LEBITIKOS 15:18 - Khasi CL Bible (BSI)

¹⁸ Hadien ka jingïathiah shongkha, baroh ar ngut u briew bad ka briew ki dei ban sum, bad ki long ki bymkhuid haduh janmiet.

KA BAIBL

¹⁸ Bad ka briew bad kaba u briew kum uta un thiah, baroh ar ngut kin ïasum ha um, bad kin long bymkhuid haduh la janmiet.

LEBITIKOS 15:18 ပူးပေါင်းရင်းမြစ်များ

2 SAMUEL 11:4

U Dabid u la phah ki nonglamktien sha ka; ki la wallam ïa ka sha u bad u la ïathiah shongkha bad ka. (Ka dang shu lah pyndep ïa la ka jinglehniam pynkhuid kaba man u bnai.) Nangta ka la leit phai sha ïing.

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

EKSODOS 19:15

Kumta ki sait ïa la ki jaiñkup, bad u Moses u ong ha ki, “La shi sngi, phi dei ban long kiba la pynkhreh bad ha kajuh ka por phim dei ban ïathiah shongkha.”

LEBITIKOS 15:16

Haba u briew u don ka jingmih jor, u dei ban sum baroh shi rynïeng, bad u long u bymkhuid haduh janmiet.

LEBITIKOS 15:17

Kano kano kaba suh da ka jaiñ ne ka snieh ha kaba kata ka jor ka jaw dei ban sait, bad ka long ka bymkhuid haduh janmiet.

LEBITIKOS 15:5

Uno uno uba ktah ïa ka jingthiah jong u

1 KORINTH 6:12

Don u ban ong, “Nga lah ban leh ïa kano kano.” Ho-oid, hynrei ym baroh kiei kiei ki long kiba bha ïa phi. Nga lah ban ong ba nga lah ban leh ïa kano kano, hynrei ngan ym shah ïa kano kano ban pynlong ïa nga u mraw jong ka.

1 KORINTH 6:18

To kiar na ka jingleh awria. Kano kano kawei pat ka pop kaba u briew u leh kam ktah ïa ka met jong u; hynrei u briew uba leh awria u leh pop ïa kata ka met jong u.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.