LEBITIKOS 10:9 - Khasi CL Bible (BSI)

⁹ “Ma me bad ki khun shynrang jong me phim dei ban rung shapoh ka Ïingjaiñ ka Jingdon Ryngkat jong nga hadien ba phi la dih waiñ lane dih kyiad; lada phi leh kumta phin ïap. Kane ka long ka aiñ kaba dei ban bud da ki khun ki ksiew jong me pateng la pateng.

KA BAIBL

⁹ “Me, ïa ka Waiñ bad ïa ka kyiad wat dih, bad ki khun shynrang jong me ruh, haba phi rung sha Ka Tabernakl ka jingïaseng, ba phin ym ïap noh: kane kan long ka hukum ba-neh junom ïa phi pateng la pateng:

LEBITIKOS 10:9 ပူးပေါင်းရင်းမြစ်များ

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

PROBERB 20:1

Kaba dih kyiad palat ka pynlong ïa phi uba bunktien bad uba bieit. Ka long ka jingijli ban buaid.

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ESEKIEL 44:21

Ki lyngdoh kim dei ban dih kano kano ka waiñ shuwa ban leit rung hapoh ka phyllaw kaba kham shapoh.

HOSIA 4:11

U Trai u ong, “Ka waiñ, kaba rim bad kaba thymmai ruh, ka pyntlot ïa ka bor pyrkhat ki briew jong nga!

LEBITIKOS 10:8

U Trai u ong ha u Aaron.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

JINGKHEIÑ 6:20

Nangta pat, u lyngdoh un ai ïa ki kum ki jingai kiba kyrpang sha U Trai; kine ki long ki jingainguh kiba kyntang na ka bynta u lyngdoh, nalor ka shadem bad ka lbong jong uta u langbrot, kiba long ki jong u lyngdoh kat kum ka aiñ. Hadien kata, u Nasir u lah ban dih waiñ.

JINGKHEIÑ 6:3

ki dei ban kyndiah na ka waiñ bad ka kyiad. Phim dei ban dih ïa kano kano ka jingdih ba la shna na ki sohwaiñ, lane ban bam sohwaiñ, la uba dang shu kheit ne uba la thad rkhiang.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

1 TIMOTHI 3:8

Ki nongïarap ha ka balang ki dei ban don ka jinglong kaba bha bad kiba sngur mynsiem; kim dei ban kyrni dih waiñ lane kiba lalot pisa; ki dei ban bat ïa ka jingshisha ba la pynpaw jong ka jingngeit da ka jingïatiplem kaba sngur.

1 TIMOTHI 5:23

Wat dih tang ïa ka um, hynrei shim khyndiat ka waiñ ban ïarap ïa ka 'nierbah jong me, naba me long uba pang khah khah.

TITOS 1:7

Namar ba u nongïalam balang u long uba pynïaid ïa ka kam U Blei, u dei ban long u bym don jingshah kynnoh pop. Um dei ban long uba leh meng ne uba bitar shen, ne uba buaid ne uba leh jubor ne uba lalot pisa.