LEBITIKOS 14:3 - Khasi CL Bible (BSI)

³ bad u lyngdoh un ïalam ïa u shabar ka jaka shong dara, bad un khmih bha ïa u.

KA BAIBL

³ bad uta u lyngdoh un mih shabar ka jaka shong dara: bad u lyngdoh un khmih-ïit, te ha khmih, lada u shem ba kata ka jingpang 'ñiangthohlieh ka la khiah ha uta u bapang 'ñiangthohlieh;

LEBITIKOS 14:3 ပူးပေါင်းရင်းမြစ်များ

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

2 SYIEM 5:3

Ha kawei ka sngi ka ong ïa la ka kynrad, “Nga kwah ba u kynrad jong nga un lah ban leit sha u nongïathuhlypa uba shong ha Samaria! Un pynkhiah ïa u na ka jingpang jong u.”

Ka Kitab U Job 5:18

U Blei u sop spaiñ ïa ki jingmong ba u pynlong; ki kti jong u ki pynpang ïa me, bad ki kti jong u ki pynkhiah.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

LEBITIKOS 13:2

Lada uno uno u briew u mih prum, lane u mih tohjaw, lane u tyrha ka sniehdoh, bad kata ka lah ban kylla sha ka jingpang 'ñiangthohlieh, dei ban leit ïalam ïa u ha u lyngdoh uba na ka longïing jong u Aaron.

LEBITIKOS 13:46

Un ïaisah u bymkhuid katba kata ka jingpang ka dang don, bad u dei ban sah kyrpang shabar ka jaka shong dara, jngai na kiwei pat.

LEBITIKOS 14:48

“Lada, haba u lyngdoh u la wan khmih bha, bad u ïohi ba kata ka jingbthuh kam shym paw shuh hadien ba la ñiad astor biang, u dei ban pynbna ba kata ka ïing ka long kaba khuid, namar ba kata ka jingbthuh ka la jah lut.

MATHAÏOS 10:8

To pynkhiah ïa kiba pang, to pynim pat ïa kiba ïap, to pynkhiah ïa kito kiba shitom na ki jingpang 'ñiangthohlieh, bad to beh noh ïa ki ksuid. Phi la ïohpdiang ei, kumta to ai ei.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

LOUKAS 4:27

Bad la don bun ki briew kiba pang 'ñiangthohlieh kiba la im ha Israel ha ka por jong u Elisha u nongïathuhlypa; pynban ym shym la pynkhiah ïa uno uno na ki, hynrei, tang ïa u Naaman u nong Syria.”

LOUKAS 7:22

U la jubab ïa ki nonglamktien jong u Ïoannis, “Khie leit noh bad ïathuh ïa u Ïoannis ïa kaei kaba phi la ïohi bad ïohsngew: Kiba matlah ki lah ban ïohi, kiba dkoh ki lah ban ïaid, kito kiba pang 'ñiangthohlieh ki la long khuid, kiba kyllut ki lah ban ïohsngew, ïa kiba ïap pynim pat, bad ïa ka Khubor Babha la ïalap ha kiba duk.