LEBITIKOS 17:7 - Khasi CL Bible (BSI)

⁷ Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

KA BAIBL

⁷ Bad wat ai kin kñia shuh ïa ki jingkñia ïa ki ksuid, bad kiba ki la ju leit ïaklim mynno mynno. Kane kan long ka hukum bajunom ïa ki pateng la pateng.’

LEBITIKOS 17:7 ပူးပေါင်းရင်းမြစ်များ

2 KHRONIKL 11:15

U Jeroboam u thung la ki jong ki lyngdoh ban shakri ha ki jaka mane blei thala bad ban mane ïa ki ksuid bad u thaw ïa ki bleithaw ha ki dur jong ki khun masi.

SALM 106:37

Ki la ai ïa la ki jong ki khun shynrang bad khun kynthei kum ki jingkñia ha ki bleithaw jong ka Kanaan.

SALM 106:39

Ki la pynlong ïa lade ki bymkhuid da ki jingleh jong ki bad ki la long bymïaineh ha U Blei.

EKSODOS 22:19

“Pynïap ïa uno uno u briew uba ïathiah shongkha bad ka mrad.

EKSODOS 22:20

“Rai pynïap ïa uba kñia ainguh ha uno uno u blei, lait tang ha nga U Trai.

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

EKSODOS 34:15

Wat ïateh kano kano ka jutang bad ki briew jong kata ka ri, namar haba ki mane ïa ki blei thala jong ki, bad kñia ha ki, kin sa khot sngewbha ïa phi ban ïasoh bad ki, bad phin shah pynshoi ban bam ïa ka jingbam ba ki ai ïa ki blei jong ki.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

ESEKIEL 23:3

Mynba ki dang samla, ki shong ki sah ha Ijipt, ki la duh noh ka jinglong sotti bad ki kylla long ki nuti.

ESEKIEL 23:8

Ka ïai bteng na kaei kaba ka la sdang kum ka nuti ha Ijipt, hangta ha kaba la duh noh ïa la ka jinglong sotti. Naduh ka por ba ka long ka samla ba dang khynraw, ki rangbah ki la ïathiah bad ka bad leh ïa ka la kum ka nuti.

LEBITIKOS 17:8

Uno uno u Israel lane uno uno u nongwei uba wan shong ryngkat hapdeng jong ki, uba kñia ïa ka jingainguh thang lane ïa kano kano ka jingkñia kum ka jingainguh sha U Trai hangno hangno lait tang ha ka jingkhang jong ka Ïingjaiñ, yn ym ñiew shuh ïa u kum uwei na ki briew jong U Blei.

LEBITIKOS 20:5

nga hi ngan phai pyrshah ïa uta u briew bad ïa ka ïing jong u baroh bad ïa kito baroh kiba ïadon kti bad u ha kaba leh lyndet ïa nga bad ha kaba mane ïa u Molekh. Ngan ym ñiew shuh ïa ki ba ki dei ki briew jong nga.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

1 KORINTH 10:20

Em! Kaei kaba nga ong ka long ba ïa kaei kaba la kñia ha ki duwan jong ki bymngeit ka long kaba la kñia sha ki ksuid, ym sha U Blei. Bad ngam kwah ïa phi ban long kiba ïatrei lem bad ki ksuid.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 32:17

Ki kñia ha ki blei ki bym dei shisha ki blei, ha ki blei thymmai kiba ki kpa tymmen jong ki kim ju tip, ki blei kiba ki Israel kim ju kohnguh.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.