LEBITIKOS 13:20 - Khasi CL Bible (BSI)

²⁰ U lyngdoh un peit bniah ïa u, bad lada kata ka dak ka paw ba ka kham jylliew ban ïa ka sniehdoh sawdong jong ka bad ba u shñiuh hangta ruh u la kylla lieh, un pynbna ba uta u long u bymkhuid. Kata ka dei ka jingpang 'ñiangthohlieh kaba sdang na uta u tohjaw.

KA BAIBL

²⁰ te haba u lyngdoh u khmih-ïit ïa ka, lada u shem ba ka la ngam kham jylliew ïa ka snieh, bad ba u shñiuh jong ka u la kylla lieh, u lyngdoh un rai bymkhuid ïa u: ka long ka jingpang 'ñiangthohlieh ba la kem na uta u pyrshen.

LEBITIKOS 13:20 ပူးပေါင်းရင်းမြစ်များ

LEBITIKOS 13:19

bad lada hadien, ha kata ka jaka ba mih u tohjaw, ka don ka jingat kaba lieh ne ka dak kaba byrsaw-lieh, u dei ban leit pyn-i ha u lyngdoh.

LEBITIKOS 13:2

Lada uno uno u briew u mih prum, lane u mih tohjaw, lane u tyrha ka sniehdoh, bad kata ka lah ban kylla sha ka jingpang 'ñiangthohlieh, dei ban leit ïalam ïa u ha u lyngdoh uba na ka longïing jong u Aaron.

LEBITIKOS 13:21

Hynrei ynda u lyngdoh u la peit bniah ïa kata ka dak bad u shem ba u shñiuh uba hangta um pat kylla lieh, bad ba kam long kaba kham jylliew ban ïa ka sniehdoh sawdong jong ka hynrei ka stang ha ka rong, u lyngdoh un pynkyrpang ïa u hynñiew sngi lynter.

LEBITIKOS 13:3

U lyngdoh un khmih bniah ïa kata ka prum, bad lada u shñiuh hangta u la kylla lieh bad kata ka prum ka i kumba ka kham jylliew ban ïa ka sniehdoh sawdong jong ka, kata ka dei ka jingpang 'ñiangthohlieh, bad u lyngdoh un pynbna ba uta u briew u long u bymkhuid.

MATHAÏOS 12:45

Nangta u mihnoh bad u wan ïalam sa hynñiew ngut kiwei pat ki mynsiem wat kiba kham sniew ban ïa u, bad ki wan shongsah hangta. Kumta haba baroh ka la kut, uta u briew un don ha ka jinglong kaba kham sniew ban ïa kaba u la long ha kaba sdang. Kane ka long kaei ka ban jia ha ki briew kiba sniew jong kane ka por.”

ÏOANNIS 5:14

Hadien kata, U Jisu u la shem ïa u ha ka Templ bad u la ong, “Peit shane, me la khiah mynta; te sangeh na kaba leh pop, ïoh kaei kaei kaba kham sniew ka lah ban jia ïa me.”

2 PETROS 2:20

Lada ki briew ki la lait im na ki bor ba pynpyut jong ka pyrthei da ka jingtip jong ki ïa U Jisu Khrist uba U Trai bad U Nongpynim jong ngi, bad nangta ki ngat biang bad shahjop ha ki, kum kita ki briew ki don ha ka jinglong kaba kham sniew ha kaba kut ban ïa kaba ki la long ha kaba nyngkong.