KOLOSSAI 3:25 - Khasi CL Bible (BSI)

²⁵ Bad ïa uwei pa uwei uba leh bakla yn siew na ka bynta kiei kiei kiba bakla kiba u leh, namar U Blei u bishar ïa uwei pa uwei da kajuh ka jingthew.

KA BAIBL

²⁵ Namar uta uba leh bymdei, un pdiang pat na ka bynta kata ka bymdei kaba u la leh; bad ym don ka jingñiew shiliang khmat.

KOLOSSAI 3:25 ပူးပေါင်းရင်းမြစ်များ

2 SAMUEL 14:14

Ngi baroh ngin ïap; ngi long kum ka um kaba hoit ha khyndew, ïa kaba ym lah shuh ban tong biang. Wat U Blei um ju wallam ïa kiba la ïap ban im pat, hynrei u syiem u lah la kumno kumno ban shem lynti ban wallam pat ïa u briew na ka jingphet wir.

2 KHRONIKL 19:7

Burom ïa U Trai bad trei bha, namar U Trai U Blei jong ngi um lah shah ïa ka jingleh bymdei lane ka jingleh shiliang khmat lane ka jingshim pisa thok.”

Ka Kitab U Job 34:19

Um ïashah liang bad ki nongsynshar ne pynpaw ba u kham lah ïa kiba riewspah ban ïa kiba duk, naba u la thaw ïa ki baroh.

Ka Kitab U Job 37:24

Kam long kaba phylla, te, ba uwei pa uwei u ïeng ha ka jingtiengburom ïa u, bad ba um ñiew ïa kito kiba kam ba ki long kiba stad.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

LOUKAS 20:21

Kine ki nongsyntiat ki la ong ha U Jisu, “Ko nonghikai, ngi tip ba kaei kaba me ong ka long kaba dei. Ngi tip ba mem khmih ïa ka kyrdan u briew, hynrei me hikai ïa ka jingshisha shaphang ka mon jong U Blei na ka bynta u briew.

KI KAM 10:34

U Petros u la sdang ban kren: “Mynta nga sngewthuh ba ka long kaba shisha ba U Blei u ñiew kumjuh ïa uno uno baroh.

Ka Shithi U Paul Sha Ki Nong Rom 2:11

Naba U Blei u bishar ïa baroh da kajuh ka jingbishar.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

EPHESOS 6:8

To kynmaw ba U Trai un ainong ïa uwei pa uwei, la u mraw ne uba laitluid, namar ka kam babha ba u trei.

EPHESOS 6:9

Phi ki kynrad, to leh ha kajuh ka rukom ïa ki mraw jong phi bad keiñ noh ki jingbyrngem. To kynmaw ba ma phi bad ki mraw jong phi, phi long ki jong ujuh U Kynrad uba ha bneng, uba bishar ïa baroh da kajuh ka jingthew.

DEUTERONOMI 1:17

Wat ïashah liang ha ki rai jong phi; bishar ïa uwei pa uwei ha kajuh ka nongrim, kam pher la u long uba kumno kumno. Wat sheptieng ïano ïano, naba ki rai kiba phi ai ki wan na U Blei. Lada kano kano ka kam ïakajia ka eh than ïa phi ban rai, wallam ïa ka sha nga, bad ngan rai ïa ka.’

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

KOLOSSAI 4:1

Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

PHILEMON 1:18

Lada u la leh kano kano kaba bakla ïa me lane u dang don ka ram ban siew ïa me, shim ïa kata na nga.

HEBRU 2:2

Kata ka khubor ïa kaba la pynbna da ki angel ha ki kpa tymmen jong ngi ka long kaba shisha, bad uno uno u bym shym bud ïa ka lane u bym shym kohnguh ïa ka u shah pynshitom kumba ka dei hok ïa u.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.