LEBITIKOS 13:4 - Khasi CL Bible (BSI)

⁴ Hynrei lada kata ka prum ka long kaba lieh, bad kam shym paw ba ka kham jylliew ban ïa ka sniehdoh sawdong jong ka, bad u shñiuh ha kata ka prum ruh um pat lieh, u lyngdoh un pynkyrpang ïa uta u briew hynñiew sngi.

KA BAIBL

⁴ Hynrei, lada kata ka jingphyrnai ka long lieh ha ka snieh doh jong u, bad ba imat kam kham jylliew ban ïa ka snieh, bad ba u shñiuh jong ka um shym kylla lieh; ynda kumta, u lyngdoh un set kyrpang, hynñiew sngi, ïa uta uba la ngat jingpang.

LEBITIKOS 13:4 ပူးပေါင်းရင်းမြစ်များ

ESEKIEL 44:10

U Trai u la ong ha nga, “Ngan pynshitom ïa kito ki Lebi, ryngkat bad ïa kito kiba na ki paid Israel, kiba la iehnoh ïa nga bad mane ïa ki bleithaw.

LEBITIKOS 13:11

kata ka dei ka jingpang 'ñiangthohlieh kaba la shong slem. U lyngdoh un pynbna ba uta u briew u long u bymkhuid. Ym da donkam ban pynkyrpang ïa u, naba u la long lypa u bymkhuid.

LEBITIKOS 13:25

Lada u shñiuh ha ka dak khluit ding u la kylla lieh bad kata ka dak ka kham jylliew ban ïa ka sniehdoh sawdong jong ka, kata ka dei ka jingpang 'ñiangthohlieh kaba la sdang na kata kaba khluit ding, bad u lyngdoh un pynbna ba uta u long u bymkhuid.

LEBITIKOS 13:26

Hynrei lada u shñiuh ha kata ka dak um kylla lieh, bad kata ka dak kam long kaba kham jylliew ban ïa ka sniehdoh sawdong jong ka, hynrei ka stang ha ka rong, u lyngdoh u dei ban pynkyrpang ïa u hynñiew sngi lynter.

LEBITIKOS 13:3

U lyngdoh un khmih bniah ïa kata ka prum, bad lada u shñiuh hangta u la kylla lieh bad kata ka prum ka i kumba ka kham jylliew ban ïa ka sniehdoh sawdong jong ka, kata ka dei ka jingpang 'ñiangthohlieh, bad u lyngdoh un pynbna ba uta u briew u long u bymkhuid.

LEBITIKOS 13:31

Lada, haba u lyngdoh u la peit bniah ïa u, u shem ba kata ka prum kam shym long kaba kham jylliew ban ïa ka sniehdoh sawdong jong ka, hynrei ym pat shym don shñiuh ïong hangta, yn pynkyrpang ïa u hynñiew sngi lynter.

LEBITIKOS 13:5

U lyngdoh un khmih biang ïa u ha ka sngi kaba hynñiew, bad lada ha ka jingshem jong u ba kata ka prum ka long kumjuh bad kam shym pur, un pynkyrpang ïa u sa hynñiew sngi.

LEBITIKOS 13:50

U lyngdoh un khmih bha ïa ka, bad un buh kyrpang ïa kata kaba la bit bthuh haduh hynñiew sngi.

LEBITIKOS 14:38

un mihnoh na kata ka ïing bad un khang ïa ka hynñiew sngi.

JINGKHEIÑ 12:14

U Trai u la jubab, “Lada u kpa jong ka u bynthiew halor ka khmat jong ka, ka dei ban shah ïa ka jingjahburom hynñiew sngi. Kumta ieh kan shah khang shabar ka jaka sher dara shi taïew, bad hadien kata lah ban pynrung pat ïa ka.”

JINGKHEIÑ 12:15

Kumta ka Miriam ka shah khang shabar ka jaka sher dara hynñiew sngi, bad kita ki briew kim shym la mihnoh tad ynda la wan ïalam pat ïa ka shapoh.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

DEUTERONOMI 13:14

Leit tohkit bniah shaphang kata; bad lada ka long kaba shisha ba la leh kum ïa kata ka kam bymman,

1 TIMOTHI 5:24

Don ki briew kiba ki pop jong ki, ki long kiba paw tyngkreiñ, bad ki pop jong ki, ki leit ha shuwa jong ki sha ka jingbishar; hynrei ki pop jong kiwei pat ki paw kham hadien.