LEBITIKOS 13:2 - Khasi CL Bible (BSI)

² Lada uno uno u briew u mih prum, lane u mih tohjaw, lane u tyrha ka sniehdoh, bad kata ka lah ban kylla sha ka jingpang 'ñiangthohlieh, dei ban leit ïalam ïa u ha u lyngdoh uba na ka longïing jong u Aaron.

KA BAIBL

² “U briew haba u don ka jingat ha ka snieh ka doh jong u, lane ka prum, lane ka jingphyrnai, bad haba don ha ka snieh doh jong u kaei kaei kum ka jingpang 'ñiangthohlieh, ka dei ban wallam ïa u ha u Aaron lyngdoh, lane ha uwei na ki khun shynrang jong u, ki lyngdoh:

LEBITIKOS 13:2 ပူးပေါင်းရင်းမြစ်များ

2 SAMUEL 3:29

To ka jingpynshitom na ka bynta kane kan hap halor u Joab bad ka longïing jong u baroh! Ha kawei pa kawei ka pateng to yn don u shynrang ha ka longïing jong u, uba don ka jingpang 'ñiangkulia lane ka jingpang 'ñiangthohlieh kaba shyrkhei lane uba hap ban trei tang ïa ka kam ba trei ki kynthei lane uba shah pynïap ha ka thma lane uba kyrduh bam!”

2 SYIEM 5:1

U Naaman, u rangbah ai hukum jong ka kynhun shipai Syria, u long u briew ïa uba la burom shikatdei eh bad ñiewkor shibun da u syiem Syria, namar lyngba u Naaman, U Trai u la ai ka jingjop ïa ki shipai Syria. U la long u shipai bakhraw, hynrei u don ka jingpang 'ñiangthohlieh.

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

ISAÏAH 1:6

Naduh khlieh haduh kjat ym don kano kano ka bynta kaba khiah halor ka met jong phi. La tap ïa phi da ki jingjngem, ki prum bad ki jingmong ba-lhieh. Ïa ki jingmong jong phi ym shym la pynkhuid lane sop spaiñ. Ym shym la tah dawai ei ei ha ki.

ISAÏAH 3:17

Hynrei ngan pynshitom ïa ki — Ngan khi ïa ki khlieh jong ki bad ngan ieh lyndum ïa ki.”

LEBITIKOS 13:1

U Trai u ai ha u Moses bad u Aaron ïa kine harum ki jingbuhbeit ryntih.

LEBITIKOS 13:3

U lyngdoh un khmih bniah ïa kata ka prum, bad lada u shñiuh hangta u la kylla lieh bad kata ka prum ka i kumba ka kham jylliew ban ïa ka sniehdoh sawdong jong ka, kata ka dei ka jingpang 'ñiangthohlieh, bad u lyngdoh un pynbna ba uta u briew u long u bymkhuid.

LEBITIKOS 13:8

U lyngdoh un khmih bniah ïa u sa shisien, bad lada kata ka prum ka la pur, un pynbna ba u long u bymkhuid; ka dei ka jingpang 'ñiangthohlieh.

LEBITIKOS 14:3

bad u lyngdoh un ïalam ïa u shabar ka jaka shong dara, bad un khmih bha ïa u.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

JINGKHEIÑ 12:10

bad u lyoh u kynriah noh na ka Ïingjaiñ, hangta hi ka sniehdoh jong ka Miriam ka la tap da ka jingpang 'ñiangthohlieh bad ka la kylla lieh kum ka ïor. Haba u Aaron u peit ïa ka bad u ïohi ba ka la ngat ïa kata ka jingpang,

JINGKHEIÑ 12:12

Wat ai ba kan long kum u khunlung ba la kha ïap, uba la shah bam noh shiteng ka met jong u.”

MATHAÏOS 8:4

Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

MARKOS 1:44

hadien u la ong ïa u, “Sngap, wat ïathuh hano hano ruh shaphang kane. Hynrei leit beit sha u lyngdoh bad ai ba un khmih ïa me; te khnang ban pynshisha ha baroh ba me la ïohkhiah, sa ai ka jingkñia kaba u Moses u la hukum.”

LOUKAS 17:14

U Jisu u la ïohi ïa ki bad u la ong ha ki, “Khie leit bad ai ba ki lyngdoh kin da khmih bniah ïa phi.” Ha lynti la pynkhuid ïa ki.

LOUKAS 5:14

U Jisu u la hukum ïa u, “Wat ïathuh hano hano, hynrei khie leit beit sha u lyngdoh bad ai un peit bniah ïa me; nangta un pynshisha ha uwei uwei baroh ba me la koit. To ai ïa ka jingkñia kumba U Moses u la hukum.”

DEUTERONOMI 24:8

“Haba phi pang 'ñiangthohlieh, phi dei ban leh thik kumba ki lyngdoh Lebi ki ong ïa phi, bad bud ïa ki jinghikai ïa kiba nga la ai ha ki.

DEUTERONOMI 28:27

U Trai un shoh ïa phi da ki tohjaw, kumba u la leh ïa ki nong Ijipt. Un pynlong ïa ka met jong phi ban dap da ka prum. Yn tap ïa phi da ka sarew, bad phin daitbuid, hynrei yn ym don jingpynkhiah.