KOLOSSAI 4:7 - Khasi CL Bible (BSI)

⁷ U para ba-ieit jong ngi u Tukhikos, u nongtrei uba lah ban shaniah bad u para shakri ha ka kam jong U Trai, un sa ai ïa phi ka khubor baroh shaphang jong nga.

KA BAIBL

⁷ Ïa kiei kiei baroh shaphang jong nga, u Tukhikos un pyntip ha phi, u parabangeit ba-ieit bad u nongïathuhkhana baïaineh, bad u para shakri ha U Trai:

KOLOSSAI 4:7 ပူးပေါင်းရင်းမြစ်များ

KI KAM 20:4

U Sopater, u khun jong u Pyrrhos, uba na Beria, u la leit lem bad u; kumta ruh u Aristarkhos bad u Sekundos, na Thessaloni; u Gaïos na Derbe; u Tukhikos bad u Trophimos, na ka probins jong ka Asia; bad u Timothi.

PHILIPPI 2:25

Nga don ka jingpyrkhat ba ka donkam ban phah sha phi ïa u para jong ngi u Epaphroditos, uba la trei bad ïaleh ha syndah jong nga bad uba la shakri kum u nonglamktien jong phi ha kaba ïarap ïa nga.

KOLOSSAI 1:7

Phi la ïoh tip ïa ka jingaiei jong U Blei na u Epaphras, u para shakri ba-ieit jong ngi, uba long u nongtrei baïaineh jong U Khrist na ka bynta jong ngi.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

KOLOSSAI 4:9

Lem bad u, u wan u Onesimos, uta u para ba-ieit bad uba lah ban shaniah, uba dei na ka kynhun jong phi. Kin ïathuh ha phi ïa kaei kaei baroh kaba la jia hangne.

2 TIMOTHI 4:12

Ïa u Tukhikos nga la phah sha Ephesos.

TITOS 3:12

Ynda nga phah ïa u Artemas lane ïa u Tukhikos sha me, ïaleh shitom ban wan sha nga ha Nikopolis, namar nga la rai ban pynlut ïa ka tlang hangta.