LEBITIKOS 10:14 - Khasi CL Bible (BSI)

¹⁴ Hynrei ma me bad ki longïing jong me, phi lah ban bam ïa ka shadem bad ïa ka kjat-dien ïa kiba la ai kum ka jingai kaba kyrpang bad ka jingsynñiang bakyrpang sha U Trai na ka bynta ki lyngdoh. Phi lah ban bam ïa ka ha ka jaka ïa kaba la ñiew ba ka long kaba khuid. Ïa kine ki jingkñia ainguh la ai ha me bad ha ki khun jong me kum ka bynta kaba dei ka jong me na ki jingainguh ïasyllok jong ki paid Israel.

KA BAIBL

¹⁴ Bad ïa ka shadem ba la kaweh ruh lem bad ka kti ba la kyntiew phin bam ha ka jaka bakhuid; ma me, bad ki khun shynrang jong me, bad ki khun kynthei jong me ruh de: naba la ai ïa ki, ïa ka ban long ka bynta jong me, bad ka jong ki khun shynrang jong me, na ki jingkñia bapynïasuk ki khun Israel.

LEBITIKOS 10:14 ပူးပေါင်းရင်းမြစ်များ

EKSODOS 29:33

Kin bam tang ïa kata ïa kaba la pyndonkam ha ka jinglehniam ka jingmap ha ka por ka jingpynkyntang ïa ki. Tang ki lyngdoh ki lah ban bam ïa kane ka jingbam, namar ka long kaba kyntang.

ESEKIEL 42:13

Uta u briew u la ong ha nga, “Baroh ar tylli kine ki jingtei ki long kiba khuid. Ha ki, ki lyngdoh kiba rung sha ka jingdon ryngkat U Trai, ki bam ïa ki jingkñia bakhuid tam. Namar ba ki kamra ki long kiba khuid, ki lyngdoh kin buh ïa ki jingainguh bakhuid tam hangta: ki jingainguh bam bad ki jingkñia ba la kñia na ka bynta ka pop ne ki jingkñia jong ka jingsiew pat.

LEBITIKOS 10:13

Bam ïa ka ha ka jaka kaba khuid; ka long ka bynta kaba dei ka jong me bad jong ki khun shynrang jong me na kata ka jingbam ba la kñia ainguh sha U Trai. Kata ka long kaei kaba U Trai u la hukum ïa nga.

LEBITIKOS 22:13

Hynrei ka khun u lyngdoh kaba la long riewkynthei lane kaba la ïapyllait tnga, ka bym don khun, bad kaba la wan phai ban shong ban sah bad la u kpa kumba ka la leh mynba ka dang samla, ka lah ban bam ïa kata ka jingbam ba u kpa jong ka u ïohpdiang kum u lyngdoh. Dei tang uta uba na ka longïing lyngdoh uba lah ban bam ïa ka.

LEBITIKOS 9:21

bad u ai ïa ki shadem bad ki kjat-dien kamon kum ka jingai kaba kyrpang sha U Trai na ka bynta ki lyngdoh, kumba u Moses u la hukum.

JINGKHEIÑ 18:11

“Nalor kine, kiwei pat ki jingai kiba kyrpang ba ki Israel ki wanrah sha nga ki dei ki jong me. Nga ai ïa ki ha me, ha ki khun shynrang bad ki khun kynthei jong me, ha ki por ki ban wan baroh. Uwei pa uwei na ka longïing jong me uba khuid kat kum ka jinglehniam u lah ban bam ïa ki.

JINGKHEIÑ 5:9

Shuh shuh, man la ka jingainguh kaba kyrpang ba ki Israel ki ai sha U Trai ka dei ka jong uta u lyngdoh ha uba ki ai ïa ka.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.