LEBITIKOS 10:3 - Khasi CL Bible (BSI)

³ Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

KA BAIBL

³ Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.

LEBITIKOS 10:3 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

Ka Kitab U Job 2:10

U Job u jubab, “Pha kren bieit! Haba U Blei u phah ei ei kaba bha, ngi pdiang ïa kata. Kumno ngi lah ban khñium haba u phah ïa ki jingeh ha ngi?” Wat la u shah ïa ki jingjynjar baroh, u Job um shym la kren ei ei pyrshah ïa U Blei.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 148:14

U pynlong ïa ka hima jong u kaba khlaiñ, ba kumta baroh ki briew jong u ki ïaroh ïa u — ki paid Israel, kiba u ieit eh. To ïaroh ïa U Trai!

SALM 39:10

Wat pynshitom shuh ïa nga; nga la jan ïap na ki jingshoh jong me.

SALM 39:9

Ngan sngap jar, ngan ym ong wat tang shikyntien ruh, namar dei ma me uta uba pynlong ïa nga ban shitom kumne.

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

SALM 93:5

Ki aiñ jong me ki neh bymjukut, A Trai, bad ka Templ jong me ka long kaba khuid da shisha, junom la junom.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 19:22

Wat ki lyngdoh kiba wan sha jan jong nga ki dei ban pynkhuid ïa lade, lym kumta ngan pynshitom ïa ki.”

EKSODOS 19:24

Te U Trai u ong ha u Moses, “Khie leit hiar, bad wan ïalam pat bad me ïa u Aaron. Hynrei ki lyngdoh bad ki briew kim bit ban jam ïa u pud ban wan sha nga, ïoh nga pynshitom ïa ki.”

EKSODOS 30:30

Nangta, pynsleh ïa u Aaron bad ïa ki khun shynrang jong u, bad pynkyntang ïa ki kum ki lyngdoh ha ka jingshakri ïa nga.

ISAÏAH 39:8

U syiem Hesekaïah u la sngewthuh ïa kane kaba mut ba kan don ka jingsuk bad ka jingskhem bha ha ka por ka jingim jong u, kumta u jubab, “Ka khubor ba la ai ha nga na U Trai ka long kaba bha.”

ISAÏAH 49:3

U la ong ïa nga, “Ko Israel, me long u shakri jong nga; namar jong me, ki briew kin ïaroh ïa nga.”

ISAÏAH 52:11

To pynthikna phi baroh kiba mih na Babilon, phi baroh kiba rah ïa ki tiar ka templ! Wat ktah ïa kaba la mana; ri khuid ïa lade bad mihnoh.

ESEKIEL 20:41

Hadien ba nga la wallam ïa phi na ki ri sha kiba la pynsakma ïa phi bad nga lumlang ïa phi, ngan pdiang ïa ki jingkñia kiba phi thang, bad ki jaitbynriew kin ïohi ba nga long uba khuid.

ESEKIEL 28:22

Ïathuh ïa ki briew hangta ïa kaei kaba ma nga, U Trai Nongsynshar, nga ong shaphang jong ki: Nga long u nongshun jong pha, ko Sidon; ki briew kin ïaroh ïa nga namar kaei kaba nga leh ïa pha. Kin ïoh tip ba nga long U Trai, haba nga pyn-i katno uba khuid nga long da kaba pynshitom ïa kito kiba im hapdeng jong pha.

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 40:46

bad ka kamra kaba phai shaphang shatei ka la long na ka bynta ki lyngdoh kiba shakri ha ka duwan. Baroh ki dei ki lyngdoh kiba la hiarpateng na u Sadok; dei tang ïa kine ki dkhot jong ka jait Lebi ba la shah ban leit ha khmat ka jingdon ryngkat U Trai ban shakri ïa U.

ESEKIEL 42:13

Uta u briew u la ong ha nga, “Baroh ar tylli kine ki jingtei ki long kiba khuid. Ha ki, ki lyngdoh kiba rung sha ka jingdon ryngkat U Trai, ki bam ïa ki jingkñia bakhuid tam. Namar ba ki kamra ki long kiba khuid, ki lyngdoh kin buh ïa ki jingainguh bakhuid tam hangta: ki jingainguh bam bad ki jingkñia ba la kñia na ka bynta ka pop ne ki jingkñia jong ka jingsiew pat.

LEBITIKOS 21:15

ïoh u pyntngit ïa la ki khun hapdeng ki briew jong u. Nga long U Trai, uba pynkyntang ïa u.”

LEBITIKOS 21:17

“Ong ha u Aaron, ym bit ïa uno uno na ki khun ki ksiew jong me pateng la pateng uba don jingduna ha ka met ban kñia ïa ka jingainguh bam sha nga.

LEBITIKOS 21:21

Ym bit ïa uno uno u briew uba hiarpateng na u Aaron, u lyngdoh, uba don jingduna ha ka met ban kñia ïa ka jingainguh bam sha nga.

LEBITIKOS 21:6

U dei ban long uba khuid bad um dei ban pynkheiñ burom ïa ka kyrteng jong nga; u kñia ïa ki jingainguh bam sha nga, bad kumta u dei ban long uba khuid.

LEBITIKOS 21:8

U paidbah u dei ban ñiew ba u lyngdoh u long uba khuid, namar u wallam ïa ki jingainguh bam sha nga. Nga long U Trai; nga long uba khuid, bad nga pynkyntang khuid ïa ki briew jong nga.

LEBITIKOS 22:9

“Ki lyngdoh baroh, namar kata, ki dei ban sumar ïa ki jingbuhbeit ryntih kiba nga la ai. Lym kumta kin kit hi ïa la ka pop bad kin ïap, namar ba ki la pynkheiñ ïa ki jingbuhbeit ryntih kiba kyntang. Nga long U Trai uba pynkyntang ïa ki.

LEBITIKOS 8:35

Phi dei ban sah ha khmat ka jingkhang jong ka Ïingjaiñ miet la bad sngi haduh hynñiew sngi, ban leh ïa kata kaba U Trai u la hukum. Lada phim leh kumta, phin ïap. Kane ka long kaba U Trai u la hukum ïa nga.”

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 20:12

Hynrei U Trai u la sneng tyngeh ïa u Moses bad u Aaron. U ong “Namar ba phim don ka jingngeit kaba skhem ban pynpaw ïa ka bor bakhuid jong nga ha khmat ki paid Israel, phin ym ïoh ban ïalam ïa ki sha ka ri kaba nga la kular ban ai ha ki.”

MATHAÏOS 10:37

“Uno uno uba ieit kham bun shah ïa la u kpa lane ka kmie ban ïa nga um long uba bit ban long u synran jong nga; uno uno uba ieit kham bun shah ïa la u khun lane ka khun ban ïa nga, um long uba bit ban long u synran jong nga.

ÏOANNIS 12:28

Ko Pa, to pyndonburom ïa la ka kyrteng!” Te ka sur ka la kren na bneng, “Nga la wallam ka burom ïa ka, bad ngan leh biang kumta.”

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

DEUTERONOMI 32:51

namar baroh ar ngut phi la leh palat ïa nga ha khmat ki Israel. Mynba phi ïadon ha ki um Meribah, hajan ka shnong Kadesh, ha ka ri khlaw Sin, phi la pynjahburom ïa nga ha khmat u paidbah.

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

1 PETROS 4:17

Ka por ka la poi na ka bynta ka jingbishar ba kan sdang, bad ki briew jong U Blei hi kin long kiba nyngkong ban shah bishar. Lada ka sdang na ngi, kumno kan kut ha kito ki bym shym ngeit ïa ka Khubor Babha na U Blei?

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 3:18

Kumta u Samuel u ïathuh ha u nadong shadong; um shym buhrieh ei ei shuh na u. U Eli u ong, “U long U Trai; ieh un leh katba u sngewbit ïa u.”

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”