LEBITIKOS 17:5 - Khasi CL Bible (BSI)

⁵ Ka jingmut jong kane ka hukum ka long ba naduh mynta ki Israel ki dei ban wallam sha U Trai ïa ki mrad ba ki ju pynïap ha lum ha wah. Mynta ki dei ban wallam ïa ki ha u lyngdoh ha ka jingkhang ka Ïingjaiñ bad pynïap ïa ki kum ki jingainguh ïasyllok.

KA BAIBL

⁵ khnang ba ki khun Israel kin ïawallam ïa la ki jingkñia, ïa kiba ki la ju kñia ha lum, ba kin ïawallam ïa ki ha U Trai keiñ, sha ka jingkhang Ka Tabernakl ka jingïaseng, ha u lyngdoh keiñ, bad kin kñia ïa ki kum ki jingkñia ka jingïasuk ha U Trai.

LEBITIKOS 17:5 ပူးပေါင်းရင်းမြစ်များ

JENESIS 21:33

Te U Abraham u la thung uwei u dieng Tamarisk ha Beersheba bad u la mane ïa U Trai, U Blei Bymjukut.

JENESIS 22:13

U Abraham u khmih sawdong bad u la ïohi ïa u langbrot uba la sahkut ki reng ha ka bniap. U leit ban shim ïa u, bad kñia ïa u kum ka jingainguh thang ha ka jaka u khun jong u.

JENESIS 22:2

“Shim ïa u khun jong me,” U Blei u ong, “u Isaak, u khun ba tang marwei jong me, ïa uba me ieit thep mynsiem, bad leit sha ka ri Moraïah. Hangta halor u lum ïa uba ngan sa pyn-i ha me, kñia ïa u kum ka jingainguh ha nga.”

JENESIS 31:54

U pynïap ïa u jingri, ïa uba u ai kum ka jingkñia halor uta u lum, bad u khot sngewbha ïa ki briew jong u ban ïabam. Ynda ki la lah bam, ki sahmiet halor uta u lum.

1 SYIEM 14:23

Ki tei ki jaka mane ïa ki blei thala, bad ki pynïeng ïa ki maw mot bad ki durblei Asherah ban mane ha ki jaka lum bad hapoh syrngiew ki dieng.

1 SYIEM 3:2

Ïa ka templ ym pat shym la tei na ka bynta U Trai, bad kumta ki briew ki dang ai ki jingkñia ha ki duwan bapher bapher.

1 SYIEM 3:3

U Solomon u ieit ïa U Trai bad u bud ïa ki jingbthah jong u Dabid, u kpa jong u, hynrei u la pynïap ruh ïa ki mrad bad u la ai ïa ki kum ki jingkñia ha ki duwan kiba bun.

2 SYIEM 16:4

Ha ki jaka mane blei thala, ha ki lum, bad hapoh ka syrngiew jong ki dieng baroh, u Ahas u ai jingkñia bad thang jingiwbih.

2 SYIEM 17:10

Ha baroh ki lumrit bad ha syrngiew jong uwei pa uwei u dieng ki pynïeng ïa ki païa maw bad ki dur jong ka blei Asherah,

2 KHRONIKL 28:4

Ha ki jaka mane blei thala halor ki lum, bad hapoh uwei pa uwei u dieng uba kah syrngiew, u Ahas u ai jingkñia bad u thang jingiwbih.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 22:9

Don na ki briew jong phi kiba ïathuh lamler shaphang kiwei khnang ban ïoh pynïap ïa ki. Don na ki, kiba bam ïa ki jingkñia ba la ai ha ki bleithaw. Don kiba sngewhun borabor ha la ki jingkwah brai.

ESEKIEL 43:27

Haba la kut shi taïew, ki lyngdoh kin sdang ki jingainguh thang halor ka duwan bad ki jingainguh thang jingïasyllok ki paidbah. Te ngan sngewbha na bynta jong phi baroh. Ma nga, U Trai Nongsynshar, nga la kren.”

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

LEBITIKOS 17:6

Uta u lyngdoh un synreit ïa ka snam ha baroh sawdong ka duwan ha ka jingkhang jong ka Ïingjaiñ bad un thang ïa ka khleiñ ban pynmih ïa ka jingiwbih kaba pynsngewbha ïa U Trai.

DEUTERONOMI 12:2

Ha kata ka ri ba phi ïohkynti, pynjot ïa ki jaka baroh ha kiba ki briew ki mane ïa ki blei jong ki ha ki lum kiba jrong, ha ki lumrit, bad hapoh ki dieng kiba jyrngam.