KOLOSSAI 4:11 - Khasi CL Bible (BSI)

¹¹ U Joshua, ïa uba la khot ruh u Justos, u phah ruh ïa ki jingai khublei. Kine lai ngut ki long tang ma ki, ki parabangeit Jiw kiba trei bad nga na ka bynta Ka Hima U Blei, bad ki la long ka jingïarap bakhraw ïa nga.

KA BAIBL

¹¹ bad ïa u Jisu ïa uba la khot “u Justos”, kiba long na ka jingotsher. Tang kine hi ki lok baïatrei lem ha ka hima U Blei, ki briew kiba long ka jingtngen ïa nga.

KOLOSSAI 4:11 ပူးပေါင်းရင်းမြစ်များ

KI KAM 10:45

Ki Jiw kiba la ngeit kiba la wan na Joppa lem bad u Petros ki la sngewlyngngoh ba U Blei u la theh ïa ka jingai ïa U Mynsiem Bakhuid ha ki Jentil ruh.

KI KAM 11:2

Haba u Petros u la leit sha Jerusalem, kito kiba ïashah ba dei ban otsher ïa ki Jentil ki la wohnia ïa u, da kaba ong,

Ka Shithi U Paul Sha Ki Nong Rom 16:3

Nga phah ïa ki jingkhublei ïa ka Priskila bad u Akwila, ki para nongtrei jong nga ha ka jingshakri ïa U Khrist Jisu;

Ka Shithi U Paul Sha Ki Nong Rom 4:12

U long ruh u kpa jong kito ïa kiba la otsher, kata, jong kito kiba, nalor ba la otsher ïa ki, ki la im ruh ïa kajuh ka jingim jong ka jingngeit kaba u Abraham u kpa jong ngi u la im shuwa ba yn otsher ïa u.

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

EPHESOS 2:11

Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

KOLOSSAI 4:7

U para ba-ieit jong ngi u Tukhikos, u nongtrei uba lah ban shaniah bad u para shakri ha ka kam jong U Trai, un sa ai ïa phi ka khubor baroh shaphang jong nga.

1 THESSALONI 3:2

bad ngi la phah ïa u Timothi, u parabangeit jong ngi uba ïatrei lem bad ngi na ka bynta U Blei ha kaba ïalap ïa ka Khubor Babha shaphang U Khrist. Ngi la phah ïa u ban pynkhlaiñ ïa phi bad ïarap ïa ka jingngeit jong phi,

1 THESSALONI 3:7

Kumta, ha ki jingjynjar bad jingshahshitom jong ngi baroh, la pynshlur ïa ngi da ma phi, ko parabangeit. Ka dei ka jingngeit jong phi kaba la pynshlur ïa ngi,

TITOS 1:10

Naba don shibun, khamtam kiba la kylla na ka niam Jiw, kiba ïaleh pyrshah bad kiba shukor ïa kiwei da ka jingleh bym don jingmut jong ki.

PHILEMON 1:1

Na u Paul, u nongsah byndi na ka bynta U Khrist Jisu, bad na u Timothi u para jong ngi — Ha u Philemon, u paralok jong ngi bad u para ba-ïatrei lang,

PHILEMON 1:24

bad kumjuh ruh ki para ba-ïatrei lem bad nga u Markos, u Aristarkhos, u Demas, bad u Loukas.