LEBITIKOS 16:18 - Khasi CL Bible (BSI)

¹⁸ un leit sha kata ka duwan ka jingainguh thang bad un pynkhuid ïa ka. U dei ban shim khyndiat na ka snam jong uta u masi lyngraw bad khyndiat na ka snam jong uta u 'langsohmoh bad un tah ïa ka ha ki reng kiba ha ki dong jong kata ka duwan.

KA BAIBL

¹⁸ Bad un mih noh na ka, sha ka duwan kaba ha khmat U Trai, bad un pynlong ka jingpynïasuk na ka bynta jong ka; bad un shim na ka snam uta u masi lyngraw, bad na ka snam uta u 'lang sohmoh, bad un thoh halor ki reng jong kata ka duwan baroh sawdong.

LEBITIKOS 16:18 ပူးပေါင်းရင်းမြစ်များ

EKSODOS 30:10

Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

ESEKIEL 43:20

Me dei ban shim katto katne na ka snam jong u bad ban buh ïa ka ha ki reng ha ki saw tylli ki dong kiba halor ha ka duwan, bad ha ki dong jong ka bynta ba hapdeng jong ka duwan, bad ha baroh sawdong jong ki tduh. Ha kane ka rukom men pynkhuid ïa ka duwan bad pynkyntang ïa ka.

ESEKIEL 43:22

Ha ka sngi kaba bud men shim ïa u 'langsohmoh u bym don kano kano ka jingduna bad ai ïa u kum ka jingkñia na ka bynta ka pop. To pynkhuid ïa ka duwan da ka snam jong u ha kajuh ka rukom kumba me leh da u masi lyngraw.

ESEKIEL 45:19

U lyngdoh un shim katto katne ka snam na kane ka jingkñia pop bad tah ïa ka ha ki shawkad ka Templ, halor ki saw tylli ki dong ka duwan, bad halor ki rishot jong ki khyrdop sha ka phyllaw ba kham shapoh.

LEBITIKOS 16:16

Ha kane ka rukom un pyndep ïa ka rukom lehniam ban pynkhuid ïa ka Jaka Kaba Khuid Tam namar ka jingbymkhuid jong ki Israel bad namar ki pop jong ki baroh. U dei ban leh kumne ha ka Ïingjaiñ namar ka ïeng hapdeng ka jaka shong dara, ïa kaba la ñiew ba ka long ka bymkhuid.

LEBITIKOS 16:17

Naduh ka por ba u Aaron u leit rung sha ka Jaka Kaba Khuid Tam ban pyndep ïa ka rukom lehniam kaba ïadei bad ka jingpynkhuid haduh ba un da mih nangta, ym bit ïano ïano ban don hapoh ka Ïingjaiñ. Ynda u la pyndep ïa kata ka rukom lehniam na ka bynta ïa lade, na ka bynta la ka longïing, bad na ka bynta u paidbah baroh,

LEBITIKOS 4:18

Un tah snam khyndiat ha ki reng kiba don ha ki dong jong ka duwan ka jingiwbih thang kaba hapoh ka ïingjaiñ bad un theh ïa ka snam kaba sah, ha trai ka duwan ki jingkñia ainguh thang, kiba don ha khmat ka jingkhang jong ka Ïingjaiñ.

LEBITIKOS 4:25

U lyngdoh un wieh ïa la ka shynriah'ti ha ka snam jong uta u mrad, un tah ïa ka ha ki reng kiba don ha ki dong jong ka duwan, bad un theh ïa kaba sah, ha trai jong kata ka duwan.

LEBITIKOS 4:7

Nangta un tah snam khyndiat ha ki reng kiba don ha ki dong jong ka duwan ka jingiwbih thang kaba hapoh ka Ïingjaiñ. U dei ban theh ïa ka snam kaba sah, ha trai ka duwan ki jingkñia ainguh thang kiba don ha khmat jingkhang jong ka Ïingjaiñ.

JINGKHEIÑ 28:22

Kñia ruh uwei u 'langsohmoh kum ka jingkñia namar ka pop, bad ha kane ka rukom pyndep ïa ka jinglehniam ka jingpynkhuid ïa u paidbah.

ÏOANNIS 17:19

Bad na ka bynta jong ki nga pynkyntang ïa lade sha me, khnang ba ma ki ruh, ki lah ban long kiba la ïoh pynkyntang da shisha sha me.

HEBRU 2:11

U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.