KOLOSSAI 3:15 - Khasi CL Bible (BSI)

¹⁵ Ka jingsuk kaba U Khrist u ai, ka long ban kdew lynti ïa phi ha ki rai kiba phi shim; naba dei ïa kane ka jingsuk ba U Blei u la khot lang ïa phi ha kawei ka met. Bad to long kiba sngewnguh.

KA BAIBL

¹⁵ Bad to ai ba ka jingsuk U Khrist kan synshar ha ki dohnud jong phi, sha kaba la khot ruh ïa phi ha kawei ka met; bad to long phi kiba sngewnguh.

KOLOSSAI 3:15 ပူးပေါင်းရင်းမြစ်များ

SALM 100:4

To rung sha ki khyrdop ka Templ da ka jingainguh; leit sha ki phyllaw jong ka da ka jingïaroh. To ainguh ïa u bad to ïaroh ïa u!

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 116:17

Ngan ai ha me ka jingkñia ainguh bad ai ka jingduwai sha me.

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

ISAÏAH 26:3

Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

ISAÏAH 27:5

Hynrei lada ki nongshun jong ki briew jong nga ki kwah ïa ka jingïada jong nga, ai ba kin ïasuk bad nga. Ho-oid, ai kin ïasuk bad nga.”

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

JONAH 2:9

Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

1 KORINTH 10:17

Namar don uwei u kpu, baroh na ngi, wat la ngi long shibun, ngi long kawei ka met, naba ngi baroh ngi ïoh bynta lem na ujuh u kpu.

1 KORINTH 7:15

Pynban, lada u bymngeit u kwah ban iehnoh ïa tnga ka bangeit, ai ba kan long kumta. Ha kiba kum kita ki khep u tnga ne ka tnga bangeit, ki la laitluid ban jied. U Blei u la khot ïa phi ïa ka ban im ha ka jingsuk.

2 KORINTH 4:15

Kane baroh ka long na ka bynta jong phi; bad katba ka jingaiei U Blei ka dang kner noh sha kiba bun ki briew, kin ai sha ka burom U Blei kham bun ki jingduwai ainguh.

2 KORINTH 9:11

Un pynriewspah ïa phi borabor kat ban biang ban lehsbun ha ki por baroh, khnang kiba bun kin ainguh ïa U Blei na ka bynta ki jingai jong phi ïa kiba ki la ïohpdiang na ngi.

EPHESOS 4:16

Hapoh ka jingsynshar jong u, baroh ki dkhot kiba ïapher jong ka met ki ïabiang lang sbiak, bad ïa ka met baroh kawei la bat lang da kawei pa kawei ka jingïapyndait ïa kaba ka la pynbiang. Kumta haba kawei pa kawei ka bynta kaba ïapher ka ïatrei kam kumba ka dei ban trei, ka met baroh kawei ka san bad ka tei ïa lade da ka jingieit.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

EPHESOS 5:1

Namar phi long ki khun kiba ieit eh jong U Blei, phi dei ban long kum ma u.

EPHESOS 5:20

Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

KOLOSSAI 2:7

Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

1 THESSALONI 5:18

to long kiba sngewnguh ha kiei kiei baroh. Kane ka long kaei kaba U Blei u kwah na phi ha ka jingim jong phi ha U Khrist Jisu.

1 TIMOTHI 2:1

Nyngkong eh, namarkata, nga kyntu ba ki jingïasaid, ki jingduwai, ki jingkyrpad bad ki jingainguh ban ai sha U Blei na ka bynta ki briew baroh; na ka bynta ki syiem bad baroh kiba don ha ka bor synshar, ba ngi lah ban im ka jingim kaba jar jar bad kaba suk ha ka jingtiengburom baroh sha U Blei bad da ka jinglong jingim kaba dei.

1 TIMOTHI 6:12

To men mareh ïa kata ka jingmareh thong jong ka jingngeit, bad ïoh ïa ka jingim bymjukut ïa lade; naba sha kane ka jingim U Blei u la khot ïa me mynba me la phla shai ïa ka jingngeit jong me ha khmat ki sakhi kiba bun.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

JINGPYNPAW 7:12

Te ki la dem ngon ha khmat kata ka khet bad ki la mane ïa U Blei, ki da ong, “Amen! Ka jingïaroh, ka burom, ka jingstad, ka jingainguh, ka jingpyndonburom, ka bor, bad ka jingkhlaiñ ki long jong U Blei jong ngi junom la junom! Amen!”