LEBITIKOS 11:31 - Khasi CL Bible (BSI)

³¹ Uno uno uba ktah ïa ki ne ïa ka metïap jong ki un long u bymkhuid haduh janmiet.

KA BAIBL

³¹ Na ki kynja bapar baroh, kine ki long bymkhuid ïa phi: bad jar uba ktah ïa ki haba ki la ïap, un long bymkhuid haduh la janmiet.

LEBITIKOS 11:31 ပူးပေါင်းရင်းမြစ်များ

JENESIS 1:20

Nangta U Blei u la hukum, “Ai ba ki um kin dap da kiba bun ki kynja jingthaw ba-im, bad ai ba ka suiñ kan dap da ki sim.”

LEBITIKOS 11:32

Bad lada ka metïap jong ki ka hap halor kaei kaei, kata ruh kan kylla long ka bymkhuid. Kane ka long kumta la ka dei ka lyngkhot dieng, lane ka jaiñkup, lane ka snieh, lane ka byrni, kam pher wat la pyndonkam ïa ka ha kano kano ka rukom. Dei ban wieh ïa ka ha ka um, hynrei kan long hi ka bymkhuid haduh janmiet.

LEBITIKOS 11:8

Wat bam ïa kine ki mrad lane wat ktah ruh ïa ka metïap jong ki; ki long ki bymkhuid.

LEBITIKOS 14:46

Uno uno u briew uba leit rung ha kata ka ïing kaba dang khang un long u bymkhuid haduh janmiet.

LEBITIKOS 15:15

U lyngdoh un kñia ïa kawei na ki kum ka jingkñia namar ka pop bad ïa kawei pat kum ka jingainguh thang. Ha kane ka rukom un pyndep ïa ka jinglehniam kaba ïadei bad ka jingpynkhuid ïa uta u briew.

LEBITIKOS 16:26

Uta u briew uba leit ñiah ïa uta u 'langsohmoh sha ka ri shyiap sha u Asasel u dei ban sait ïa la ki jaiñkup bad un sum shuwa ba un wan pat shapoh ka jaka shong dara.

LEBITIKOS 17:15

Uno uno u briew, la u dei u Israel ne u nongwei, uba bam ïa ka doh jong uno uno u mrad uba shu ïap hi, ne uba shah pynïap ha ki mradkhlaw, u dei ban sait ïa la ki jaiñkup, bad un sum, bad ap haduh janmiet shuwa ba yn ñiew ïa u ba u long uba khuid.

LEBITIKOS 22:6

Uta u briew uba kylla long u bymkhuid un ïaisah u bymkhuid haduh janmiet, hynrei la katta ruh um lah ban bam ïa ki jingkñia ainguh kiba kyntang tad haduh ba u la dep sum.

JINGKHEIÑ 19:7

Hadien kata, un sait ïa la ki jaiñ bad theh um ïa lade, bad nangta u lah ban rung sha ka jaka shong dara; hynrei u ïailong u bymkhuid haduh janmiet.