LEBITIKOS 14:7 - Khasi CL Bible (BSI)

⁷ Un synreit ruh hynñiew sien ïa kata ka snam ha ka met uta u briew ïa uba yn dang pynkhuid na ka jingpang 'ñiangthohlieh, bad hadien kata un sa pynbna ba u long uba khuid. Un pyllait noh ïa kata ka sim kaba dang im ba kan her kat shaba ka mon.

KA BAIBL

⁷ Bad un synreit hynñiew sien halor uta ïa uba yn pynkhuid na ka jingpang 'ñiangthohlieh, bad un rai ïa u, u bakhuid; hadien kata, un pyllaitluid ïa ita i sim ba-im sha lum.

LEBITIKOS 14:7 ပူးပေါင်းရင်းမြစ်များ

2 SYIEM 5:10

U Elisha u phah ïa u shakri ban ong ha u ban leit bad sait ïa lade hynñiew sien ha ka wah Jordan, bad un ïohkhiah phar na ka jingpang jong u.

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

SALM 51:2

To sait ïa ka jingbymman jong nga baroh bad pynlong ïa nga uba khuid na ka pop jong nga!

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

LEBITIKOS 13:13

u lyngdoh un khmih bniah biang ïa uta u briew. Lada u shem ba kata ka jingpang 'ñiangthohlieh ka la sop shisha ïa ka met jong u baroh shi rynïeng, un pynbna ba uta u briew u long uba khuid. Lada ka sniehdoh jong u baroh ka la kylla lieh un long uba khuid.

LEBITIKOS 13:17

Lada kata ka prum ka la kylla lieh, uta u briew u long uba khuid, bad uta u lyngdoh un pynbna ba uta u long uba khuid.

LEBITIKOS 14:51

Nangta un shim ïa uta u lyngkhot dieng Kedar, ïa u tnat Hissop, ïa u 'saiwul saw, bad ïa kata ka sim kaba dang im, bad un wieh lang ïa ki ha ka snam jong kata ka sim kaba u la pynïap bad ha kata ka um sngur, bad un synreit hynñiew sien ïa kata ka ïing.

LEBITIKOS 16:14

Un shim khyndiat ka snam jong uta u masi lyngraw bad un synreit ïa ka da la ka shynriah'ti ha khmat kata ka jingtap, bad nangta un synreit ïa ka hynñiew sien ha khmat ka Synduk ka Jutang.

LEBITIKOS 16:19

Da la ka shynriah'ti un synreit khyndiat na kata ka snam ha kata ka duwan hynñiew sien. Ha kane ka rukom u dei ban pynkhuid ïa ka na ki pop jong ki paid Israel, bad un pynlong khuid ïa ka.

LEBITIKOS 16:22

Uta u 'langsohmoh un kit lut noh ïa ki pop baroh sha ka ri kaba ym pat ju don ba sah briew.

LEBITIKOS 4:17

un wieh ïa la ka shynriah'ti ha kata ka snam, bad un synreit ïa ka hynñiew sien ha khmat ka jingkah jong ka Jaka Kyntang.

LEBITIKOS 4:6

Un wieh ïa la ka shynriah'ti ha kata ka snam bad synreit ïa ka hynñiew sien ha khmat ka jingkah jong ka Jaka Kyntang.

LEBITIKOS 8:11

U shim ruh khyndiat na kata ka umphniang bad u synreit ïa ka hynñiew sien ha ka duwan bad ki tiar jong ka baroh, bad ha ka dabor bad ka jingpynshong jong ka, khnang ban pynkyntang ïa ki sha U Trai.

MIKAH 7:19

Men long uba leh-isynei sa shisien pat. Men ïuh ha ki kjat ïa ki pop jong ngi bad ñiat ïa ki sha trai jong ka duriaw!

JINGKHEIÑ 19:12

Ki dei ban pynkhuid ïa lade da ka um ka jingpynkhuid ha ka sngi kaba lai bad ha ka sngi kaba hynñiew, te kin sa long kiba khuid. Hynrei lada kim pynkhuid ïa lade ha ka sngi kaba lai bad ha ka sngi kaba hynñiew, kin ym long kiba khuid.

ÏOANNIS 19:34

Pynban uwei na ki shipai, u la dung da u sum jong u na ka krung jong U Jisu, bad mar kumta ka snam bad ka um ka la mih shabar.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 9:13

Ka snam jong ki blang bad ki masi kyrtong bad u dpei jong u masi lud la synreit halor ki briew ïa kiba la ñiew bymkhuid kat kum ka jinglehniam, bad kane ka pynkhuid ïa ki da kaba weng noh ïa ka jingbymkhuid katba kum ka jinglehniam.

HEBRU 9:19

Nyngkong, u Moses u la pynbna ha u paidlang ïa ki hukum baroh kat kum ba la buh ha ka hukum. Nangta u la shim ïa ka snam ki masi kyrtong bad ki blang, u la khleh ïa ka bad ka um, bad u la synreit ïa ka halor kata ka kitab ka hukum bad halor u paidbah baroh, da kaba pyndonkam ïa u tnat Hissop bad katto katne u 'saiwul uba saw.

HEBRU 9:21

Ha kajuh ka rukom u Moses ruh u la synreit ïa ka snam halor kata ka Ïingjaiñ ka Jutang bad halor kiei kiei baroh ïa kiba la pyndonkam ha ka jingmane.

HEBRU 9:26

Lymda kumta ka la dei ïa u ban shah bunsien naduh myn dang long ka pyrthei. Pynban, mynta haba ka por baroh ka la jan poi sha kaba kut, u la paw tang shisien hi, ban pyndam noh ïa ka pop da kaba kñia ïa lade.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.

1 ÏOANNIS 5:6

U Jisu Khrist u long uta uba la wan da ka um jong ka jingpynbaptis jong u bad ka snam jong ka jingïap jong u. U la wan ym tang da ka um, hynrei, da ka um bad ka snam ruh. Bad U Mynsiem da lade hi u phla ba kane ka long kaba shisha, namar U Mynsiem u long ka jingshisha.