LEBITIKOS 17:10 - Khasi CL Bible (BSI)

¹⁰ Lada uno uno u Israel, lane uno uno u nongwei uba wan shong hapdeng jong ki, u bam ïa ka doh kaba dang don snam ha ka, U Trai un phai pyrshah ïa u bad yn ym ñiew shuh ïa u kum uwei na ki briew jong U Blei.

KA BAIBL

¹⁰ “Bad lada uno uno ruh na ka ïing Israel, lane na ki nongwei kiba wanhap hapdeng jong phi, un bam ïa ka snam kaba kumno kumno ruh; ngan buh ïa ka khmat jong nga keiñ pyrshah ïa kata ka mynsiem babam snam, bad ngan ot noh ïa u napdeng u paidlang jong u.

LEBITIKOS 17:10 ပူးပေါင်းရင်းမြစ်များ

JENESIS 9:4

Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam.

2 SAMUEL 23:17

bad u ong, “A Trai, ngam lah da lei lei ban dih ïa kane! Kan long kum ka jingdih ïa ka snam jong kine ki rangbah kiba la kheiñduh ïa la ka jingim!” Kumta um treh ban dih ïa ka. Kito ki long ki kam shlur jong ki lai ngut ki shipai bapawnam.

SALM 34:16

Hynrei u ïaleh pyrshah ïa kito kiba leh bymman, khnang ba haba ki ïap, ïa ki la klet noh shen shen.

EKSODOS 30:33

Uno uno uba khleh ïa kaba kum kane, ne uba pyndonkam ïa ka wat tang khyndiat ruh ha uno uno u briew u bym dei u lyngdoh, yn ym kheiñ shuh ïa u kum uwei na ki briew jong nga!’ ”

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 44:11

“Te nangta, ma nga, U Trai Badonbor Baroh, U Blei ki Israel, ngan phai pyrshah ïa phi bad ngan pynjot ïa ka Judah baroh.

ESEKIEL 14:8

Ngan pyrshah ïa u. Ngan pynlong ïa u ka nuksa. Ngan weng ïa u na ka kynhun ki briew jong nga, khnang ba ma phi baroh phin tip ba nga long U Trai.

ESEKIEL 15:7

bad ngan pynshitom ïa ki. Ki lah lait na kawei ka ding, hynrei mynta ka ding kan thang khoit ïa ki. Haba nga pynshitom ïa ki, phin tip ba nga long U Trai.

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

LEBITIKOS 17:11

Ka jingim ki kynja ba-im baroh ka don ha ka snam, bad dei namar kata ba U Trai u la hukum ba dei ban theh ïa baroh ka snam ha ka duwan ban weng noh ïa ki pop ki briew. Ka snam, kaba long ka jingim, ka weng noh ïa ki pop.

LEBITIKOS 19:26

“Wat bam ïa kano kano ka doh ba dang don snam ha ka. Wat leh ïa kano kano ka kam byrtong.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

AMOS 9:4

Lada ki shah ringmraw ha ki nongshun jong ki, ngan hukum ïa ki ba kin pynïap. Nga la kut jingmut ban pynjot ïa ki, ym ban ïarap ïa ki.”

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

DEUTERONOMI 12:16

Hynrei phim bit ban bam ïa ka snam jong ki; phi dei ban theh ïa ka ha ka khyndew kumba theh ïa ka um.

DEUTERONOMI 12:23

Tangba wat bam ïa ka doh kaba dang don snam hapoh jong ka, namar ka jingim ka don ha ka snam, bad phim dei ban bam ïa kata ka jingim lem bad ka doh.

DEUTERONOMI 15:23

Hynrei wat pyndonkam ïa ka snam jong ki kum ka jingbam; pynban, theh noh ïa ka ha khyndew kumba theh um.

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

1 SAMUEL 14:32

Ha kane ka por ki Israel ki la tlot palat na ka jingthngan, bad kumta ki la kynrup ïa kata kaba ki la ïohknieh na ki nongshun, ki la shim ïa ki langbrot bad ki jingri, ki la pynïap ïa ki hangta, bad ki la bam ïa ka doh kaba dang don snam hapoh jong ka.

1 SAMUEL 14:33

La ïathuh ha u Saul, “Khmih, ki briew ki la leh pop pyrshah ïa U Trai da kaba bam ïa ka doh kaba dang don snam hapoh jong ka.” “Phi dei ki nongshetkylla!” u Saul u kyang. “Pyntyllun uwei u maw heh shane sha nga.”