KOLOSSAI 3:5 - Khasi CL Bible (BSI)

⁵ Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

KA BAIBL

⁵ Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

KOLOSSAI 3:5 ပူးပေါင်းရင်းမြစ်များ

EKSODOS 37:22

Ki shata, ki tnat, bad ka ktang u diengpynïeng sharak ki long kiba ïadait lang kawei da ka ksiar nylla ba la shoh.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

Ka Shithi U Paul Sha Ki Nong Rom 1:26

Namar ba ki leh ïa kane, U Blei u la ai noh ïa ki sha ki jingkwah brai bakhlemrain. Wat ki kynthei ki la pynbakla noh ïa ka jingpyndonkam kaba dei kat kum ka rukom ha ka jingshongkurim da ki jingleh ki bym dei kat kum ka rukom.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

Ka Shithi U Paul Sha Ki Nong Rom 6:6

Bad ngi tip ba ïa ka jinglong barim jong ngi la pynïap noh bad U Khrist halor ka diengphna, khnang ba ïa ka bor jong ka jinglong pop jong ngi, yn pynjot noh, khnang ba ngin ym long shuh ki mraw jong ka pop.

Ka Shithi U Paul Sha Ki Nong Rom 7:23

Hynrei nga ïohi ïa ka hukum kaba pher kaba trei hapoh ka met jong nga — ka hukum kaba ïaleh pyrshah ïa ka hukum kaba ka jingmut jong nga ka mynjur. Ka pynlong ïa nga u koidi ïa ka hukum jong ka pop kaba trei ha ka met jong nga.

Ka Shithi U Paul Sha Ki Nong Rom 7:5

Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

Ka Shithi U Paul Sha Ki Nong Rom 8:13

Naba lada phi im kat kum ka jinglong ba kynja doh, phin sa ïap; hynrei lada da U Mynsiem phi pynïap noh ïa ki jingleh ka pop, phin im.

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

1 KORINTH 6:13

Don uwei pat u ban ong, “Ka jingbam ka dei na ka bynta ka kpoh, bad ka kpoh na ka bynta ka jingbam.” Ho-oid, hynrei U Blei un sa pynduh ïa baroh ar. Ïa ka met ym dei ban pyndonkam na ka bynta ka kam awria, hynrei ïa ka ban shakri ïa U Trai; bad U Trai u bsa ïa ka met.

1 KORINTH 6:18

To kiar na ka jingleh awria. Kano kano kawei pat ka pop kaba u briew u leh kam ktah ïa ka met jong u; hynrei u briew uba leh awria u leh pop ïa kata ka met jong u.

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 4:19

Ki la duh noh ïa baroh ki jingsngew jong ka jinglehrain; ki pynlapmiet ïa lade ha ki kam thala bad ki leh ïa baroh ki jait kam sniew khlem salia.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.

1 THESSALONI 4:3

U Blei u kwah ïa phi ban long kiba khuid bad kiba lait phar na ka jingjakhlia ka jingawria.

1 THESSALONI 4:5

ym ha ka jingkwah brai thala, kum kiba mane blei thala ki bymtip ïa U Blei.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

HEBRU 12:16

Wat ai ba uno uno un long uba im thala lane u bym kynja mynsiem, kum u Iso, uba tang namar shisien ka jingbam u la die noh ïa ki hok jong u kum u hynmen.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

JAKOB 4:1

Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.