LEBITIKOS 1:3 - Khasi CL Bible (BSI)

³ Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

KA BAIBL

³ “Lada ka jingkñia jong u kan long ka jingkñia ainguh thang da u masi dab, to ai ba un kñia ainguh da u shynrang bajanai: bad to ai ba un wallam ïa u da la ka mon sngewbha hi sha ka jingkhang Ka Tabernakl ka jingïaseng ha khmat U Trai;

LEBITIKOS 1:3 ပူးပေါင်းရင်းမြစ်များ

JENESIS 22:13

U Abraham u khmih sawdong bad u la ïohi ïa u langbrot uba la sahkut ki reng ha ka bniap. U leit ban shim ïa u, bad kñia ïa u kum ka jingainguh thang ha ka jaka u khun jong u.

JENESIS 22:2

“Shim ïa u khun jong me,” U Blei u ong, “u Isaak, u khun ba tang marwei jong me, ïa uba me ieit thep mynsiem, bad leit sha ka ri Moraïah. Hangta halor u lum ïa uba ngan sa pyn-i ha me, kñia ïa u kum ka jingainguh ha nga.”

JENESIS 22:8

U Abraham u jubab, “U Blei hi un sa pynbiang ïa uwei.” Bad baroh ar ngut ki nang ïa-ïaid lang.

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

2 KHRONIKL 29:32

Ki la wallam hynñiewphew tylli ki masi lyngraw, shispah tylli ki langbrot, bad arspah tylli ki khunlangbrot kum ki jingainguh thang ïa U Trai;

2 KHRONIKL 35:12

Nangta ki pynïabynta hapdeng ki briew, kat kum ki kynhun longïing, ïa ki jingri na ka bynta ki jingainguh thang, khnang ba kin lah ban ai ïa ki kat kum ki jingbthah ha ka Hukum u Moses.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

EKSODOS 12:5

Lah ban jied da ka langbrot ne da ka blang, tangba u dei ban long u shynrang uba shisnem bad u bym don kano kano ka jingduna.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

EKSODOS 29:4

“Ïalam ïa u Aaron bad ki khun shynrang jong u sha ka jingkhang jong ka Ïingjaiñ ka Jingdon Ryngkat jong nga bad ong ba kin sum kat kum ka jinglehniam.

EKSODOS 29:42

Ha ki por baroh ki ban wan, dei ban ai ïa kane ka jingainguh thang ha khmat jong nga ha ka jingkhang jong ka Ïingjaiñ ka Jingdon Ryngkat jong nga. Kata ka long ka jaka ha kaba ngan ïashem bad ki briew jong nga bad ngan ïakren bad me.

EKSODOS 32:6

Dang step phyrngab ha ka sngi kaba bud, ki la wallam katto katne ki mrad ba yn thang kum ki jingkñia bad ïa kiwei pat ban ïabam kum ki jingainguh ïasyllok. Ki briew ki la ïashong ban ïakhawai, kaba la kylla long ka jingïaleh shongshit ha ka ïadih ïabam bad ïaleh awria.

EKSODOS 35:21

bad baroh kiba mon ban leh kumta, ki wanrah ïa ka jingainguh sha U Trai ïa kaba yn pyndonkam ha kaba shna ïa ka Ïingjaiñ ka Jingdon Ryngkat U Trai. Ki wallam kat ïa kaba donkam na ka bynta ka jingmane, bad na ka bynta ban thain ïa ki jaiñphong lyngdoh.

EKSODOS 35:29

Ki paid Israel baroh, shynrang bad kynthei, kiba sngewkynduh ki wallam mon sngewbha ïa ka jingainguh jong ki sha U Trai na ka bynta kata ka kam kaba u la hukum ïa u Moses ban leh.

EKSODOS 35:5

Wallam ka jingainguh sha U Trai. Kat uba kwah ban leh ïa kata un wanrah ïa kata ka jingainguh da ka ksiar, ka rupa, bad ka rnong;

EKSODOS 36:3

Ki la ïohpdiang na u ïa kita ki jingai baroh ba ki Israel ki la wallam na ka bynta ban tei ïa kata ka Ïingjaiñ kaba kyntang. Hynrei ki Israel ki nang ïai wallam sha u Moses ïa ki jingainguh jong ki man ka step.

EKSODOS 38:1

Na ka bynta ban thang ïa ki jingainguh, u thaw ïa ka duwan da ka dieng akasia. Ka long kaba sawdong, ka don 2.2 mitar ka lynter, 2.2 mitar ka jingïar bad 1.3 mitar ka jingjrong.

ISAÏAH 1:11

U ong, “Hato pha pyrkhat ba nga kwah ïa ki jingkñia baroh kiba pha ïai ai ïa nga? Nga la ngiah shoiñ ïa ki langbrot kiba pha thang kum ki jingkñia bad ïa ki khleiñ jong ki jingri kiba bha tam jong pha. Nga la jlep ïa ka snam jong ki masi lyngraw bad ki langbrot bad ki blang.

ESEKIEL 20:40

Hangta ha ka ri, halor u lumbah bakhuid jong nga, u lumbah bajrong jong ka Israel, ma phi ki Israel baroh phin mane ïa nga. Ngan sngewbha eh bad phi bad ngan khmih lynti ïa phi ban wallam ha nga ïa ki jingkñia jong phi, ïa ki jingainguh bakynsai tam jong phi, bad ïa ki jingai sngewbha bakhuid jong phi.

ESEKIEL 40:39

Ha kane ka kamra rung, la don saw tylli ki miej, ar tylli ha kawei kawei ka liang jong ka kamra. Dei halor kine ki miej ba la pynïap ïa ki mrad ba dei ban ai kum ki jingkñia, lane ban thang tylli, lane ban long ki jingkñia sait pop ne kum ki jingtyrwa siew kylliang.

LEBITIKOS 1:10

Lada uta u briew u wallam ïa ka jingainguh da uwei na ki blang ne ki langbrot jong u, u dei ban long da u shynrang uba khlem kano kano ka jingduna.

LEBITIKOS 14:10

Ha ka sngi kaba phra, un wallam ar tylli ki khunlangbrot shynrang bad kawei ka langbrot kynthei kaba shisnem, ki bym don kano kano ka jingduna, lai kilo u 'purew ba la khleh bad ka umphniang Olib, bad kumba shi bynta na ka lai bynta ka umphniang Olib.

LEBITIKOS 16:7

Nangta un shim ar tylli ki blang sha ka jingkhang jong ka Ïingjaiñ ka Jingdon Ryngkat U Trai.

LEBITIKOS 17:8

Uno uno u Israel lane uno uno u nongwei uba wan shong ryngkat hapdeng jong ki, uba kñia ïa ka jingainguh thang lane ïa kano kano ka jingkñia kum ka jingainguh sha U Trai hangno hangno lait tang ha ka jingkhang jong ka Ïingjaiñ, yn ym ñiew shuh ïa u kum uwei na ki briew jong U Blei.

LEBITIKOS 23:12

Ha kata ka sngi ba phi ai ïa kata ka song kew, kñia ruh kum ka jingainguh thang uwei u khunlangbrot u bym don kano kano ka jingduna.

LEBITIKOS 23:18

Ryngkat bad kita ki kpu, baroh phin ïa-ai hynñiew tylli ki khunlangbrot kiba shisnem, uwei u masi lyngraw, bad ar tylli ki 'langsohmoh ki bym don kano kano ka jingduna. Yn ai ïa ki kum ka jingainguh thang sha U Trai ryngkat bad ka jingainguh bam bad ka jingainguh dih. Ka jingiwbih jong kane ka jingkñia ka long kaba pynsngewbha ïa U Trai.

LEBITIKOS 3:1

Haba uno uno u ai jingkñia ïa uwei na ki masi jong u kum ka jingainguh ïasyllok, ka dei ban long da u shynrang ne ka kynthei ki bym don kano kano ka jingduna.

LEBITIKOS 4:15

Ki nongïalam jong uta u paidlang kin buh ïa la ki kti ha ka khlieh jong u, bad kin pynïap ïa u hangta.

LEBITIKOS 4:23

kumta mar ïatip ïa kata ka pop, un wallam kum ka jingainguh jong u ïa u 'langsohmoh u bym don kano kano ka jingduna.

LEBITIKOS 4:3

Lada dei u Rangbah Lyngdoh uba leh pop bad da kumta u wanrah ïa ka jingpynrem ha ki paidbah, un ai ïa u masi lyngraw u bym don kano kano ka jingduna bad un kñia sha U Trai namar ka pop jong u.

LEBITIKOS 4:32

Lada u briew u wallam ïa ka langbrot kum ka jingainguh namar ka pop, ka dei ban long ka langbrot ka bym don kano kano ka jingduna.

LEBITIKOS 5:15

Lada uno uno u leh pop khlem tip da kaba kum klet ban wan ai ïa ka jingsiew ba long kyntang sha U Trai, un wallam ïa ka jingkñia namar ka jingleh palat sha U Trai da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kumba la buh.

LEBITIKOS 5:18

U dei ban wanlam sha u lyngdoh kum ïa ka jingkñia namar ka jingleh palat da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kat kum ba la buh. U lyngdoh un ai ïa ka jingkñia namar ka pop jong uta u briew bad yn map ïa u.

LEBITIKOS 6:2

Dei ban ai ïa ka jingkñia lada uno uno u leh pop pyrshah ïa U Trai da kaba kyntait ban pynphai ïa kaei kaba u para Israel u la phah buh ha u lane da kaba tuh na u lane da kaba u shukor ïa u

LEBITIKOS 6:8

U Trai u hukum ïa u Moses,

LEBITIKOS 7:16

Lada u briew u wanlam ïa ka jingainguh ïasyllok ban pyndep ïa la ka jingkular lane kum ka jingainguh mon sngewbha jong u hi, ym da donkam ban bam lut ïa ka ha kajuh ka sngi ba la kñia; hynrei ïa kaba sah lah ban bam ha ka sngi kaba bud.

LEBITIKOS 8:18

Nangta pat, u Moses u wanlam ïa uta u langbrot ban pynlong ka jingkñia ainguh thang, bad u Aaron bad ki khun shynrang jong u ki buh ïa la ki kti ha ka khlieh jong u.

LEBITIKOS 9:2

U ong ha u Aaron, “Shim ïa uwei u masi lyngraw bad uwei u langbrot ki bym don kano kano ka jingduna bad kñia ïa ki ha U Trai, ïa u masi lyngraw kum ka jingkñia namar ka pop bad ïa u langbrot kum ka jingkñia ainguh thang.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

JINGKHEIÑ 15:8

Haba la wanrah ïa u masi kum ka jingainguh thang, lane kum ka jingkñia ha kaba pyndep ïa kano kano ka jingsmai skhem, lane kum ka jingainguh jingpynïasuk,

JINGKHEIÑ 19:2

ban ai ïa kine ki jingbuhbeit ryntih ha ki Israel. “Wallam ha u Moses bad u Aaron kawei ka masi lud rong saw ka bym don kano kano ka jingduna bad ïa kaba ym pat shym la pyntreikam,

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

JINGKHEIÑ 23:27

U Balak u ong, “Ale bad nga, bad ngan ïalam ïa phi sha kawei pat ka jaka. Lehse U Blei un shah ïa phi ban tim ïa ki na ka bynta jong nga nangta.”

JINGKHEIÑ 23:3

Nangta u Balaam u ong ha u Balak, “Ïeng hangne harud ka jingainguh thang jong phi, katba nga pat ngan leit peit la U Trai un ïakynduh ne em ïa nga. Ngan sa ïathuh ha phi kat ïa kaba u pynpaw ha nga.” Kumta u la leit marwei sha kliar jong uwei u lum,

JINGKHEIÑ 23:30

U Balaam u leh kumta, bad u kñia uwei u masi kyrtong bad uwei u langbrot ha kawei pa kawei ka duwan.

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:19

Wanrah ïa ka jingainguh thang kum ka jingainguh bam ha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:31

Wanrah ïa kine bad ïa ka jingainguh waiñ nalor ka jingainguh thang bad ka jingainguh bam kaba man ka sngi.

JINGKHEIÑ 29:13

Ha kane ka sngi kaba nyngkong, ai ïa ka jingainguh bam ha U Trai, ka jingiw kaba pynsngewbha ïa u: khatlai tylli ki masi lyngraw, ar tylli ki langbrot shynrang, bad khatsaw tylli ki khunlangbrot shynrang kiba shisnem ka rta, baroh ki dei ban long ki bym don kano kano ka jingduna.

JINGKHEIÑ 29:2

Wanrah ïa ka jingainguh thang sha U Trai, ka jingiw kaba pynsngewbha ïa u: uwei u masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 10:9

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

DEUTERONOMI 12:27

Kñia ïa ki jingainguh thang hangta ha ka duwan U Trai. Kñia ruh ïa kita ki jingainguh na kiba phi bam ïa ka doh jong ki, bad theh ïa ka snam jong ki ha ka duwan.

DEUTERONOMI 15:21

Hynrei lada don ei ei kaba duna ha kita ki jingri, lada ki dkoh lane ki matlah, lane lada palat eh kano kano ka jingduna, phim dei ban kñia ïa ki ha U Trai U Blei jong phi.

DEUTERONOMI 17:1

“Wat kñia ainguh ha U Trai U Blei jong phi ïa u masi lane ka langbrot kiba don kano kano ka jingduna; U Trai u isih ïa kaba kum kata.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.