KOLOSSAI 4:3 - Khasi CL Bible (BSI)

³ Ha kajuh ka por to duwai ruh na ka bynta jong ngi, ba kumta U Blei un ai ha ngi ka kabu babha ban ïalap ïa ka khubor jong u shaphang ka jingmaïan U Khrist. Namar kata keiñ balei ba nga don mynta ha byndi.

KA BAIBL

³ da kaba duwai lem na ka bynta jong ngi ruh, ba U Blei un plie ha ngi ka jingkhang ïa kata ka ktien, ban kren ïa ka jingmaïan ka jong U Khrist, na ka bynta jong ka, ba la khum ruh ïa nga;

KOLOSSAI 4:3 ပူးပေါင်းရင်းမြစ်များ

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

1 KORINTH 16:9

Ka don ka kabu da shisha hangne na ka bynta ka jingtrei kaba khraw bad kaba myntoi, wat lada don bun ki nongïaleh pyrshah.

1 KORINTH 4:1

Phi dei ban pyrkhat ïa ngi kum ki shakri U Khrist, ïa kiba la buh ban sumar ïa ki jingshisha barieh jong U Blei.

2 KORINTH 2:12

Haba nga la poi ha Troas ban ïalap ïa ka Khubor Babha shaphang U Khrist, nga la shem ba U Trai u la lah plie ïa ka lynti na ka bynta ka kam hangto.

EPHESOS 3:1

Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

EPHESOS 3:3

U Blei u la pynpaw shai ïa ka jingthmu barieh jong u bad u la pyntip ïa ka ha nga.

EPHESOS 3:4

(Nga la thoh khyndiat shaphang kane, bad lada phi pule ïa kaei kaba nga la thoh, phi lah ban tip shaphang ka jingsngewthuh jong nga ïa ka jingmaïan U Khrist.)

EPHESOS 3:9

U Blei uba long u Nongthaw ïa kiei kiei baroh, u la buhrieh ïa ka jingmaïan ha ki pateng baroh kiba mynshuwa,

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

PHILIPPI 1:19

Bad ngan ïailong uba kmen, namar nga tip ba da ki jingduwai jong phi bad da ka jingïarap kaba wan na U Mynsiem jong U Jisu Khrist, ïa nga yn sa pyllaitluid.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

KOLOSSAI 1:26

kaba long ka jingmaïan kaba u la buhrieh lyngba ki rta baroh kiba mynshuwa na ki jaitbynriew baroh hynrei mynta la pynpaw ha ki briew jong u.

KOLOSSAI 4:18

Da ka kti jong nga hi nga thoh ïa kane: Ki jingai khublei na u Paul. Wat klet ïa ki kynjri jong nga! To ai ba ka jingaiei jong U Blei kan long lem bad phi.

1 THESSALONI 5:25

Ko parabangeit, to duwai lem na ka bynta jong ngi.

2 TIMOTHI 1:16

To U Trai un pyn-i ïa ka jinglehisynei ha ka longïing u Onesiphoros, namar ba u la pyntngen ïa nga bunsien.

2 TIMOTHI 2:9

Namar ba nga ïalap ïa ka Khubor Babha, nga shahshitom bad nga shah teh kynjri ruh kum u riewrunar.

PHILEMON 1:22

Ha kajuh ka por, to pynkhreh ïa ka kamra na ka bynta jong nga, namar nga kyrmen ba U Blei un jubab ïa ki jingduwai jong phi baroh bad ban ai pat ïa nga ha me.