KOLOSSAI 3:8 - Khasi CL Bible (BSI)

⁸ Hynrei mynta phi dei ban kiar noh na kine kiei kiei baroh: Ka jingbitar, ka jingkwah jakhlia, bad ki jingsngew kiba dap da ka jingisih. Ki jingkrenbeiñ lane ki jingkrensih kim dei da lei lei ban mih na ki rmiang shyntur jong phi.

KA BAIBL

⁸ Hynrei, mynta, to phin bred noh ruh ïa kine baroh; ka jingbitar, ka jingbitar shla, ka jingbishni, ka jingkrenbeiñ, ka jingkren sih, na ka shyntur jong phi.

KOLOSSAI 3:8 ပူးပေါင်းရင်းမြစ်များ

SALM 37:8

Wat ai ban khuslai ne ban bitar; ka ïalam tang sha ka jingjynjar.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 19:19

Lada don uno uno uba bitar shen, to ai ba un shim ïa ki soh ba mih na kata. Lada phi pyllait ïa u na ka jingjynjar shisien, phin sa hap leh biang.

PROBERB 29:22

Ki briew kiba kloi ban bitar ki pynlong shibun ki jingïakajia bad ki jingkulmar.

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MARKOS 7:22

ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

GALATIA 5:20

ha ka jingmane bleithaw bad ka jingai ksuid. Ki briew ki kylla long nongshun bad ki ïashoh; ki ïa-bishni, bitar, bad ki kwah eh. Ki ïa-pait ha ki seng bad ki kynhun;

GALATIA 5:26

Ngim dei ban sngewsarong lane kiba pynbitar iwei ïa iwei pat lane bishni iwei ïa iwei pat.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

EPHESOS 5:4

Lymne kam long kaba dei ïa phi ban pyndonkam ïa ka ktien kaba khlem akor, kren thala, ne krensih, pynban, phi dei ban ainguh ïa U Blei.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

KOLOSSAI 3:9

Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 TIMOTHI 1:20

Napdeng kine ki long — u Hymenaïos bad u Aleksandar, ïa kiba nga la pynshitom da kaba aiti noh ïa ki sha ka bor u Soitan; kane kan hikai ïa ki ban sangeh na kaba krenbeiñ Blei.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

JAKOB 2:7

Dei ma ki kiba kren sniew ïa kata ka kyrteng babha ïa kaba la ai ha phi.

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

2 PETROS 2:7

U la pyllait im ïa u Lot, u briew uba bha, uba la pisa jingmut da ka jinglong bajakhlia jong ki briew bymkheiñ ïa ka aiñ.

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.

JUDAH 1:8

Ha kajuh ka rukom ruh, kine ki briew ki ïoh ïa ki jingïohipaw kiba pynlong ïa ki ban leh pop pyrshah ïa la ki jong ki met; ki ñiewbeiñ ïa ka jingsynshar jong U Blei bad ki ïakren beiñ ïa ki jingthaw badonburom ha bneng.

JINGPYNPAW 16:9

La thang ïa ki da ka jingshit tyrha kaba jur, bad ki la tim ïa ka kyrteng jong U Blei, uba don ka bor halor kine ki khlam. Hynrei kim shym phai noh na ki pop jong ki bad ïaroh ïa ka jingkhraw jong u.