LEBITIKOS 17:6 - Khasi CL Bible (BSI)

⁶ Uta u lyngdoh un synreit ïa ka snam ha baroh sawdong ka duwan ha ka jingkhang jong ka Ïingjaiñ bad un thang ïa ka khleiñ ban pynmih ïa ka jingiwbih kaba pynsngewbha ïa U Trai.

KA BAIBL

⁶ Bad u lyngdoh un synreit ïa ka snam halor ka duwan U Trai kaba ha ka jingkhang Ka Tabernakl ka jingïaseng, bad un thang ïa ka khleiñ ïa ka ban long ka jingiw baiwbih ha U Trai.

LEBITIKOS 17:6 ပူးပေါင်းရင်းမြစ်များ

EKSODOS 29:13

Nangta pat, weng noh ïa ka khleiñ baroh kaba sop ïa ki snier, ïa u dohnud, bad ïa ki khyllai baroh ar lem bad ka khleiñ kaba sop ïa ki, bad thang ïa ki ha kata ka duwan kum ka jingainguh ïa nga.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

LEBITIKOS 17:5

Ka jingmut jong kane ka hukum ka long ba naduh mynta ki Israel ki dei ban wallam sha U Trai ïa ki mrad ba ki ju pynïap ha lum ha wah. Mynta ki dei ban wallam ïa ki ha u lyngdoh ha ka jingkhang ka Ïingjaiñ bad pynïap ïa ki kum ki jingainguh ïasyllok.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

LEBITIKOS 3:13

un buh ïa la ka kti ha ka khlieh jong u, bad pynïap ïa u ha khmat ka Ïingjaiñ. Ki lyngdoh kin synreit ïa ka snam jong u sawdong ka duwan,

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

LEBITIKOS 3:2

Uta u briew un buh ïa la ka kti ha ka khlieh jong uta u mrad bad un pynïap ïa u ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 3:8

Ki lyngdoh kin synreit ïa ka snam jong u sawdong ka duwan, bad un ai ïa kine ki dkhot met jong u kum ka jingainguh bam sha U Trai:

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

JINGKHEIÑ 18:17

Hynrei ïa kiba la kha nyngkong na ki masi, ki langbrot bad ki blang ym dei ban thied pat; ki long kiba la pynkyrpang sha nga, bad dei ban kñia ïa ki. Synreit ïa ka snam jong ki ha ka duwan bad thang ïa ka khleiñ jong ki kum ka jingainguh bam, ka jingiw kaba pynsngewbha ïa nga.