ်များ

2 SYIEM 17:8

Ki la mane ïa kiwei ki blei, ki bud ïa ki rukom jong ki briew kiba U Trai u la beh noh katba ki briew jong u ki dang tur shaphrang, bad ki pdiang ïa ki rukom ba la sdang da ki syiem ka Israel.

SALM 106:35

hynrei ki la ïashongkha khleh bad ki bad bud ïa ki rukom leh blei thala jong ki.

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

ESEKIEL 23:8

Ka ïai bteng na kaei kaba ka la sdang kum ka nuti ha Ijipt, hangta ha kaba la duh noh ïa la ka jinglong sotti. Naduh ka por ba ka long ka samla ba dang khynraw, ki rangbah ki la ïathiah bad ka bad leh ïa ka la kum ka nuti.

LEBITIKOS 20:23

Wat bud ïa ki rukom im jong ki briew kiba shong hangta; ngan beh noh ïa kita ki jaitbynriew ki bymngeit Blei ba phin ïohrung ha kata ka ri. Nga isih eh ïa ki namar ki kam bymman jong ki baroh.

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

DEUTERONOMI 12:4

“Wat mane ïa U Trai U Blei jong phi kumba leh kita ki briew.

DEUTERONOMI 29:17

Phi la ïohi ïa ki bleithaw kiba isaitmet jong ki, kiba da u dieng, da u maw, da ka rupa, bad da ka ksiar.

DEUTERONOMI 9:4

“Wat ong ha la ka dohnud ynda U Trai U Blei jong phi u la pynher krad ïa ki na khmat jong phi, ka long namar ka hok jong ngi ba U Trai u la wan ïalam ïa ngi ban ïohkynti ïa kata ka ri.” Pynban ka long namar ka jingbymman kita ki jaitbynriew ba U Trai u la beh krad ïa ki namar jong phi.