LEBITIKOS 1:9 - Khasi CL Bible (BSI)

⁹ Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

KA BAIBL

⁹ hynrei, ïa ki snier bad ïa ki kjat jong u, un sait ha ka um: bad u lyngdoh un thang ïa kata baroh halor ka duwan, ïa ka ban long ka jingkñia ainguh thang, kaba long ka jingkñia da ka ding jong ka jingiw baiwbih ha U Trai.

LEBITIKOS 1:9 ပူးပေါင်းရင်းမြစ်များ

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

2 KHRONIKL 4:6

Ki thaw ruh shiphew tylli ki dabor, san tylli ki ban buh ha ka bynta bashaphang shathie jong ka Templ bad san tylli ha ka bynta bashaphang shatei. Yn pyndonkam ïa ki ban sait ïa ki bynta jong ki mrad kiba dei ban thang kum ki jingkñia. Ka um ha ka pipa kaba heh ka dei na ka bynta ki lyngdoh ban pyndonkam ban sait jingsait.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

SALM 66:15

Ngan ai ïa ka langbrot ba yn thang halor ka duwan; ngan kñia ki masi kyrtong bad ki blang, bad ka tdem kan kiew soit sha ka sahit bneng.

EKSODOS 12:9

Ym dei ban bam im ne phon ïa ka, hynrei bam ïa ka da kaba shu syang tylli kynthup ïa ka khlieh, ki kjat bad ki doh jem.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

EKSODOS 29:25

Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 20:41

Hadien ba nga la wallam ïa phi na ki ri sha kiba la pynsakma ïa phi bad nga lumlang ïa phi, ngan pdiang ïa ki jingkñia kiba phi thang, bad ki jaitbynriew kin ïohi ba nga long uba khuid.

ESEKIEL 40:38

Ha ka phyllaw kaba shabar ka la don kawei ka kamra rit ba pynïasoh bad ka khyrdop bashapoh kaba shaphang shatei. Kane ka lam sha ka kamra rung kaba pyrshah ïa ka phyllaw bad hangta ki sait ïa ki metïap jong ki mrad ba la thang tylli kum ki jingkñia.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:17

Un bat na ki thapniang jong ka bad un kad ïa ka met jong ka khlem da pyndkut ïa kita ki thapniang, bad nangta un thang tylli ïa ka ha ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 2:16

U lyngdoh un thang khyndiat na kata ka jingbam ryngkat bad ka umphniang bad ka jingiwbih baroh kum ka dak jong ka jingainguh bam sha U Trai.

LEBITIKOS 2:2

U lyngdoh uba ïarap un shim shi kham uta u 'purew bani ryngkat bad ka umphniang bad ka jingiwbih baroh bad un thang ïa ka halor ka duwan kum ka dak ba la ainguh ïa ka sha U Trai. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 2:9

Uta u lyngdoh un shim khyndiat na ka kum ka dak ba la ainguh ïa ka sha U Trai, bad un thang ïa ka halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 6:14

Kine ki long ki jingbuhbeit ryntih kiba ïadei bad ki jingainguh bam. U lyngdoh na ki khun shynrang u Aaron un wallam ïa ka jingainguh bam sha U Trai ha khmat ka duwan.

LEBITIKOS 8:28

Nangta u Moses u shim ïa ka jingbam na ki bad u thang ïa ka ha ka duwan, halor ka jingkñia ainguh thang, kum ka jingainguh jingpynkyntang. Kane ka long ka jingkñia ainguh bam, bad ka jingiw na ka, ka pynsngewbha ïa U Trai.

LEBITIKOS 9:14

Nangta u sait ïa ki doh jem bad ïa ki kjat-dien bad u thang lang ïa ki ha ka duwan halor kita kiwei pat ki jingkñia ainguh thang.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:7

Kum ka jingainguh da ka waiñ lem bad u khunlangbrot uba nyngkong, theh shi litar ka waiñ ha ka duwan.

JINGKHEIÑ 28:8

Ynda janmiet pat, ainguh ïa u langbrot uba ar ha kajuh ka rukom kumba la leh ïa ka jingainguh kaba mynstep, ryngkat bad ka jingainguh da ka waiñ. Kane ruh ka dei ka jingainguh bam, ka jingiw kaba pynsngewbha ïa U Trai.

2 KORINTH 2:15

Naba ngi long kum ka jingiwbih ba la ai da U Khrist sha U Blei, kaba saphriang hapdeng kito kiba la pynim bad kito kiba la jah noh.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

DEUTERONOMI 12:27

Kñia ïa ki jingainguh thang hangta ha ka duwan U Trai. Kñia ruh ïa kita ki jingainguh na kiba phi bam ïa ka doh jong ki, bad theh ïa ka snam jong ki ha ka duwan.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.